00:11 20.04.2019
Ապրիլի 24-ին ընդառաջ SHANTNEWS.am-ը հետաքրքրվել է Հայոց Ցեղասպանության թանգարան-ինստիտուտի տնօրեն Հարություն Մարությանից, թե ինչ միջոցառումներ է կազմակերպելու թանգարանը:
Թանգարանի տնօրենը մեզ հետ զրույցում նշեց, որ ապրիլի 23-ին բացվելու է ցուցադրություն, որը նվիրված կլինի Կոմիտասի և Հովհաննես Թումանյանի 150-ամյա հոբելյանին, այն կտևի մինչև օգոստոսի կեսերը:
Մեր այն հարցին, թե ի՞նչ հյուրեր ներկա կլինեն թանգարանի կազմակերպած միջոցառմանը, և այս տարի տեղի կունենա՞ արդյոք ապրիլի 24-ին Ծիծեռնակաբերդի հուշահամալիր բերված ծաղիկների վերամշակման գործընթացը, Հարություն Մարությանը պատասխանեց.
«Ծաղկահավաք լինելու է, մի քանի կազմակերպություններ դիմել են, և ապրիլի 24-ից հետո ծաղկահավաքն արվելու է, իսկ հյուրերի մասով նշեմ, որ մեր դռները բոլորի առջև բաց են, թանգարանը հատուկ հյուրեր չի հրավիրում»:
Ցուցադրության հեղինակ, Հայոց Ցեղասպանության թանգարան-ինստիտուտ հիմնադրամի ցուցադրությունների կազմակերպման բաժնի վարիչ Սեդա Պարսամյանը մեզ հետ զրույցում ներկայացրել է ցուցահանդեսի առանձնահատկությունները.
«Բացումը տեղի կունենա ապրիլի 23-ին ժամանակավոր ցուցադրությունների սրահում: Ցուցադրությունը նվիրված է մեծ մտավորականների 150-ամյա հոբելյանին: Ցուցադրության նպատակը Հայոց Ցեղասպանության հետ Թումանյանի և Կոմիտաս ունեցած առնչության հռչակումն է: Ցուցահանդեսը երկլեզու է՝ անգլերեն, հայերեն, կազմված է 8 խորագրերից: Դրանում ներառված են ոչ միայն Հայոց Ցեղասպանության թանգարան-իսնտիտուտի ֆոնդերում պահվող նյութերը, այլև նյութեր կան Չարենցի, Հովհաննես Թումանյանի տուն-թանգարաններից, Կոմիտասի թանգարան-ինստիտուտից, նաև Հայաստանի պատմության թանգարանից կան հետաքրքիր նմուշներ»:
Նա նշեց, որ ցուցահանդեսը ,ընդհանուր առմամբ, փաստավավերագրական է, և դրանում կան բացառիկ նյութեր, օրինակ ՝ 1915 թ․-ի ապրիլի 24 -ին Չանկրի աքսորված ու սպանված մտավորականներից մեկի՝ Վարդերես Աթանեսյանի աքսորի ընթացքում պատրաստված ուլունքաշար համրիչը, որը բաղկացած է 99 հատիկից: Մեկ այլ բացառիկ օրինակ է Բիթլիսում բնակվող Աղավնի Մկրտչյանի հուշերի տեսաձայնագրությունից մի փոքր հատված, որտեղ նշվում է, թե ինչպես էր Հովհաննես Թումանյանը գաղթականներին օգնություն ցուցաբերում:
Սեդա Պարսամյանը նշեց, որ Կոմիտասի անավարտ «Անուշ» օպերայից հատվածներ են հնչելու Արաքս Մանսուրյանի կատարմամբ, այդ երաժշտությունը ուղեկցվելու է ողջ ցուցահանդեսի ընթացքում:
17:29 02.08.2025
Մոդին սպառնացել է Պակիստանին հրթիռային հարվածներով նոր ահաբեկչական հարձակման դեպքումՀնդկաստանի վրա Պակիստանից ցանկացած նոր ահաբեկչական հարձակում կպատասխանվի վճռականորեն՝ օգտագործելով BrahMos թևավոր հրթիռները, որոնք արտադրվում են ռուս-հնդկական համատեղ ձեռնարկության կողմից, հայտարարել է Հնդկաստանի վարչապետ Նարենդրա Մոդին։ «Եթե Պակիստանը կրկին մեղք գործի, Ուտար Պրադեշում արտադրված հրթիռները կոչնչացնեն ահաբեկիչներին»,-ասել է Մոդին՝ ելույթ ունենալով Վարանասիում: Հնդկաստանի վարչապետը նաև նշել է, որ համաշխարհային հանրությունն արդեն տեսել է հնդկական պաշտպանական […] ...
17:20 02.08.2025
Գազայի առողջապահության նախարարությունը հայտնել է 24 ժամվա ընթացքում 98 պաղեստինցու մահվան մասինԳազայի հատվածում Իսրայելի կողմից վերջին 24 ժամվա ընթացքում ձեռնարկված գործողությունների հետևանքով զոհվել է առնվազն 98 մարդ, վիրավորվել՝ ավելի քան 1000-ը, հայտնել է անկլավի առողջապահության նախարարությունը իր պաշտոնական Telegram ալիքում։ «Վերջին 24 ժամվա ընթացքում Գազայի հատվածի հիվանդանոցներ են տեղափոխվել 98 զոհված (այդ թվում՝ 15-ը, որոնք հանվել են փլատակներից) և 1079 վիրավոր»,-ասվում է տեքստում։ Այսպիսով, 2023 թվականի […] ...
17:10 02.08.2025
Հայաստանի մի շարք հասցեներում էլեկտրաէներգիայի անջատումներ կլինեն«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ օգոստոսի 4-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11:00-17:00 Սարի Թաղ 2-6 փողոցներ մասնակի և հարակից ոչ բնակիչ- բաժանորդներ, Լեոյի փ. 50-103 առանձնատներ մասնակի, Երևանցու փ. 5-48 առանձնատներ մասնակի, Կոնդ թաղամաս 91-253 առանձնատներ մասնակի և հարակից ոչ բնակիչ-բաժանորդներ, […] ...
17:00 02.08.2025
«Գալաթասարայը» խոշոր գումարով ձեռք է բերել Օսիմհենի տրանսֆերային իրավունքըԹուրքիայի չեմպիոն «Գալաթասարայն» իտալական «Նապոլիից» ձեռք է բերել Նիգերիայի հավաքականի հարձակվող Վիկտոր Օսիմհենի տրանսֆերային իրավունքը։ Այս մասին հաղորդում է ակումբի մամուլի ծառայությունը: Ստամբուլը ներկայացնող ակումբն Իտալիայի չեմպիոնին 26-ամյա ֆուտբոլիստի տրանսֆերի համար 75 միլիոն եվրո է վճարել: Կողմերը չորս տարվա պայմանագիր են համաձայնեցրել: Օսիմհենը նախորդ մրցաշրջանը վարձավճարով էր անցկացրել «Գալաթասարայում»: ...
16:51 02.08.2025
Իրանի նախագահը երկօրյա այցով մեկնել է ՊակիստանՊակիստանի վարչապետի պաշտոնական հրավերով Իրանի նախագահ Մասուդ Փեզեշքիանը երկօրյա այցով մեկնել է Պակիստան: Ինչպես հայտնում է IRNA գործակալությունը, Փեզեշքիանը հանդիպումներ կունենա Պակիստանի վարչապետի, նախագահի, ինչպես նաև Ազգային ժողովի և Սենատի ղեկավարների հետ։ Այցի ընթացքում երկու երկրի պաշտոնյաները կստորագրեն մի շարք կարևոր համագործակցության փաստաթղթեր: ...
16:46 02.08.2025
Մեծ Բրիտանիայի ԱԳՆ-ն կասկածներ է հայտնել առաջիկա տարում Ուկրաինայում հակամարտության կարգավորման վերաբերյալՈւկրաինայի հակամարտությունը մեկ տարվա ընթացքում լուծելու հավանականությունը քիչ է, սակայն կողմերը կշարունակեն բանակցել, The Guardian-ին տված հարցազրույցում ասել է Մեծ Բրիտանիայի արտաքին գործերի նախարար Դեյվիդ Լամմին։ Հարցին, թե ինչպես է Լոնդոնը տեսնում Ուկրաինայում իրավիճակի զարգացումը, Մեծ Բրիտանիայի արտաքին գործերի նախարարության ղեկավարը նշել է, որ հակամարտությունը, ամենայն հավանականությամբ, չի լուծվի առաջիկա մեկ տարվա ընթացքում։ ...
