16:17 04.05.2019
ՀՀ ԱԻՆ տարածած հաղորդագրության համաձայն՝ մայիսի 3-5-ը ՀՀ տարածքում կանխատեսվում է եղանակային պայմանների փոփոխություն: Սպասվում է կարճատև անձրև և ամպրոպ, առանձին վայրերում հնարավոր է կարկուտ: Տեղ-տեղ անձրևները կլինեն հորդառատ, ինչը կարող է առաջացնել ձյան պաշարների ինտենսիվ հալոցք: Դեբեդ, Աղստև, Հրազդան, Քասախ, Սևանա լճի ավազանի, Ազատ, Վեդի և Արփա գետերի ափամերձ տարածքներում և գետավազաններում մայիսի 4-5-ը հնարավոր են ողողումներ և ջրածածկումներ:
SHANTNEWS.am-ն այսօր հետաքրքրվել է ԱԻՆ ՓԾ բնակչության պաշտպանության վարչության պետի տեղակալ Տիգրան Գիդաչյանից, թե ի՞նչ աշխատանքներ են իրականացվել ռիսկը մեղմելու ուղղությամբ:
«Մեր նախարարության կողմից ամեն տարի` մինչև ձնհալի ու տեղումների ժամանակահատվածը, նախապատրաստվում են հանձնարարականներ, ուսումնասիրվում են գետերի, սելավատարների հնարավոր վտանգավոր հատվածները, նախապատրաստվում են առաջարկություններ և ներկայացվում են Էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտե՝ առաջարկություններով, թե որ հատվածներում ինչ կանխարգելիչ աշխատանքներ պետք է իրականացնել, որպեսզի, ունենալով անգամ առատ ջուր, առատ ձնհալ, խուսափենք վտանգավոր հետևանքներից», – ասել է Տիգրան Գիդաչյանը:
Ինչ վերաբերում է այն հարցին, թե կոնկրետ ի՞նչ աշխատանքներ են կատարվում.
«Գետի հունի մաքրում, ափապաշտպան կառույցների ամրացում, վերանորոգում: Բացի դրանից, հաշվի առնելով Հիդրոմետ ծառայության կանխատեսումները`մեր կողմից նույնպես պատրաստվեց հանձնարարական մեր մարզային վարչության պետերին, որ աշխատանքներ տանեն համայնքների ղեկավարների հետ, համայնքի ղեկավարներն ուշադիր լինեն իրենց համայնքի տարածքով անցնող գետերի վտանգավոր հատվածներին, անհրաժեշտության դեպքում՝ անմիջապես կապ հաստատեն ՃԿԱԿ-ի և Բնակչության պաշտպանության վարչության հետ, ինչպես նաև հետևեն հիդրոմետի կանխատեսումներին՝ հետևանքներից խուսափելու համար», – հավելել է ԱԻՆ ներկայացուցիչն ու նաև նշել, որ չկա մի կետ, որը շատ ռիսկային են համարում, բոլորը հավասարաչափ ռիսկային են, հավասարաչափ` ոչ ռիսկային:
Հիշեցնենք, որ ըստ ԱԻՆ պնդումների, այսօրվա տվյալներով՝ կրիտիկական ելքեր դեռ չկան: Ջրի քանակը դեռ չի հասել վտանգավոր ելքերին:
11:30 02.08.2025
Հյուսիս-հարավ ճանապարհային միջանցքի Քաջարան-Ագարակ 32 կմ երկարությամբ հատվածում ամեն օր աշխատում է 600 շինարար․ ՏԿԵ նախարարՀյուսիս-հարավ ճանապարհային միջանցքի Քաջարան-Ագարակ 32 կմ երկարությամբ հատվածում յուրաքանչյուր օր աշխատում է 245 տեխնիկա, շինարարական աշխատանքներում ներգրավված է ավելի քան 600 շինարար: Այս մասին Ֆեյսբուքի իր էջում գրել է ՏԿԵ նախարար Դավիթ Խուդաթյանը։ Հուլիս ամսվա ընթացքում միջին օրական կատարողականը գերազանցել է 60 միլիոն ՀՀ դրամը: ...
11:07 02.08.2025
Տարադրամի փոխարժեքներն օգոստոսի 2-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 382 դրամ, վաճառքի նվազագույն արժեքը՝ 384․50 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 441 դրամ: Ռուսական ռուբլու առքի առավելագույն արժեքն է 4․75 դրամ, վաճառքի նվազագույն արժեքը՝ 4.82 դրամ: ...
10:45 02.08.2025
Աֆղանստանում երկրաշարժ է տեղի ունեցելԱֆղանստանում տեղի է ունեցել 5.0 մագնիտուդով երկրաշարժ, հայտնում է Եվրոպական-Միջերկրածովյան Սեյսմոլոգիական Կենտրոնը (EMSC): Սեյսմոլոգիական կենտրոնի տվյալներով՝ ցնցումը տեղի է ունեցել ուրբաթ օրը՝ UTC ժամանակով ժամը 21:03-ին՝ Բաղլան քաղաքից 121 կիլոմետր արևելք, որի բնակչությունը կազմում է 108 հազար մարդ։ Էպիկենտրոնը գտնվել է 123 կիլոմետր խորության վրա։ Զոհերի կամ ավերածությունների մասին հաղորդագրություններ չեն եղել։ ...
10:16 02.08.2025
Սպիտակ տունը հաստատել է Ռուսաստանի դեմ նոր պատժամիջոցներ սահմանելու մտադրությունըԱՄՆ նախագահ Դոնալդ Թրամփը կրկին հայտարարել է, որ նախատեսում է պատժամիջոցներ կիրառել Ռուսաստանի դեմ, եթե ուկրաինական հակամարտության կարգավորման հարցում առաջընթաց չլինի իր կողմից սահմանված ժամկետներում։ NEWSMAX-ին տված հարցազրույցում նա ասել է, որ Ռուսաստանի նախագահ Վլադիմիր Պուտինի հետ հեռախոսազրույցներում նշել է՝ «այս պատերազմը պետք է ավարտվի», որ դա «սարսափելի պատերազմ է»։ «Ես կարծում էի, որ մենք […] ...
09:53 02.08.2025
Ճապոնիայում երկրաշարժ է տեղի ունեցելՃապոնիայի ափերի մոտ տեղի է ունեցել 5.6 մագնիտուդով երկրաշարժ, հայտնում է երկրի գլխավոր օդերևութաբանական վարչությունը։ Ցնցումները սկսվել են Հոկայդո կղզու ափի մոտ ՝ տեղական ժամանակով ժամը 07:27-ին: Գերատեսչությունը չի նշել երկրաշարժի օջախի խորությունը: Ճապոնիայում ընդունված յոթ բալանոց սանդղակով ցնցումների առավելագույն ուժգնությունը հասել է երեք բալի։ ...
09:30 02.08.2025
Թրամփը հայտարարել է, որ Պուտինի մասին իր կարծիքը չի փոխվելԱՄՆ նախագահ Դոնալդ Թրամփը Newsmax-ին տված հարցազրույցում հայտարարել է , որ Ռուսաստանի նախագահ Վլադիմիր Պուտինի մասին իր կարծիքը չի փոխվել, և որ ամերիկացի նախագահը Ռուսաստանի առաջնորդին համարում է «ամուր տեսակ»։ «Նա ( Պուտինը – խմբ.) անկասկած ամուր տեսակ է, այնպես որ այդ առումով ոչինչ չի փոխվել», – ասել է Թրամփը։ Ավելի վաղ Թրամփը հայտարարել էր, […] ...
