17:42 18.04.2019
«Ես, իհարկե, զգացված եմ, որ Ծառուկյանը համեստ անձիս կենսագրությանը փորձել է ծանոթանալ, բայց ով ներկայացրել է իրեն իմ կենսագրությունը, ուղղակի սխալ է ներկայացրել: Էնտեղ տվյալները շատ սխալ են ներկայացված: Ես «Հայկական ժամանակում» ոչ թե 10, այլ 15 եմ աշխատել և երբևէ աշխատանքից ազատված կամ հեռացված չեմ եղել: Եթե նկատի ունեն, որ ես իմ լրագրողական գործունեությունը մեկ կամ երկու ամսով ընդհատել եմ, ապա ասեմ, որ դա պայմանավորված է եղել անձնական հանգամանքներով»,- «Իմ քայլը» դաշինքի պատգամավոր Վահագն Հովակիմյանն այսպես է պատասխանել ԲՀԿ առաջնորդ Գագիկ Ծառուկյանի այն հայտարարությանը, թե իրեն բազմիցս աշխատանքից ազատել են:
Հովակիմյանն ափսոսում է, որ Ծառուկյանին իր մասին սխալ են զեկուցել: Պատգամավորը նաև հավելել է, որ հպարտ է, որ երկար տարիներ աշխատել է որպես լրագրող:
ԲՀԿ խմբակցության պատգամավորների հետ բանավեճին անդրադառնալով` Հովակիմյանը նշել է, որ ինքն ընդամենը փաստն է արձանագրել և միտում չի ունեցել ենթատեքստով ինչ-որ մեկի անունը տալու:
«Էն, ինչ ասվել է դահլիճում, այնտեղ էլ տրվել է պատասխանը: Բանավեճը դահլիճից դուրս շարունակելը ճիշտ չեմ համարում»,- ասել է Հովակիմյանը և հավելել, որ իր կենսագրությունում ոչ մի «մութ ու գաղտնի անկյուն» չունի, բոլորը կարող են հետազոտել:
Ավելի վաղ հայտնել էինք` այսօր առավոտյան ԱԺ-ում բավական թեժ վիճակ էր ստեղծվել. Վահագն Հովակիմյանը խորհրդարանում արձագանքել էր «Բարգավաճ Հայաստան»-ի քննադատությանը:
Ավելի ուշ «Բարգավաճ Հայաստան» խմբակցության առաջնորդ Գագիկ Ծառուկյանը ԱԺ-ում, պատասխանելով լրագրողների հարցերին, անդրադարձել էր Հովակիմյանի դիտարկմանը, թե ինքն ԱԺ-ում քիչ է ելույթ ունեցել:
«Եթե նայելով տվյալ բանը ասած մարդուն, որ ինքը իրական կյանքում ոչ մի բան չի արել և 10 տարի «Հայկական ժամանակում» աշխատել է որպես հասարակ լրագրող և 18 անգամ էլ գործից հանել են, այդ մարդը իրավո՞ւնք ունի Ծառուկյան անունը ասելու: Նա համեմատական կարգով պետք է նայի, թե ում մասին է խոսում, ու Ծառուկյանը ինչ է արել: Չեմ ուզում խոսել այս մասին, ժողովուրդը գործ է ուզում, ոչ թե դատարկ-դատարկ խոսել»:
Գագիկ Ծառուկյանը ասել էր` եթե իր աշխատաոճի առնվազն 3 տոկոսը ցանկացած պատգամավոր կատարած լիներ, ապա մեր երկիրը կզարգանար:
Մանրամասները` տեսանյութում:
15:11 30.06.2025
Եկատերինբուրգում տեղի ունեցած իրադարձությունները չպետք է Բաքվի կողմից նմանատիպ դեմարշների պատճառ դառնան.Պեսկով«Եկատերինբուրգում տեղի ունեցած իրադարձությունները չպետք է Բաքվի կողմից նմանատիպ դեմարշների պատճառ դառնան», – այսօր լրագրողների հետ զրույցում հայտարարել է Կրեմլի պաշտոնական ներկայացուցիչ Դմիտրի Պեսկովը՝ մեկնաբանելով Բաքվի կողմից ռուսական մշակութային միջոցառումների չեղարկումը։ «Մենք կարծում ենք, որ կատարվող ամեն ինչ առնչություն ունի իրավապահների գործողությունների հետ և չի կարող ու չպետք է նման արձագանքի պատճառ դառնար», – նշել […] ...
15:09 30.06.2025
ՌԴ դիվանագետները Բաքվում չեն կարողանում կապվել ռուս լրագրողների հետՌուսաստանի Դաշնությունն անհանգստացած է, որ ավելի քան երկու ժամ է՝ ռուս դիվանագետները Բաքվում չեն կարողանում կապ հաստատել ՌԴ քաղաքացի լրագրողների հետ։ «Արմենպրես»-ի փոխանցմամբ, այս մասին ՏԱՍՍ-ին հայտնել է ՌԴ արտգործնախարարության պաշտոնական ներկայացուցիչ Մարիա Զախարովան։Նա տեղեկացրել է, որ ադրբեջանական կողմն առանց որևէ պատճառաբանության ՌԴ դիվանագետներին թույլ չի տալիս մոտենալ ռուս լրագրողներին։ Ռուսական կողմը լրագրողների հետ կապված դիմել […] ...
15:06 30.06.2025
Եվրոպական միությունն ամուր կերպով աջակցում է Հայաստանի և Ադրբեջանի միջև հարաբերությունների կարգավորմանը.Կայա ԿալասԵվրոպական միությունն ամուր կերպով աջակցում է Հայաստանի և Ադրբեջանի միջև հարաբերությունների կարգավորմանը՝ հիմնված տարածքային ամբողջականության և ինքնիշխանության նկատմամբ հարգանքի ու սահմանների անխախտելիության սկզբունքների վրա։ «Արմենպրես»-ի հարցին ի պատասխան՝ այս մասին Հայաստանի Հանրապետության արտաքին գործերի նախարար Արարատ Միրզոյանի հետ համատեղ մամուլի ասուլիսի ընթացքում հայտարարեց Եվրամիության արտաքին և անվտանգության քաղաքական հարցերով բարձր ներկայացուցիչ Կայա Կալասը։ «ԵՄ-ն ամուր կերպով աջակցում […] ...
00:05 30.06.2025
Իսպանիայի մրցավարական կոմիտեի ղեկավար կազմը պաշտոնանկ է արվելԻսպանիայի Արքայական ֆուտբոլի ֆեդերացիան պաշտոնանկ է արել մրցավարական կոմիտեի (CTA) ղեկավար կազմին, հայտնում է El Partidazo de COPE-ն: Հեռացվածների ցանկում են կոմիտեի նախագահ Լուիս Մեդինա Կանտալյեխոն, նրա տեղակալ Անտոնիո Ռուբինոս Պերեսը, VAR բաժնի ղեկավար Կառլոս Կլոս Գոմեսն ու 3 փոխնախագահները: Նոր ղեկավար կազմը հայտնի կդառնա հաջորդ շաբաթ: ...
23:59 29.06.2025
Ռուսաստանի և Ուկրաինայի միջև բանակցությունների հեռանկարները կլինեն թուրքական կաբինետի թեմաներից մեկըԹուրքիայի նախագահ Ռեջեփ Թայիփ Էրդողանը հունիսի 30-ին կանցկացնի կառավարության նիստ, որի ընթացքում, ի թիվս այլ հարցերի, կքննարկի ռուս-ուկրաինական բանակցությունների նոր փուլի հեռանկարները, հաղորդում է A haber հեռուստաալիքը։ Հանդիպման ներքին օրակարգի հիմնական թեմաներից մեկը, ինչպես սպասվում է, կլինեն երկրի տարբեր շրջաններում անտառային հրդեհները: Պատասխանատու նախարարները Էրդողանին կզեկուցեն ստեղծված իրավիճակի և ձեռնարկված միջոցառումների մասին: Կառավարությունը նաև կքննարկի […] ...
23:45 29.06.2025
ՀՀ-ում կյանքեր փրկելու համար օրական փոխներարկվում է 60 պարկ արյուն․ Անդրանիկ ՇամիլյանՀանրապետությունում կյանքեր փրկելու համար օրական փոխներարկվում է 60 պարկ արյուն. հարցազրույց ԱՆ «Յոլյան» արյունաբանության և ուռուցքաբանության կենտրոնի Արյան ծառայության գծով փոխտնօրեն Անդրանիկ Շամիլյանի հետ: Մանրամասները՝ ՀՀ կառավարության տեսանյութում։ ...
