Մայիսի սերիալային պրեմիերաները

Մայիս ամիսը հարուստ է սերիալային պրեմիերաներով: Այս ամսվա ընթացքում մեզ սպասում են միանգամից մի քանի արդեն սիրված սերիալների հերթական սեզոնների պրեմիերաներ, ինչպես նաև նոր սերիալներ, որոնք դեռ կհասցնենք գնահատել:

SHANTNEWS.am-ը ներկայացնում է այս ամսվա լավագույն ու սպասված սերիալային պրեմիերաները:

«Չեռնոբիլ» (Chernobyl)

Պրեմիերան կլինի մայիսի 6-ին:

HBO ալիքի նոր մինի սերիալը պատմում է 1986-ի ապրիլի 26-ի Չեռնոբիլի ատոմակայանի պայթյունի դեպքերի մասին: Ահեղ պայթյունի հետևանքով ռադիոակտիվ նյութերը տարածվել են ամբողջ տարածաշրջանում: Սերիալում ներկայացվում է այն մարդկանց պատմությունը, որոնք պատրաստվում են ուսումնասիրել աղետի հետևանքները և լիկվիդացիոն ծրագիր մշակել:

Սերիալի ռեժիսորը Իոհան Ռենկն է, որը մինչ այդ հայտնի է «Վիկինգներ» և «Քայլող դիակներ» սերիալներից:

«Լավագույնները Լոս Անջելոսում» (L.A.’s Finest)

Պրեմիերան՝ մայիսի 13-ին:

Դետեկտիվների սիրահարներին հաստատ դուր կգա այս սերիալը, որը «Վատ տղաներ» ֆիլմի սփին օֆֆն է: Գլխավոր դերերում՝ Ջեսսիկա Ալբան ու Գեբրիել Յունոնը:

Գլխավոր հերոսուհիները Լոս Անջելեսի ոստիկանությունում են աշխատում և ոչ սովորական անցյալ ու բնավորություն ունեն: Հատուկ գործողության համար նրանք դառնում են գործընկերներ և, չնայած հակասական բնավորությունների, շատ արագ լեզու են գտնում միմյանց հետ:

«Խորամանկություն-22» (Catch-22)

Պրեմիերան կկայանա մայիսի 17-ին:

Հերթական մինի սերիալը Ջոզեֆ Հելլերիի համանուն հակառազմական վեպի էկրանավորումն է: Այն հեռարձակվելու է  Hulu-ում:

Գլխավոր դերում Ջորջ Քլունին է, որը նաև ֆիլմի ռեժիսորներից մեկն է ու զբաղվել է նաև պրոդյուսերությամբ:

Սերիալի գործողությունները ծավալվում են 1944 թվականին: Գլխավոր հերոսը փորձում է ամեն կերպ խուսափել պատերազմից: Նա ձևացնում է, թե խելագարվել է, բայց օրեսնդրական այլ հանգամանքները հերոսը չի հաշվարկել…

«Ինչ/Եթե»(What/If)

Պրեմիերան՝ մայիսի 24-ին:

Մայիս ամսվա վերջին Netflix-ւ խոստանում է նեոնուար ոճի սերիալ, որում բոլոր էպիզոդները իրար կկապվեն միայն գլխավոր հերոսուհով, որին մարմնավորում է Ռենե Զելլվեգերը:

Սերիալի ստեղծողները նշում են՝ սերիալի գաղափարն այն է, թե ինչպես կարող է մեկ չմտածված քայլը դոմինոյի ազդեցություն թողնել:

Նշենք, որ սա Զելվեգերի սերիալային դեբյուտն է:

https://www.youtube.com/watch?v=vQcPqm3EqY8

Լյուցիֆեր (Lucifer)

Lucifer

Նոր սեզոնի պրեմիերան՝ մայիսի 8-ին:

Եթե չլիներ Netflix-ը, մենք չէինք կարողանա էքսցենտրիկ սատանայի արկածների մասին պատմող սերիալի 4-րդ սեզոնը դիտել: 2018-ի մայիսին Fox-ը երրորդ եթերաշրջանից հետո փակել էր նախագիծը:

4-րդ սեզոնում մենք էլի կտեսնենք արդեն սիրված կերպարներին: Լյուցիֆեր Մորնինգսթարը շարունակում է օգնել դետեկտիվ Դեքերին տարբեր հետաքննություններում և փորձում է նաև իր զգացմուքնների մեջ կողմնորոշվել: Այս եթերաշրջանում կհայտնվի Աստվածաշնչից մեզ հայտնի Եվան, որը հոգնել է Ադամի հետ հավերժ ու կանխատեսելի ամուսնական կյանքից և ցանկանում է ևս մեկ անգամ տեսնել իր առաջին և իրական սիրուն՝ Լյուցիֆերին, որը գայթակղել է նրան շատ ու շատ տարիներ առաջ: