10 05 2024

$

388.01
4.21
€

417.11

+19.09 ^oC

«Գահերի խաղը» սերիալի դերասաններից ո՞ւմ հոնորարն է եղել ամենաբարձրը

ՔԱՂԱՔԱԿԱՆՈՒԹՅՈՒՆ

22:03 02.06.2019

«Գահերի խաղը» արդեն անցյալում է, բայց սերիալի շուրջ քննարկումները չեն դադարում: Ոչ միայն ստեղծագործական ու բովանդակային հատվածն է բուռն քննարկումների առիթ դարձել, այլև սերիալի դերասանների եկամուտները. սերիալից հետո շատ դերասաններ դարձան միլիոնատերեր:

Նատալի Էմանուել (Միսանդեա)-1մլն դոլար

Նատալի Էմանուելի հերոսուհին՝ Միսանդեան, հայտնվեց 3-րդ եթերաշրջանում և գրեթե անմիջապես սիրվեց: 5 եթերաշրւանի ընթացքում նա ստրկուհուց վերածվեց Դեյներիսի աջ ձեռքին: Այդ 5 եթերաշրջանի ընթացքում նա վաստակել է 1 մլն դոլար, ինչը բավականին լավ գումար է երկրորդ պլանի դերասանի համար:

Ալֆի Ալեն (Թեոն Գրեյջոյ)- 2 մլն դոլար

Թեոն Գրեյջոյի հերոսին մարմնավորող Ալֆի Ալենը սերիալում 1-ին սեզոնից է և 8 եթերաշրջանի ընթացքում նրա կերպարը ամենակտրուկ փոփոխությունների ենթարկվածն է: Վերջին եթերաշրջանների ընթացքում նա ամեն մի դրվագի համար ստացել է 100 հազար դոլար: Ընդհանուր եկամուտը կազմել է 2մլն դոլար:

Կոնլետ Հիլլ(Վարիս)- 2մլն դոլար

Վարիսի կերպարն էլ է ուղեկցել երկրպագուներին 1-ին եթերաշրջանից: Բրիտանացի Կոնլետ Հիլլի հոնորարը 7-րդ և 8-րդ եթերաշրջանում ամեն մի սերիալի համար կազմել է 100 հազար դոլար, ընդհանուր եկամուտը՝ 2 մլն դոլար:

Գվենդոլին Քրիստի (Բրիենա Տարտ)- 3 մլն դոլար

2-րդ եթերաշրջանից սերիալում հայտնված առաջին կին ասպետը 6 եթերաշրջանի ընթացքում վաստակել է 3 մլն դոլար: Ի դեպ, մինչ սերիալը դերասանուհին ճանաչված չէր:

Իեն Գլեն (Ջորախ Մորմոնտ)-3 մլն դոլար

Իեն Գլենն առաջին եթերաշրջանից «Գահերի խաղը» սերիալում ներկայանում է Ջորախ Մորմոնտի կերպարով: Նա թեպետ սերիալում երկրորդ պլանի կարգավիճակ ունի, բայց առանցքային դերակատարում: Արդյունքում 8 եթերաշրջանի ընթացքում նրա կարողությունն ավելացավ 3 մլն դոլարով:

Այզեկ Հեմպստեդ-Ռայթ (Բրան Սթարկ)- 4 մլն դոլար

Այզեկն ընդամենը 10 տարեկան էր, երբ սկսեց նկարվել սերիալում Բրան Սթարկի կերպարում: Հիմա արդեն նա 19 տարեկան է՝ արդեն 4 մլն ընդհանուր եկամտով: Վերջին 7-րդ և 8-րդ եթերաշրջաններում նա ամեն մի սերիայի համար ստանում էր 175 հազար դոլար:

Սոֆի Թերներ (Սանսա Սթարկ) – 6 մլն դոլար

Սանսա Սթարկը սերիալի առանցքային կերպարներից է: Մինչև վերջին եթերաշրջանը նրա հոնորարն ամեն մի սերիայի համար 175 հազար դոլար էր, իսկ վերջին եթերաշրջանում՝ 210 հազար դոլար: Ընդհանուր հոնորարն այդպիսով կազմել է 6 մլն դոլար:

Մեյսի Ուիլյամս (Արիա Սթարկ) – 6 մլն դոլար

Մեյսի Ուիլյամսը ևս իր դերասանական կարիերան սկսել է փոքր տարիքում «Գահերի խաղը» սերիալի խաղահրապարակից: 8 եթերշրջանի ընթացքում նրա հոնորարը 150 հազար դոլարից աճել է 210 հազար դոլարի: Դերասանուհին հարցազրույցներից մեկի ժամանակ անկեղծացել և ասել է, որ նկարահանումների սկզբին ցանկանում էր այնքան վաստակել, որ կարողանար իրեն նոթբուք գնել: Իսկ այսօր արդեն նրա հոնորարի ընդհանուր արժեքը կազմում է 6 մլն դոլար:

Լինա Հինդի (Սերսեա Լանիսթեր)- 9 մլն դոլար

Լինա Հինդին սերիալի առանցքային 5 դերասաններից մեկն է, որի մարմնավորած հերոսուհին սերիալի բացասական կերպարն է: 5 տարվա ընթացքում սերիալում նրա հոնորարը 150 հազար դոլարից աճել է 300 հազար դոլարի, իսկ 8-րդ եթերաշրջանում նա ամեն մի սերիայի համար ստացել է 1․2 մլն դոլար: Այդպիսով՝ «Գահերի խաղը» սերիալի շնորհիվ Հինդիի կարողությունն ավելացել է 9 մլն դոլարով:

Կիթ Հարինգթոն (Ջոն Սնոու)- 12մլն դոլար

Սերիալի գլխավոր հերոսն ու հազարովր երկրպագուների սիրելին: Մինչև 2014թ․-ը նա սերիալի ոչ գլխավոր կերպարներից էր, և միայն 5-րդ եթերաշրջանից հետո նա սկսեց վաստակել մեծ գումարներ՝ 300 հազար դոլար ամեն մի սերիայի համար: Արդեն 7-րդ եթերաշրջանում նրա հոնորարը կազմում էր 500 հազար դոլար, իսկ 8-րդ եթերաշրջանում ամեն մի էպիզոդի համար նրա հաշվին ավելանում էր 1․2 մլն դոլար: Այդպես, ընդհանուր 12մլն դոլար հոնորարով նա ավարտեց սերիալը:

Էմիլիա Կլարկ (Դեյներիս Թարգարիեն ) – 13 մլն դոլար

Էմիլիա Կլարկի կարիերայի մեկնարկը կարելի է համարել հենց այս սերիալը: Ամեն հաջորդ եթերաշրջան նրա հոնորարը բարձրանում էր՝ 7-րդ եթերաշրջանում հասնելով մինչև 500 հազար դոլարի: Իսկ 8-րդ եթերաշրջանում նա մյուս գլխավոր հերոսների նման ստանում էր 1 մլն դոլարից ավելի գումար ամեն մի սերիայի համար, այդպիսով՝ ընդհանուր առմամբ վաստակելով 13 մլն դոլար:

Պիտեր Դինկլեյջ (Տիրիոն Լանիսթեր) – 15 մլն դոլար

Պիտեր Դինկլեյջը հայտնի դերասան էր նաև մինչև այս սերիալը: Բայց, չնայած դրան, նրա հոնորարը սկզբնական շրջանում 150 հազար դոլար էր: Եվ միայն НВО հեռուստաընկերության հետ բանակցությունների արդյունքում նրա հոնորարը բարձրացավ նախ մինչև 300 հազար դոլարի, ապա դարձավ 1․2մլն դոլար՝ ամեն մի սերիայի համար: Սերիալի ավարտին Պիտեր Դինկլեյջն արդեն իր հաշվին ուներ 15 մլն դոլար:

Նիկոլայ Կոստեր-Վալդաու (Ջեյմե Լանիսթեր) – 16մլն դոլար

Ջեյմե Լանիսթերը, որը սերիալի առանցքային հերթական կերպարն է, հեռուստադիտողներին լարվածության մեջ պահել է առաջին սեզոնից: Նրա հոնորաը ևս եթերաշրջանների ընթացքում աճել է, իսկ արդեն եզրափակիչ եթերաշրջանում այն կազմում էր 1․2 մլն դոլար: Նա սերիալի շնորհիվ իր հաշվին ավելացրեց 16 մլն դոլար, և համարվում է այս սերիալի ամենահարուստ դերասաններից մեկը:

Գահերի խաղը

Բաժանորդագրվեք SHANTNEWS.am-ին Telegram-ում

Բոլոր լուրերը

10:27 10.05.2024
Եկատերինբուրգում ինքնաթիռում կին է մահացել

Կապակցված լուրեր

09:45 10.05.2024

Իսրայելի պաշտպանության բանակը լայնածավալ հարձակում է սկսել Ռաֆահում ահաբեկիչների թիրախների վրա

Իսրայելի պաշտպանության բանակը (IDF) լայնածավալ հարձակում է իրականացրել Գազայի հատվածի հարավում գտնվող Ռաֆահ քաղաքում ահաբեկիչների օբյեկտների վրա։ Այս մասին հայտնում է Walla լրատվական պորտալը։ «Վերջին մի քանի ժամվա ընթացքում Իսրայելի պաշտպանության բանակը լայնածավալ հարձակում է սկսել Ռաֆահում ահաբեկիչների թիրախների դեմ՝ հրետանու և ավիացիայի մասնակցությամբ», – նշում է պորտալը։ Իրավիճակը Մերձավոր Արևելքում կտրուկ վատթարացավ այն բանից […] ...

09:27 10.05.2024

Իսրայելը բավականաչափ ուժ ունի միայնակ պայքարելու համար. Նեթանյահու

Իսրայելի վարչապետ Բենիամին Նեթանյահուն ասել է, որ երկիրը բավականաչափ ուժ ունի՝ միայնակ պայքարելու համար ամերիկյան ռազմական օգնության հնարավոր դադարեցման դեպքում, ինչի մասին նախազգուշացրել է ԱՄՆ նախագահ Ջո Բայդենը։ Չորեքշաբթի օրը Պենտագոնի ղեկավար Լլոյդ Օսթինը հաստատել է Իսրայելին սպառազինությունների մատակարարման դադարը՝ նշելով, որ խոսքը ռազմական օգնության մեկ խմբաքանակի մասին է։ Ավելի ուշ Բայդենը CNN-ին տված հարցազրույցում […] ...

09:16 10.05.2024

Չադում գործող նախագահը հաղթել է ընտրություններում

Չադի ներկայիս անցումային նախագահ Մահամաթ Իդրիս Դեբին հաղթել է աֆրիկյան երկրի ղեկավարի ընտրություններում՝ ազգային ընտրական գործակալության (ANGE) նախնական արդյունքների համաձայն։ Չադում նախագահական ընտրությունները տեղի են ունեցել երկուշաբթի՝ մայիսի 6-ին։ Հաղթանակի գլխավոր հավակնորդներն էին Մահամաթ Իդրիս Դեբին և անցումային կառավարության ղեկավար և ընդդիմության նախկին առաջնորդ Սյուքսե Մասրան։ «Իդրիս Դեբին հավաքել է ձայների 61,03%-ը՝ առաջ անցնելով վարչապետ […] ...

08:32 10.05.2024

Արքայազն Ուիլյամը ժամանակավորապես կլքի քաղցկեղով հիվանդ Քեյթ Միդլթոնին և երեխաներին

Արքայազն Ուիլյամը երկու օրով առաջին անգամ կլքի կնոջը՝ Քեյթ Միդլթոնին, այն բանից հետո, երբ արքայադստեր մոտ քաղցկեղ է ախտորոշվել։ Լրագրողների հաղորդմամբ՝ Մեծ Բրիտանիայի թագավոր Չարլզ III-ի ավագ որդին շրջագայության է մեկնելու։ Արքայազն Ուիլյամի պաշտոնական այցը Քորնուոլ կկայանա մայիսի 9-ին։ Արքայական ընտանիքը կայցելի Նանսլեդեն Նյուքեյի մոտակայքում անօթևան մարդկանց համար կառուցվելիք բնակարանային շենքի տարածք: Նա կհանդիպի նաև […] ...

23:00 09.05.2024

Սի Ծինփինը հայտարարել է, որ Չինաստանը կշարունակի աջակցել Ուկրաինայում խաղաղությանը

Չինաստանի կառավարությունը մտադիր է շարունակել նպաստել Ուկրաինայում խաղաղության շուտափույթ հաստատմանը։ Այս մասին Հունգարիայի վարչապետ Վիկտոր Օրբանի հետ բանակցությունների ժամանակ հայտարարել է Չինաստանի նախագահ Սի Ծինփինը։ «Չինաստանը ի սկզբանե նպաստել է բանակցություններին, ինչպես նաև մտադիր է շարունակել նույն ճանապարհը համապատասխան կողմերի հետ և դրական ջանքեր գործադրել հնարավորինս արագ խաղաղության հասնելու համար», – Չինաստանի կենտրոնական հեռուստատեսությունը մեջբերում […] ...

21:40 09.05.2024

Օրբանն ասել է, որ Հունգարիան և Չինաստանը երբեք հակառակորդներ չեն լինի

ՉԺՀ-ն և Հունգարիան երբեք հակառակորդներ չեն լինի։ Այս մասին հայտարարել է Հունգարիայի վարչապետ Վիկտոր Օրբանը՝ Բուդապեշտում Չինաստանի նախագահ Սի Ծինփինի հետ բանակցություններից հետո լրագրողների հետ հանդիպման ժամանակ։ «Մենք Չինաստանը համարում ենք բարեկամ պետություն, իրականում պատմության ընթացքը երբեք այնպես չի փոխվի, որ մեր երկրները դառնան հակառակորդներ»,- ասել է Հունգարիայի կառավարության ղեկավարը։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.