16:56 08.05.2019
«Իմ մարմինն անձնական է» գրքի մասին հնչած հարցին ի պատասխան` վարչապետը լրագրողների հետ հանդիպման ժամանակ նշեց, որ աղմուկից հետո առավոտյան այդ գրքին ծանոթացել է: Մասնագիտական գնահատական տալ չի կարող, բայց ՀՀ-ում կան թվեր, որոնք մտահոգիչ են:
«Հայաստանում 2017 թվականին մանկապղծության 71 դեպք է տեղի ունեցել: Եվ այդ դեպքերը ենթադրաբար տեղի են ունենում այն պատճառով, որ երեխաները շատ դեպքերում չեն հասկանում, թե իրանց հետ ինչ է տեղի ունենում: Ես այդ գիրքը կարդացի, որովհետև ուզում էի հասկանալ` ինչ-որ սարսափելի բան կա՞, թե՞ չէ»:
Վարչապետը նշեց, որ իր երեխայի օրինակով էլ գիտի, կան մարդիկ, որ երբ համբուրում են, նրան հաճելի չէ:
«Երեխան գիտի, որ երբ մայրիկը, հայրիկը, քեռին համբուրում են, նորմալ է, բայց քեռու ընկերոջ համբուրելը նորմա՞լ է, թե՞ չէ: Եվ երբ երեխան ներքաշվում է մանկապղծության մեջ, նա տեղյակ չէ, դա նորմա՞լ է, թե՞ ոչ: Եվ այդ գրքում բացատրվում է, որ երբ օտար մարդը դիպչի քո մարմնի անձնական մասերին, դու կարող ես ասել՝ ոչ»:
Վարչապետը նշեց, որ այսպիսի տեղեկություն երեխաներին փոխանցելը անհրաժեշտ է, եթե նույնիսկ մանկապղծության 1 դեպք լիներ:
«Մեր երեխաները մեծանում են, հասուն կյանք են մտնում և այդ հասուն կյանքի մասին տեղեկություն որտեղի՞ց են իմանում: Երբևէ հարցրե՞լ ենք: Փողոցի՞ց: Թաքուն ինտերնետում իրենց համար չնախատեսված ֆիլմեր նայելո՞վ: Պոռնո կայքերից օգտվելո՞վ»:
Վարչապետը նշեց՝ գրքի մասին մասնագիտական դիտարկում չունի, բայց որպես քաղաքացի՝ այլասերվածության տարրեր չի գտել: Եթե մասնագետները կարող են ցույց տալ, պատրաստ է լսել ու արմատախիլ անել:
Վարչապետը նաև անդրադարձավ այն մշակույթին, որ թոթովախոս երեխաներին ծնողները հայհոյանքներ են սովորեցնում ու ուրախանում: Վարչապետը նշեց, որ նաև որպես լրագրող է մանկապղծության թեմային առնչվել և տարեցտարի նվազող ցուցանիշը նաև ՀԿ-ների աշխատանքի շորհիվ է.
«Երեխաների համար պետք է սեռական գրագիտություն ապահովել: Ոչ միայն երեխաները, հասուն քաղաքացիները ևս այդ հարցում գրագետ չեն: Եվ ի՞նչ ազդեցություն է դա ունենում մեր կյանքի վրա, սոցիալական կյանքի վրա, տնտեսական կյանքի վրա, ընտանիքների ամրության վրա: Գուցե մասնագիտական գնահատականը պատշաճ մակարդակի չէ: Բայց գրագիտության պակաս կա մեր երկրում: Դուք գիտե՞ք, որ իմպոտենցիայի դեպքերի մեծ մասը արդյունք է առաջին գիշերը սեռական գրագիտության պակասի: ՀՀ քաղաքացին պետք լինի գրագետ»:
00:00 02.05.2025
ՆԳՆ շրջիկ սպասարկման գրասենյակները մայիս ամսին կշարունակեն հանրային ծառայություններ մատուցել ՀՀ մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով թե՛ միգրացիայի և քաղաքացիության ծառայության, թե՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ մայիս ամսին ծառայություններ կմատուցվեն հետևյալ բնակավայրերում․ մայիսի 2-ին ժամը 11։30-16։00 Կոտայքի մարզի Չարենցավան համայնքում (Կարեն Դեմիրճյան հրապարակ 1, Քաղաքապետարանի դիմաց), ժամը 11։30-16։00 Լոռու մարզի Ստեփանավան համայնքում (համայնքապետարանի տարածքում), մայիսի 12-ին Կոտայքի մարզի […] ...
23:58 01.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:56 01.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:51 01.05.2025
Պետդեպ. ԱՄՆ-Իրան բանակցությունների նոր փուլի ամսաթիվը և վայրը դեռևս որոշված չենԱՄՆ-Իրան բանակցությունների նոր փուլի ժամկետներն ու վայրը դեռևս որոշված չեն, սակայն Վաշինգտոնը ակնկալում է, որ այն տեղի կունենա մոտ ապագայում։ Այս մասին լրագրողների համար կազմակերպված հերթական ճեպազրույցում հայտարարել է ԱՄՆ Պետդեպարտամենտի մամուլի ծառայության ղեկավար Թեմի Բրյուսը։ «ԱՄՆ-ն չի հաստատել իր մասնակցությունը Իրանի հետ բանակցությունների չորրորդ փուլին, որը, որոշ տեղեկությունների համաձայն, պետք է տեղի ունենար շաբաթ […] ...
23:46 01.05.2025
Էկոպարեկային ծառայության Սյունիքի մարզային վարչության ծառայողներն իրականացնում են նաև կենսաբազմազանության մշտադիտարկման գործառույթներՇրջակա միջավայրի նախարարության Էկոպարեկային ծառայության Սյունիքի մարզային վարչության ծառայողները, իրենց ամենօրյա աշխատանքային պարտականությունների շրջանակում, իրականացնում են նաև կենսաբազմազանության մշտադիտարկման (մոնիթորինգի) գործառույթներ։ Այս աշխատանքը ներառում է Հայաստանի տարածքում հանդիպող բուսական և կենդանական աշխարհի, այդ թվում՝ կենսաբազմազանության բացառիկ և վտանգված տեսակների հայտնաբերումն ու փաստագրումը։ Մշտադիտարկման տվյալները ոչ միայն թույլ են տալիս արձանագրել բնապահպանական իրավախախտումներ, այլև նպաստում են […] ...
23:37 01.05.2025
Երևանը ջազ է լսումԵրևանի քաղաքապետարանի նախաձեռնությամբ, Ջազի միջազգային օրվա առթիվ, Գաֆեսճյան քանդակների պուրակում (Կասկադ) տեղի ունեցավ Ջազ երեկո, որի ընթացքում ելույթով հանդես եկան հայաստանյան լավագույն ջազային կատարողներն ու խմբերը՝ Հայաստանի պետական ջազային նվագախումբը, Լևոն Մալխասյանը, Արտո Թունջբոյաջյանը, Վահագն Հայրապետյանը, Հայկ Կարոն, Արտյոմ Մանուկյանը, Կարեն Մամիկոնյանը, Միքայել Ոսկանյանը, Ռաֆայել Պետրոսյանը, Տիգրան Սուչյանը, Արման Փեշտմաջյանը, Կարեն Գրիգորյանը, Ժաննա Դավթյանը, Արեգ […] ...
