18:09 17.04.2019
Ինչպես ավելի վաղ հայտնել էինք` ԼՀԿ խմբակցության պատգամավոր Էդմոն Մարուքյանն այսօր ԱԺ նիստում առաջարկեց ֆինանսների նախարար Ատոմ Ջանջուղազյանին պաշտոնանկ անել` պատճառաբանելով, թե նա լավ չի աշխատում:
Մարուքյանի այս հայտարարությանն ի պատասխան` ԱԺ միջանցքում` լրագրողների հետ զրույցում, Ատոմ Ջանջուղազյանը նշեց, որ, իհարկե, ափսոսանքով է վերաբերվում այն հանգամանքին, որ իր գործունեությունը կասկածի տակ են դնում, բայց օբյեկտիվորեն այդ ամենին հանգիստ է վերաբերվում:
«Հակառակ դեպքում կարող էր թվալ, որ ամեն ինչ իդեալական է, լավ է, որը զգոնությունը թուլացնելուն ավելի շատ կօգներ: Ես կարծում եմ, որ մենք մշտապես պետք է զգոն լինենք և պիտի իմանանք, որ մեր գործողությունները մանրադիտակի տակ զննվում են, հետևաբար, մենք պետք է ամեն ջանք ներդնենք, որ լավագույն արդյունքը ցույց տանք»,- ասել է Ջանջուղազյանը:
Ֆինանսների նախարարը, խոսելով կրճատումների և օպտիմալացումների մասին, հավելեց, որ կառավարությունում աշխատանքը որպես աշխատատեղ պետք չէ դիտարկել:
«Պետք է նայենք այն տեսանկյունից, թե ինչ արդյունք է ստեղծում այդ աշխատատեղը և այդ մարդը` լինելով այդ պաշտոնում: Եթե սրանից շեղվում ենք, ապա մնացածը մնում է զուտ ասելու հարթության մեջ»,- հավելել է նա:
11:07 02.08.2025
Տարադրամի փոխարժեքներն օգոստոսի 2-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 382 դրամ, վաճառքի նվազագույն արժեքը՝ 384․50 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 441 դրամ: Ռուսական ռուբլու առքի առավելագույն արժեքն է 4․75 դրամ, վաճառքի նվազագույն արժեքը՝ 4.82 դրամ: ...
10:45 02.08.2025
Աֆղանստանում երկրաշարժ է տեղի ունեցելԱֆղանստանում տեղի է ունեցել 5.0 մագնիտուդով երկրաշարժ, հայտնում է Եվրոպական-Միջերկրածովյան Սեյսմոլոգիական Կենտրոնը (EMSC): Սեյսմոլոգիական կենտրոնի տվյալներով՝ ցնցումը տեղի է ունեցել ուրբաթ օրը՝ UTC ժամանակով ժամը 21:03-ին՝ Բաղլան քաղաքից 121 կիլոմետր արևելք, որի բնակչությունը կազմում է 108 հազար մարդ։ Էպիկենտրոնը գտնվել է 123 կիլոմետր խորության վրա։ Զոհերի կամ ավերածությունների մասին հաղորդագրություններ չեն եղել։ ...
10:16 02.08.2025
Սպիտակ տունը հաստատել է Ռուսաստանի դեմ նոր պատժամիջոցներ սահմանելու մտադրությունըԱՄՆ նախագահ Դոնալդ Թրամփը կրկին հայտարարել է, որ նախատեսում է պատժամիջոցներ կիրառել Ռուսաստանի դեմ, եթե ուկրաինական հակամարտության կարգավորման հարցում առաջընթաց չլինի իր կողմից սահմանված ժամկետներում։ NEWSMAX-ին տված հարցազրույցում նա ասել է, որ Ռուսաստանի նախագահ Վլադիմիր Պուտինի հետ հեռախոսազրույցներում նշել է՝ «այս պատերազմը պետք է ավարտվի», որ դա «սարսափելի պատերազմ է»։ «Ես կարծում էի, որ մենք […] ...
09:53 02.08.2025
Ճապոնիայում երկրաշարժ է տեղի ունեցելՃապոնիայի ափերի մոտ տեղի է ունեցել 5.6 մագնիտուդով երկրաշարժ, հայտնում է երկրի գլխավոր օդերևութաբանական վարչությունը։ Ցնցումները սկսվել են Հոկայդո կղզու ափի մոտ ՝ տեղական ժամանակով ժամը 07:27-ին: Գերատեսչությունը չի նշել երկրաշարժի օջախի խորությունը: Ճապոնիայում ընդունված յոթ բալանոց սանդղակով ցնցումների առավելագույն ուժգնությունը հասել է երեք բալի։ ...
09:30 02.08.2025
Թրամփը հայտարարել է, որ Պուտինի մասին իր կարծիքը չի փոխվելԱՄՆ նախագահ Դոնալդ Թրամփը Newsmax-ին տված հարցազրույցում հայտարարել է , որ Ռուսաստանի նախագահ Վլադիմիր Պուտինի մասին իր կարծիքը չի փոխվել, և որ ամերիկացի նախագահը Ռուսաստանի առաջնորդին համարում է «ամուր տեսակ»։ «Նա ( Պուտինը – խմբ.) անկասկած ամուր տեսակ է, այնպես որ այդ առումով ոչինչ չի փոխվել», – ասել է Թրամփը։ Ավելի վաղ Թրամփը հայտարարել էր, […] ...
08:55 02.08.2025
Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համարՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։ ...
