17:47 07.06.2019
Մարդասպանների ազգությունը չպետք է ազդի հայ-ռուսական հարաբերությունների վրա: Այս մասին հայտարարել է ՀՀ վարչապետ Նիկոլ Փաշինյանը Սանկտ Պետերբուրգում՝ պատասխանելով Sputnik Armenia-ի լրագրողի հարցին՝ անդրադառնալով Մերձմոսկվայում ռուս հատուկջոկատային Նիկիտա Բելյանկինի սպանության դեպքին, որի սպանության մեջ կասկածվողը հայ է:
«Իհարկե, գիտեք, դա ողբերգություն է: Ես իմ ցավակցությունն եմ հայտնում սպանվածի ընտանիքին և ընկերներին, քանի որ, ինչպես դուք նշել եք, դա ազդում է մեր հարաբերությունների վրա»,- ասել է Փաշինյանը:
Վարչապետը նշել է, որ այս թեմայով նաև կան շահարկումներ, քանի որ և՛ Հայաստանում և՛ Ռուսաստանում կա կրիմինալ.
«Կան մարդիկ, որոնք իրականացնում են իրավախախտումներ և սպանություններ և՛ Հայաստանում, և՛ ՌԴ-ում, սակայն դա որևէ կերպ չպիտի ազդի մեր հարաբերությունների վրա: Սա սկզբունքային դիրքորոշում է և էական չէ, թե որ ազգության ներկայացուցիչը այն կիրականացնի»:
Փաշինյանը հիշեցրել է վերջերս Գյումրիում ՌԴ զինվորականի կողմից կնոջ սպանության դեպքը և նշել, որ Հայաստանի իշխանությունները ամեն կերպ խուսափել են այս ամենին քաղաքական ենթատեքստ տալ:
«Սա ոչ մի ձև կապված չէ մեր հարաբերությունների հետ, քանի որ, եթե սա կապված լիներ մեր հարաբերությունների հետ, ոչ ոք ոչ ոքի չէր սպանի, քանի որ մենք ունենք ամուր, եղբայրական, ռազմավարական հարաբերություններ»,- ասել է Փաշինյանը:
Հիշեցնենք, որ 24-ամյա Բելյանկինը սպանվել է Մերձմոսկվայում կռվի հետևանքով: Դրանից հետո ձերբակալվել են Սուրեն Մարկոսյանը, Նարեկ Ստեփանյանը և Սերգեյ Խոջոյանը: Խոջոյանը մեղադրվում է սպանության մեջ, մյուս երկուսը` խուլիգանության (Ստեփանյան և Մարկոսյան):
12:14 02.08.2025
Թրամփը հրամայել է տեղակայել երկու միջուկային սուզանավ՝ ի պատասխան Մեդվեդևի հայտարարություններիԱՄՆ նախագահ Դոնալդ Թրամփը, շարունակելով իր վեճը Ռուսաստանի Անվտանգության խորհրդի փոխնախագահ Դմիտրի Մեդվեդևի հետ, հայտարարել է, որ իր հռետորական սպառնալիքներին ի պատասխան կուղարկի երկու ամերիկյան միջուկային սուզանավ «համապատասխան տարածաշրջաններ»։ Նա չի մանրամասնել, թե որ տարածաշրջանների մասին է խոսքը։ «Հաշվի առնելով Ռուսաստանի նախկին նախագահ, այժմ Ռուսաստանի Անվտանգության խորհրդի փոխնախագահ Դմիտրի Մեդվեդևի կողմից արված խիստ սադրիչ հայտարարությունները, […] ...
12:08 02.08.2025
Oգոստոսի 12-20-ը ՀՀ-ում կանցկացվի «ԱՐԾԻՎ ԳՈՐԾԸՆԿԵՐ-2025» հայ-ամերիկյան համատեղ զորավարժությունըՄիջազգային խաղաղապահ առաքելություններում մասնակցության նախապատրաստման շրջանակում օգոստոսի 12-20-ը Հայաստանի Հանրապետությունում կանցկացվի «ԱՐԾԻՎ ԳՈՐԾԸՆԿԵՐ-2025» հայ-ամերիկյան համատեղ զորավարժությունը։ Այս մասին հայտնում է ՀՀ ՊՆ-ն։ Զորավարժությանը ներգրավված են լինելու ՀՀ ԶՈՒ խաղաղապահ բրիգադի, Եվրոպայում և Աֆրիկայում ԱՄՆ ցամաքային զորքերի և Կանզասի ազգային գվարդիայի զինծառայողները: Զորավարժությունը ենթադրում է խաղաղապահ առաջադրանքների նախապատրաստում և իրականացում՝ բժշկական տարհանման ընթացակարգերի շեշտադրմամբ: Զորավարժության նպատակն […] ...
11:47 02.08.2025
Ուսուցողական և գործնական միջոցառում Ստեփանավան քաղաքումԼոռու մարզի Ստեփանավան քաղաքում իրականացվել է կարևոր նախաձեռնություն՝ ուղղված երեխաների՝ անվտանգության վերաբերյալ իրազեկվածության բարձրացմանը։ «Լիարժեք կյանք» ներառական ամառային ճամբարի տարածքում ՆԳՆ Լոռու մարզային փրկարարական վարչության կողմից կազմակերպվել են սեմինարներ՝ նվիրված հակահրդեհային կանոնների ուսուցմանը և տարհանման հմտությունների զարգացմանը։ Սեմինարների հիմնական նպատակն էր ճամբարականներին ծանոթացնել հրդեհների կանխարգելման կանոններին, տարհանման կարգին և քայլերին, ինչպես նաև նրանց հաղորդակից դարձնել արտակարգ իրավիճակներում ճիշտ, վստահ և կազմակերպված վարքագծի […] ...
11:30 02.08.2025
Հյուսիս-հարավ ճանապարհային միջանցքի Քաջարան-Ագարակ 32 կմ երկարությամբ հատվածում ամեն օր աշխատում է 600 շինարար․ ՏԿԵ նախարարՀյուսիս-հարավ ճանապարհային միջանցքի Քաջարան-Ագարակ 32 կմ երկարությամբ հատվածում յուրաքանչյուր օր աշխատում է 245 տեխնիկա, շինարարական աշխատանքներում ներգրավված է ավելի քան 600 շինարար: Այս մասին Ֆեյսբուքի իր էջում գրել է ՏԿԵ նախարար Դավիթ Խուդաթյանը։ Հուլիս ամսվա ընթացքում միջին օրական կատարողականը գերազանցել է 60 միլիոն ՀՀ դրամը: ...
11:07 02.08.2025
Տարադրամի փոխարժեքներն օգոստոսի 2-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 382 դրամ, վաճառքի նվազագույն արժեքը՝ 384․50 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 441 դրամ: Ռուսական ռուբլու առքի առավելագույն արժեքն է 4․75 դրամ, վաճառքի նվազագույն արժեքը՝ 4.82 դրամ: ...
