14:04 07.05.2019
Այսօր Ռադիոյի օրվա առթիվ վարչապետ Նիկոլ Փաշինյանն այցելել է Հանրային ռադիո՝ շնորհավորելու Հայաստանում գործող բոլոր ռադիոների աշխատակիցներին: Նա նշել է, որ ինքը Հանրային ռադիոյի ակտիվ ունկնդիրներից է եղել, հատկապես «Ոսկե ֆոնդի» սիրահարը: Նա նաև հույս է հայտնել, որ Հանրային ռադիոն կվերականգնի իր նախկին համբավը:
«Խորհրդային տարիներին հայկական ռադիոն հայտնի էր նաև իր հումորով, հուսով եմ` այդ հայտնիությունն էլի ձեռք կբերի ու շուտով»:
Վարչապետը նաև հիշեց, որ մոտ 1 տարի առաջ Հանրային ռադիոյում այլ կարգավիճակով էր:
«Ես ուրախ եմ, որ այսօր կրկին այդ նույն սենյակում եմ, ինչ նախորդ տարի` ապրիլի 14-ին, երբ ես ներխուժել էի: Էլի եմ ներողություն խնդրում բոլոր այն աշխատակիցներից, որոնք այդ օրը մեր գործողությունների պատճառով անհարմարություններ են ունեցել: Դա քաղաքացիական քայլ էր: Ըստ էության, ստացվում է` ես եկա այստեղ կիսատ գործս ավարտին հասցնելու: Այն ժամանակ ես այս ստուդիա մտել էի ուղիղ եթերի ակնկալիքով: Էն ժամանակ չստացվեց, հիմա ստացվեց»:
Ի տարբերություն նախորդ անգամվա այցի, այս անգամ Նիկոլ Փաշինյանը չհրաժարվեց պատասխանել հարցերի` նշելով, որ մայիսի 8-ին անցկացվող ասուլիսին ներկայացնելու է 100 փաստ նոր Հայաստանի մասին:
«Մենք պատրաստվում ենք բարձրացնել զինվորականների աշխատավարձերը, ուսուցիչների աշխատավարձերը և այս տարի պլանավորում ենք 100 մլն դոլարից ավելի կապիտալ ծախսեր, որոնք մեր հաշվարկով պիտի խթանեն տնտեսությունը»:
Վարչապետն այլ մանրամասներ չներկայացրեց՝ վաղվա ասուլիսի ասելիքը չմասնատելու համար:
Զրույցից հետո Նիկոլ Փաշինյանը շրջեց նաև ռադիոյի շենքում՝ աշխատակիցներին շնորհավորելու և տոնական տորթը համտեսելու համար: Ի դեպ, դեռ այցի սկզբում վարչապետը զարմացել էր՝ տեսնելով դեռ նախորդ տարվա ներխուժումից կոտրված դուռը չվերանորոգված: Մինչև զրույցի ավարտը դուռը նորոգվեց: Վարչապետն անձամբ ստուգեց ու ռադիոյի աշխատակիցներին շնորհավորեց նաև դռան նորոգման առթիվ:
00:30 15.06.2025
Լարսը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ Այս մասին հայտնել են ՀՀ ՆԳՆ ՓԾ-ից: ...
00:18 15.06.2025
Իրանը հրթիռներ է արձակում Իսրայելի ուղղությամբԻրանի զինված ուժերը բալիստիկ հրթիռների նոր ալիք են արձակել Իսրայելի ուղղությամբ, հաղորդում է Mehr լրատվական գործակալությունը։ Ըստ գործակալության՝ արձակումն իրականացվել է Թեհրանից, Սպահանից, Ղոմից, Շիրազից և Քերմանշահից։ Մանրամասները՝ տեսանյութում: ...
00:13 15.06.2025
Իրավիճակը Հայաստանի ճանապարհներինՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ ...
23:59 14.06.2025
Աղբաորսիչ սարքավորումներում շաբաթական կտրվածքով կուտակվում և դուրս է բերվում 2-3 խ.մ աղբԵրևանով հոսող գետերի հուներում ամեն տարի կուտակվում է մեծ քանակությամբ աղբ: Այս մասին հայտնել են Երևանի քաղաքապետարանից: Կառուցված նոր աղբաորսիչ սարքերը կանխում են աղբի մուտքն ու կուտակումը Հրազդան գետում և Երևանյան լճում: Նոր սարքավորումներում շաբաթական կտրվածքով կուտակվում և դուրս է բերվում 2-3 խ.մ աղբ: Բնության նկատմամբ հոգատար վերաբերմունքը չպետք է լինի ընդամենը արձագանք առաջացած խնդիրներին։ […] ...
23:54 14.06.2025
Հայ հրաձիգների համեստ արդյունքներն աշխարհի գավաթի խաղարկությունումՀայաստանի ներկայացուցիչներ Էլմիրա Կարապետյանը և Բենիկ Խլղաթյանը Գերմանիայի Մյունխեն քաղաքում մասնակցել են հրաձգության աշխարհի գավաթի խաղարկության երկրորդ փուլին։ Կարապետյանը 10 մետր օդամղիչ ատրճանակ մրցաձևում 578 միավորով 9-րդ տեղն է զբաղեցրել։ 25 մետր ատրճանակ մրցաձևում էլ նա 553 միավորով 85-րդն է եղել։ Խլղաթյանը 10 մետր օդամղիչ ատրճանակի տղամարդկանց պայքարում հավաքել է 581 միավոր և զբաղեցրել է […] ...
23:49 14.06.2025
Էրդողանն ու Թրամփը հեռախոսով քննարկել են Իսրայել-Իրան հակամարտությունըԹուրքիայի նախագահ Ռեջեփ Թայիփ Էրդողանը ԱՄՆ նախագահ Դոնալդ Թրամփի հետ հեռախոսազրույցում քննարկել է Իսրայելի և Իրանի միջև հակամարտությունը և հայտարարել Անկարայի պատրաստակամության մասին՝ օգնելու կանխել տարածաշրջանում անվերահսկելի սրացումը։ «Հեռախոսազրույցի ընթացքում քննարկվել են Իսրայելի և Իրանի միջև հակամարտությունը, ինչպես նաև տարածաշրջանային և գլոբալ հարցեր։ Էրդողանը նշել է, որ Թուրքիան ուշադիր հետևում է Իրանի և Իսրայելի միջև […] ...
