21:31 23.04.2019
Ամիսներ առաջ քաղաքապետը հայտարարել է, որ ավտոպարկում կա թվով 70 ավտոբուս, որոնք իր համար անհասկանալի պատճառներով չեն շահագործվել: Այս մասին Երևանի քաղաքապետ Հայկ Մարությանին հարց է ուղղել «Լույս» դաշինքի անդամ ավագանի Անի Խաչատրյանը: Ավագանու անդամը հարցրել է, թե քաղաքապետը արդեն հասկացե՞լ է, թե ինչու չի շահագործվել, և մինչև օրս այդ ավտոպարկից քանի՞ մեքենա է սկսել աշխատել:
Այս հարցին ի պատասխան քաղաքապետի առաջին տեղակալ Հրաչյա Սարգսյանը նշեց, որ նախորդ անգամ այս հարցը նորից բացատրվել է և մի անգամ ևս նշեց, որ այս պահի դրությամբ կան որոշ երթուղիներ որոնք որ փակվում են:
«Քաղաքապետարանը նախատեսում է, որ այդ ավտոբուսները շահագործվեն այդ երթուղիներում, որոնք որ փակվելու են: Այս պահի դրությամբ արդեն 10 ավտոմեքենա իր ամբողջ շարժակազմով պատրաստ է»,- ասել է Հրաչյա Սարգսյանը:
Անի Խաչատրյանն իր հերթին նշեց, որ իր հարցը հավանաբար սխալ են հասկացել:
«Պարո՛ն քաղաքապետ, հասկացաք, թե ինչու չեն շահագործվել այդ ավտոբուսները»,- կրկնեց հարցը «Լույս» դաշինքի ավագանու անդամը:
Հրաչյա Սարգսյանն ի պատասխան ասաց, որ գոյություն ունի մասնավոր և պետական հատված, որը շահագործում է գործող երթուղային ցանցը: Նոր ավտոբուսները նոր ցանցում օգտագործելու համար նշանակում է, որ որոշ երթուղիներ պետք է փակվեն
«Բայց քաղաքապետարանն այդ երթուղիները չի փակել և հնարավորություն է տվել մասնավոր հատվածին, որ աշխատի իր շարժակազմով: Իսկ այն երթուղիները, որոնք սնանկացման փուլում են կամ փակվելու են, ապա այդ ավտոմեքենաները կօգտագործվեն դրանց փոխարեն»,- ասել է առաջին տեղակալը և հավելեց, որ կա գործող երթուղային ցանց և նոր երթուղի ավելացնելը նշանակում էր, որ այլ երթուղիների ուղևորահոսքը պետք է սպասարկեին այդ ավտոբուսները, և այդ երթուղիները նույնպես պետք է գնային սնանկացման:
08:50 01.08.2025
ՄԱԿ-ի Անվտանգության խորհուրդը օգոստոսի 1-ին կանցկացնի Ուկրաինայի հարցով նիստՄԱԿ-ի Անվտանգության խորհուրդը օգոստոսի 1-ին կքննարկի Ուկրաինայի հարցը՝ համաձայն կազմակերպության նախնական ծրագրի։ Հանդիպումը, որի թեման է «խաղաղության և անվտանգության պահպանումը Ուկրաինայում», նախատեսված է սկսել տեղական ժամանակով 15:00-ին (Մոսկվայի ժամանակով 22:00-ին): Հանդիպումը կազմակերպվել է Կիևի խնդրանքով: ...
08:38 01.08.2025
Ստեփանծմինդա-Լարս ավտոճանապարհը փակ էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։ ...
08:30 01.08.2025
Թրամփը հայտարարել է Ուիթքոֆի Ռուսաստան այցի մասինԱՄՆ առաջնորդի հատուկ դեսպանորդ Սթիվ Ուիթքոֆը կայցելի Ռուսաստան։ Այս մասին հայտարարել է ԱՄՆ նախագահ Դոնալդ Թրամփը։ «Նա մեկնում է Իսրայել, ապա, Ռուսաստան», -Սպիտակ տանը լրագրողներին ասել է ամերիկյան վարչակազմի ղեկավարը՝ պատասխանելով Ուիթկոֆի՝ արտասահմանյան այցելությունների մասին հարցին։ Ավելի վաղ ԱՄՆ կառավարությունը հայտարարել էր, որ Ուիթքոֆը օգոստոսի 1-ին կայցելի Իսրայել և Գազայի հատված։ Թրամփը չի նշել իր […] ...
08:20 01.08.2025
ԱՄՆ-ի նոր մաքսատուրքերը ուժի մեջ կմտնեն օգոստոսի 7-ինԱՄՆ նախագահ Դոնալդ Թրամփի կողմից ստորագրված նոր սակագնային պլանը ուժի մեջ կմտնի ոչ թե ուրբաթ, այլ մեկ շաբաթ անց, հաղորդում է CNN-ը։ Թրամփը հինգշաբթի երեկոյան ստորագրեց հրամանագիր, որով ավելի քան 60 երկրներից Միացյալ Նահանգներ ներմուծվող ապրանքների վրա սահմանվում են 15%-41% մաքսատուրքեր: Ակնկալվում էր, որ միջոցառումները ուժի մեջ կմտնեն ուրբաթ՝ օգոստոսի 1-ին: «Փոխարենը, տուրքերը կներդրվեն օգոստոսի […] ...
08:12 01.08.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ Ըստ Ճանապարհային դեպարտամենտի՝ ճանապարհաշինական աշխատանքներով պայմանավորված՝ հուլիսի 4-ից Մ-1 միջպետական ճանապարհի (Երևան-Գյումրի) կմ38+030 հատվածից (Ուջանի մոտից) երթևեկությունը կտեղափոխվի Հյուսիս-հարավի նորակառույց ճանապարհ։ ...
08:06 01.08.2025
Բջնի գյուղում այրվել է ավտոմեքենաՕգոստոսի 1-ին, ժամը 00։43-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Բջնի գյուղի 2-րդ փողոցում՝ գործարանի մոտակայքում, այրվում է ավտոմեքենա: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ հրդեհը բռնկվել է 2-րդ փողոցի 5-րդ փակուղու տներից մեկի բակում՝ «Hyundai» մակնիշի ավտոմեքենայում։ Հրդեհը […] ...
