Ինչո՞ւ «Արսենալը» չկարողացավ հաղթել հանուն Մխիթարյանի

Կասկածից վեր է, որ Եվրոպա լիգայի եզրափակչին լրացուցիչ և շատ մեծ ինտրիգ հաղորդեց Հենրիխ Մխիթարյանի գործոնը, ընդ որում, խնդիրը ոչ թե մարզական էր, այլ շատ խորը քաղաքական: Մխիթարյանի մասին ավելի ուշ,  իսկ հիմա փորձենք հասկանալ, թե ինչպիսին կլինեին  հանդիպումը և հանդիպման շուրջ կարծիքները,  եթե Մխիթարյանի հանգամանքն ընդհանրապես չլիներ, եթե նա հանդես չգար «Արսենալում»:

Լոնդոնցի երկրպագուների՝  Բաքու հասնելու բարդությունները որևէ կապ չունեին թե՛ Մխիթարյանի, թե՛ հայազգի մարզասերների հետ:  Թիմերից յուրաքանչյուրի համար նախատեսված էր 5800 տոմս, որը կազմում էր մարզադաշտի ընդհանուր տեղերի մոտ 10 տոկոսը: Քիչ տոմսեր հատկացնելն էլ իր բացատրությունն ուներ և կապված էր Բաքվի միջազգային օդանավակայանի փոքր թողունակության հետ:

Ակումբները, սակայն, հատկացված տոմսերն էլ չկարողացան ամբողջությամբ իրացնել: Ի վերջո,  «Արսենալը» հետ տվեց 2300, իսկ «Չելսին»՝  3800 տոմս, այսինքն՝ հատկացված տոմսերի կեսից ավելին:

Այցը  շատերի համար չափազանց թանկ էր ու անհարմար:  Միջինը 2000 ֆունտ սթերլինգ, կամ մոտ 2300 եվրո: Ամենամատչելի ճանապահային քարտեզն էլ սա է.  Լոնդոն-Ստամբուլ-Թբիլիսի, հետո գնացքով Բաքու: Բայց սա էլ դեռ ամենաերկար տարբերակը  չէր:  Լոնդոնցների մի մասը երկու օրից ավելի էր անցկացրել ճանապարհներին:

 « Մենք Լոնդոնից թռանք Էյնդհովեն, Էյնդհովենից Վիեննա, Վիեննայից Քութաիս: Քութաիսից մեկնեցինք Թբիլիսի, Թբիլիսիից՝ Բաքու: Ընդամենը երկու օր և մարզադաշտում էինք»,- հեգնական տոնայնությամբ ասել է Լոնդոնից ժամանած զբոսաշրջիկներից մեկը:   

Вот еще классная история. Леди рассказывает, как добиралась до Баку. Всего 2 дня – и на футболе. #UELF2019 #Arsenal

✈️ Лондон – Эйндховен
✈️ Эйндховен – Вена
✈️ Вена – Кутаиси
?Кутаиси – Тбилиси
?Тбилиси – Баку pic.twitter.com/fYdM5zS7E4

— Ярослав Кулемин (@ya_coolemin) May 29, 2019

Երկօրյա թանկ ու հոգնեցնող ճանապարհորդությունից 6000-ից ավելի անգլիացիների հրաժարվելու արդյունքում Բաքվի մարզադաշտի մի մասը մնաց դատարկ: Եվրոպական եզրափակիչների համար սա արտառոց երևույթ էր: Քանի որ տաքարյուն անգլիացի երկրպագուները քիչ էին, տրիբունաներում խաղաղություն էր տիրում: Խաղաղ ու հանգիստ էր, համենայնդեպս այնքան, որ որոշ երկրպագուներ նույնիսկ եզրափակիչ խաղի ժամանակ քնեցին:

? And there’s been a goal in the Europa League final…

? @ConnorParker10 pic.twitter.com/tnQVsilxbe

— The Sportsman (@TheSportsman) May 29, 2019

 
Երկրպագուն արթնացավ «Չելսիի» առաջին գնդակից հետո: Այն, որ Բաքվում ավելի շատ են հենց «Չելսիի» երկրպագուները՝ ևս կասկածից վեր է, ընդ որում, այս դեպքում էլ խնդիրը միայն հայազգի ֆուտբոլիստի հետ չէ կապված:

Բավական է նշել, որ «Չելսիի» սեփականատերը՝ մեծահարուստ Ռոման Աբրամովիչը, ադրբեջանցի միլիարդատեր՝ ISR Holding ընկերության նախագահ Իսկանդեր Հալիլովի հետ է մտերիմ: Հենց Հալիլովի հետ էր Աբրամովիչը խաղից առաջ հանդիպել Բաքվի հյուրանոցներից մեկում, իսկ խաղից հետո ադրբեջանական լրատվամիջոցներից մեկը հետևյալ, ոչ լրատվական ու ոչ կոռեկտ վերնագրով հոդված հրապարակեց՝ «Չելսին» նվաստացրեց «Արսենալին»:

Գուցե սա նաև պատասխան էր Բաքվի մարզադաշտի անհարմարությունների ու մյուս խոչընդոտների մասին բազմաթիվ մարդկանց արձագանքներին: Համացանցը հեղեղվել էր բացասական կարծիքներով: Երկրպագուները դժգոհ էին նրանից, որ խաղադաշտը շատ հեռու է տրիբունաներից, իսկ հեռուստադիտողները դժգոհ էին, որ հիմնական տեսախցիկը  շատ բարձր է դրված: Twitter-ի իր էջում ուշագրավ գրառում էր արել անգլիացի հայտնի ֆուտբոլիստ, այժմ մեկնաբան Գարրի Լինեկերը:

      «Դու հսկայական ճանապարհ ես անցնում, որպեսզի դիտես եզրափակիչը: Իսկ հիմա տրիբունայում նստած ես, և նույն հեռավորությունն է, ինչ եթե տանը հեռուստացույցով դիտեիր»,- գրել է Լինեկերը: 

Ռուս ֆուտբոլիստ Անդրեյ Արշավինն էլ, պատճառ բերելով դաշտի հեռավորությունը, նշել էր, որ շփոթում է խաղացողներին:  Մեկնաբան Գաբի Կիրխներն էլ կատակել էր, թե չի կարող դիտել խաղը, քանի որ վախենում է բարձրությունից:

Անցնենք Մխիթարյանին: Հավանաբար, շատերն էին սպասում, որ խաղի ընթացքում տրիբունաներին Մխիթարյանի ազգանունն ու 7 համարի մարզաշապիկը կտեսնեն: Ադրբեջանական անվտանգությունը ամեն ինչ արել էր, որ դա տեղի չունենա: Դրանում համոզվելու համար ռուսական  Sport24  կայքի լրագրող Յարոսլավ Կուլեմինը նույնիսկ հատուկ փորձարկում էր արել:

  «Մխիթարյանի համարով և ազգանվամբ մարզաշապիկը վերցրին, շուռ տվեցին ամբողջ պայուսակս, հետո, ցույց տալով  մարզաշապիկը, ասացին, որ Ադրբեջանի իշխանությունների պահանջով չի կարելի սրանով մուտք գործել մարզադաշտ: Այնուհետև ստիպեցին, որ ջնջենք այդ ընթացքում նկարահանած տեսանյութը»,- Twitter-ի իր էջում գրել էր Կուլեմինը:  

Խաղից մեկ օր առաջ էլ տեղի էր ունեցել մեկ այլ  միջադեպ, երբ ոստիկանները կանգնեցրել էին Բաքվի փողոցներում Մխիթարյանի մազաշապիկով զբոսնող երկրպագուներին: Դրա նախորդ օրը «Արսենալի» երկրպագուները երգում էին փողոցներում. «Մենք եղել ենք Ղարաբաղում և ամենուր»:

Ադրբեջանական մամուլում այլ մեկնաբանություն տվեցին այս ամենին, իբր թե անգլիացի երկրպագուները նկատի են ունեցել այն, որ «Արսենալը» հանդիպել է ադրբեջանական «Կարաբախ» ակումբի հետ:

Երկրպագուների հաջորդ օրվա երգի բառերն արդեն ոչ մի բանի հետ շփոթել, կամ այլ կերպ մեկնաբանել չէր լինի՝ «Մխիթարյան, մենք քեզ սիրում ենք ավելի շատ, քան դու կարող ես պատկերացնել»:

Та самая песня фанатов «Арсенала»: «Мхитарян, мы любим тебя сильнее, чем ты можешь представить». #UELF2019 pic.twitter.com/ELk9qliXrf

— Ярослав Кулемин (@ya_coolemin) May 30, 2019

Երգն, իհարկե, դուր չեկավ տեղացիներին և երեկոյան քաշքշուկ ու ծեծկռտուք սկսվեց երկրպագուների հետ: Գործի դրվեցին քարեր ու կոտրած շշեր:

Местные vs фанаты «Арсенала». Осколки бутылок и «Please, no». #UELF2019 pic.twitter.com/YmQgmlFcKr

— Ярослав Кулемин (@ya_coolemin) May 29, 2019

Քիչ թե շատ չեզոք էին փորձում մնալ «Արսենալի»՝ ադրբեջանցի երկրպագուները, որոնց համար Մխիթարյանը, միևնույն է, ընկալվում էր որպես թշնամի:

 « Ի՞նչ անենք, որ նա թշնամի է: Չէ՞ որ նա Ուկրաինայի քաղաքացի էլ է, խաղացել է Դոնեցկի «Շախտյորում», հետո՝ Դորտմունդի «Բորուսիայում», հետո՝ «Մանչեստեր Յունայթեդում», հետո՝ արդեն «Արսենալում»: Ինձ համար միևնույն է, թող նա գա: Մենք նրան ձեռք չենք տա, ոչինչ չենք անի: Չէ՞ որ մենք ադրբեջանցիներ ենք: Մերոնք էլ այնտեղ՝ Երևանում են մրցումների մասնակցել: Նրանց ձեռք չեն տվել, մենք էլ չենք անի», – ասել է ադրբեջանցի երկրպագուն:

  «Մեր տուրիզմի նախարարն անձամբ ելույթ ունեցավ այս թեմայով: Նա CNN հեռուստաալիքով կոնկրետ թղթակցի հետ էր շփվում և այսպես արտահայտվեց, ես կմեջբերեմ. «Մենք կարող ենք Մխիթարյանի համար առանձին հատուկ օդանավ ուղարկել, որը կուղեկցեն երկու F-16 ռմբակոծիչներ: Դրանից ավելի մենք ի՞նչ կարող էինք առաջարկել, որ նա գար»,- սա արդեն մեկ այլ ադրբեջանցու խոսքերից էր մեջբերում: 

«Здесь мой родина, а здесь – «Арсенал». Азербайджанский болельщик «пушкарей» о Мхитаряне pic.twitter.com/DlmhaGb3uo

— Ярослав Кулемин (@ya_coolemin) May 29, 2019

 

«Надевая наш герб, Генрих Мхитарян был частичкой нашей семьи. Независимо от национальности». Парни из азербайджанского фан-клуба «Арсенала». #UELF2019
Все бы так думали. Миру – мир. pic.twitter.com/XECeufibee

— Ярослав Кулемин (@ya_coolemin) May 29, 2019

Քաղաքական հարցերը մի կողմ, զուտ մարզական տեսանկյունից, իհարկե, դժվար է ասել, թե ինչպես կավարտվեր հանդիպումը, եթե Մխիթարյանը նույնպես մասնակցեր խաղին: Փաստն այն է, որ մեր առաջատարը ներկայումս ավելի շատ «Արսենալի» պահեստայինների նստարանին է, քան խաղադաշտում:

Մի բան, սակայն, հաստատ է, որ եզրափակիչ խաղին և ընդհանրապես վերջին շրջանում «Չելսին» ավելի լավ տպավորություն է թողնում և որոշ մասնագետների կարծիքով՝ օբյեկտիվորեն ավելի ուժեղ է:  Հաղթել «Չելսիին» հանուն Մխիթարյանի խոստումներն ավելի շատ էմոցիոնալ հողի վրա էին: Հաղթել «Չելսիին» պետք էր, ոչ թե հանուն Մխիթարյանի, այլ  շատ ուրիշ պատճառներով: Կային ոչ պակաս կարևոր խթաններ:

Եթե «Արսենալը» հաղթեր,  նախ՝ պատմության ընթացքում առաջին անգամ կնվաճեր Եվրոպա լիգայի գավաթը,  դուրս կգար Չեմպիոնների լիգայի եզրափակիչ և կվաստակեր 100 միլիոն ֆունտ սթերլինգ նոր տրանսֆերների համար:  Իսկ հիմա պետք է ամեն ինչ սկսել զրոյից: