22:28 23.05.2019
Այսօր՝ ժամը 20:37-ին, Գյումրիի շտապօգնության կայան ահազանգ է ստացվել, որ Մսի կոմբինատ թաղամասում՝ թիվ 8 դպրոցի մոտակայքում, կա մանկահասակ երեխայի դի: Դեպքի վայր ժամանած շտապօգնության բրիգադը պարզել է, որ Մսի Կոմբինատ թաղամասի Լալայան փողոցի 127/006 տնակի բնակիչ, 45-ամյա Արտեմ Ասատրյանն ավտոտնակից մեքենան դուրս բերելու պահին, հետընթացի ժամանակ չնկատելով իր երկու տարեկան որդուն, վրաերթի է ենթարկել, երեխան տեղում մահացել է:
«Մենք դեպքի վայր հասնելուց արձանագրեցինք երեխայի կենսաբանական մահը, վնասված էր երեխայի գլուխը, գանգուղեղային տրավմա էր ստացել, որի հետևանքով երեխայի գանգը դեֆորմացիայի էր ենթարկվել»- SHANTNEWS-ի թղթակցի հետ հեռախոսազրույցում նշել է Գյումրու շտապօգնության կայանի բժիշկ Արթուր Մանուկյանը:
Բժշկի փոխանցմամբ՝ հայրը երեխային գրկած գոռալով վազել է բակով, ապա՝ փողոցով, փորձել են հանգստացնել, բայց հայրը թույլ չի տվել:
«Ահավոր վիճակ էր,բոլորը սթրեսային վիճակում էին գտնվում, որքան տեղեկացա, հայրը Ղարաբաղում կանտուզիա էր ստացել, հրաժարվեց հանգստացնող դեղորայքից, մյուսներին օգնություն ցուցաբերեցինք»,- հավելել է բժիշկ Արթուր Մանուկյանը:
Երեխայի դին տեղափոխվել է Գյումրու դիահերձարան: Դեպքի վայր են ժամանել նաև Շիրակի մարզային ու ճանապարհային ոստիկանության աշխատակիցները։
Հարուցվել է քրեական գործ:
15:30 02.08.2025
Վաչե Հովակիմյանը լրացրել է իր առաջին միջազգային վարպետի նորմանՖԻԴԵ-ի վարպետ Վաչե Հովակիմյանը Սերբիայում անցկացված RUDAR XL-IM ROUND ROBIN շախմատի մրցաշարում լրացրել է իր առաջին միջազգային վարպետի նորման։ Այս մասին հայտնում է Հայաստանի շախմատի ֆեդերացիան: Վաչեն 9 հնարավորից վաստակել է 7 միավոր, գրավել առաջին տեղն ու 41 կետով բարելավել իր միջազգային վարկանիշը: ...
15:16 02.08.2025
Արդյո՞ք տուրիզմը կարող է դառնալ Հայաստանի տնտեսության շոգեքարշերից մեկը. Հեռանկար բանավեճՄասնագետները համարում են, որ տուրիզմի ոլորտը կարող է դառնալ Հայաստանի տնտեսության շոգեքարշերից մեկը։ Ի՞նչ է արվում, որ դա իրականություն դառնա։ Արդյո՞ք մեր երկիրն ի վիճակի է տարեկան 3 միլիոն զբոսաշրջիկ գրավել։ Եղած ենթակառուցվածքը թույլ կտա՞ ապահովել մատուցվող ծառայությունների այն որակը, որի դեպքում զբոսաշրջիկները Հայաստանում տարեկան 3 մլրդ դոլար կթողնեն։ Այս թեմաների մասին իրենց կարծիքն են […] ...
14:51 02.08.2025
Հաստատվել է ԱԱ-2026 խմբային փուլի վիճակահանության օրն ու վայրըՖուտբոլի աշխարհի 2026 թ. առաջնության խմբային փուլի վիճակահանությունը կկայանա 2025 թ. դեկտեմբերի 5-ին։ Այս մասին գրում է ESPN-ը։ Վիճակահանությունը տեղի կուեննա ԱՄՆ-ի Լաս Վեգաս քաղաքում։ Ամենայն հավանականությամբ այն կանցկացվի 17 հազար հանդիսական տեղավորող հանրահայտ «Սֆեր» օվալաձև շենքի դահլիճում։ Վիճակահանության ընթացքում կձևավորվի խմբերի նախնական տեսքը, քանի որ այդ պահին դեռ հայտնի չեն լինի մրցաշարի բոլոր մասնակիցները։ […] ...
14:34 02.08.2025
ՆԳՆ աշխատակիցները կատարելագործում են պետական գնումներում մասնագիտական կարողություններն ու հմտություններըՀուլիսի 16-ին ՆԳ նախարարության գլխավոր քարտուղարի տեղակալ Խաչատուր Իգիթյանը հանդիպել է գնման գործընթացում ներգրավված ՆԳՆ պատասխանատու ստորաբաժանումների ներկայացուցիչների հետ։ Քննարկվել են ընթացիկ գործընթացների արդյունավետության բարձրացմանն ուղղված հարցեր, վերհանվել ոլորտին վերաբերելի խնդիրները, ներառյալ՝ պետական գնումների գործընթացում ՆԳՆ տարբեր ստորաբաժանումների ծառայողների կարողությունների զարգացման հնարավորությունները։ Մասնակիցները կիսվել են կարծիքներով ու մտահոգություններով, արել առաջարկություններ, որոնք կդիտարկվեն հետագա աշխատանքներն իրականացնելիս։ […] ...
14:17 02.08.2025
Առաջիկա օրերի եղանակային կանխատեսումըՀանրապետության տարածքում օգոստոսի 2-ին կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Օգոստոսի 3-7-ին սպասվում է առանց տեղումների եղանակ։ Քամին՝ արևմտյան 2-5մ/վ, ամպրոպի ժամանակ սպասվում է քամու ուժգնացում՝ 17-20մ/վ արագությամբ։ Օգոստոսի 2-7-ին երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 15-18 մ/վ արագությամբ։ Օդի ջերմաստիճանն էապես […] ...
