Հայտնի ու անհայտ մեղուները․ սենսացիոն բացահայտումներ – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
29 03 2024
  • $
    394.46
  • RUBLE
    4.27
  • 425.62
WEATHER
+9.09 oC

Հայտնի ու անհայտ մեղուները․ սենսացիոն բացահայտումներ

21:15 16.06.2019

Զարմանահրաշ աշխարհ: Գիտնականների սենսացիոն հայտնագործությունը ստիպում է է՛լ ավելի սիրել ու հարգել թաղանթաթևավորների դասին պատկանող մեղուներին:

Վերջերս բրիտանացի գիտնականները պարզել են, որ, 0․1 գրամ քաշ ունեցող մեղուներից յուրաքանչյուրի մեջ ապրում է բնածին մաթեմատիկոս. մեղուներն իրենց հիմնական ֆունկցիայից զատ, ունակ են ոչ միայն ճանաչել թվերն ու խորհրդանիշները, հաշվել ու համադրել դրանք, այլև լուծել բարդ մաթեմատիկական խնդիրներ:

Մեղուներն արագ և ճշգրիտ հաշվարկում են  ծաղկից ծաղիկ , ապա նաև` փեթակ վերադառնալու ամենակարճ ճանապարհը: Դա այն դեպքում, երբ յուրաքանչյուր օր ստիպված են կաթուկ ու ծաղկափոշի կուտակելու համար փեթակից 2 և ավելի կմ հեռանալ ու ետ վերադառնալ մի քանի անգամ ՝ կրելով իրենց քաշից ծանր բեռ: Ինչպե՞ս է դա լուծում մեղվի՝ հյուլեի չափ ուղեղը, մնում է ենթադրել:

Ըստ Միչիգանի համալսարանի գիտնականնեերի՝ մեղուները որոշ առումով մաթեմատիկա ավելի շատ էին հասկանում, քան միջնադարյան եվրոպացիները: Նրանց համոզմամբ՝ մեղուներն ի վիճակի են հասկանալ զրոյի հայեցակարգը՝ որպես թվերից ամենափոքրը: Միջնադարում՝ մասնավորապես Հռոմում, մարդիկ նման հայեցակարգը համարել են «վերացական»: Ահա, թե ինչու չկան զրոյին համապատասխանող հռոմեական թվեր: Զրոյի գաղափարը Եվրոպա է «ներմուծվել» Հնդկաստանից:

Հետաքրքիր են նաև Մելբուռնի համալսարանի փորձագետների դիտարկումները: Նրանք սովորեցնում էին մեղուներին որոշակի պատկերներ-խորհրդանիշներ հարաբերակցել կոնկրետ առարկաների քանակի հետ: Փորձաքննությունը ցույց տվեց, որ մեղուները կարողանում են մտապահել, որ փորձարկման ենթակա խորհրդանիշները համապատասխանում են թվերին և հակառակը՝ թվերը՝ խորհրդանիշներին: Սակայն, նանք դրանք ընկալում էին որպես իրարից տարբեր 2 ասոցիացիաներ:

Գիտնականների կարծիքով՝ դա այն իրողության հետևանքն է, որ մեղուների մոտ խորհրդանիշների վերլուծությունն ու ընկալումը տեղի է ունենում ուղեղի տարբեր կիսագնդերում:

Գիտնականները մեղուներին համարում են աշխարհում ամենաաշխատասեր միջատները: Վերջին 50 միլիոն տարիների ընթացքում ոչ մի միջատ նրանցից զատ չի կարողացել անել այն, ինչ մեղուներն անում են իրենց փեթակներում, երբ նրանց թիվը մի փեթակոմ կարող է տատանվել 20-50 հազարի:

Փեթակում մեղուները հստակ դասակարգմամբ բաժանված են երեք խմբի՝ մայր մեղու, բոռեր ու աշխատող մեղուներ: Յուրաքանչյուր խումբը բնազդով, թե գիտակցաբար հստակ կատարում է իր պարտականությունները:

Առաջին 2 խմբերի ֆունկցիան փեթակում ժառանգության ապահովումն է: Մայր մեղուն ընտանիքում գերակա դիրքը կարող է պահպանել 8-9 տարի՝ մինչև վերարտադրության ֆունկցիայի նորմալ գործունեությունը: Հակառակ դեպքում՝ գահընկեց էին անում՝ ընտրելով նորին: Բոռերին փեթակում հանդուրժում էին մինչև մայր մեղվի հետ նրանց զուգակցվելը, որը տեղի էր ունենում օդում՝ թռիչքի ժամանակ: Ի դեպ, դրանից հետ բոռերն անմիջապես սատկում էին՝ նրանց սերմնախողովակը թռիչքի ընթացքում պոկվում էր՝ մի որոշ ժամանակ կցված մնալով մայր մեղվին: Բեղմնավորման գործընթացին չմասնակցած բոռերին զինվոր մեղուները արգելում էին մուտքը փեթակ՝ դատապարտելով նրանց սովամահության:

                                 

Փեթակում մեղվարտադրության բարդ պրոցեսը դրված էր աշխատող մեղուների վրա: Դրանք չզարգացած սեռական օրգաններով էգերն են։ Վերջիններս, իրենց 35-40-օրյա կարճատև կյանքի ընթացքում կարողանում են գերազանց լուծել բարդ խնդիրներ․ կյանքի 1/3-ն ապրելով փեթակում` կառուցում էին հարյուրավոր մեղվախորշեր, դրանք մոմակալում՝ պատրաստելով մայր մեղվի ձվադրման համար, կերակրում, խնամում թրթուռներին, մեղրի հասունացման համար ապահովում պահանջվող խոնավությունն ու ջերմությունը: Եվ միայն  իրենց կյանքի վերջին 7-10-րդ օրերին էին զբաղվում մեղրարտադրությամբ:

Այստեղ ևս ժամանակն օպտիմալ օգտագործելու նպատակով՝  հաշվարկում  ծաղկից ծաղիկ , ապա նաև սեփական փեթակ վերադառնալու ամենակարճ ճանապարհը:

 

Գիտնականներն առանձնացրել են մեղուների 100 առանձնահատկություններ.

«Մեղր» բառը Աստվածաշնչում հանդիպում է  ավելի քան 50 անգամ: Աստվածաշնչում կան բազմաթիվ հղումներ մեղվապահների և հասարակության միջև հարաբերությունների վերաբերյալ. մեղվաբուծությամբ պետք է զբաղվեին քաղաքից դուրս՝ մարդկանցից հեռու: Մեղվապահներն ունեին որոշ իրավունքներ և պարտականություններ. օրինակ, հարևանի ծառի վրա բնավորված մեղվաընտանիքը համարվում էր նախկին տիրոջ սեփականությունը, որն իրավունք ուներ կտրել ու տանել մեղուների պարսը:

-Հնագույն Եգիպտոսում մեղրը օգտագործվում էր զմռսելու համար, իսկ հին Հունաստանում՝ որոշ մթերքների, մասնավորապես՝ մսի պահածոյացման համար, ի դեպ, այսօր էլ հասունացած մեղրը մեղուները զմռսում են մեղվամոմով: Պեղումների ժամանակ գտել են հազար տարվա նման ձևով զմռսված մեղր, որը համային որակները չէր կորցրել։

-Մեղրը բարձր կալորիականությամբ խտացված մթերք է, որն իր բաղադրությամբ մոտ է արյան պլազմային, իր քիմիական բաղադրությամբ զգալիորեն տարբերվում է սննդամթերքից: Մեղրի քիմիական և կենսաբանական բաղադրության մեջ մտնում են օրգանիզմի համար կարևոր 70-ից ավելի նյութեր ու տարրեր:

-Մեղուների տարիքն, ըստ տարբեր աղբյուրների,  50-200 մլն է: Մեղուները բնակվել են բոլոր մայրցամաքներում՝  Անտարկտիդայից բացի։

-Թրթուռներից ծնված առաջին էգ մեղուն ոչնչացնում էր բոլոր էգերին։

– Մեղուն միակ միջատն է, որն արտադրում է այնպիսի սնունդ, որոնք մարդիկ կարող են ուտել առանց լրացուցիչ մշակման: Մեղուներն օժտված են յուրահատուկ «ինտելեկտուալ ունակություններով», ինչպես նաև բնազդով։

-Մեղուները շատ վատ տեսողություն ունեն, չեն կարողանում տարբերակել օբյեկտները 1.5 մետր հեռավորության վրա, սակայն սուր հոտառության շնորհիվ հեշտությամբ գտնում են այն:

-Ձմռանը՝ չսառչելու և մայր մեղվին տաքացնելու համար, մեղուները նրա շուրջ գնդաձև շրջան են մազմում և ձմռան ողջ ընթացքում շարժվում՝ ջերմություն հաղորդելով նրան և իրենց։

-Մեղուները հոտառության առումով  չեմպիոն են: Նրանք հոտերը ընկալում ու տարբերակում են 1000 անգամ ավելի լավ, քան մարդիկ, իսկ  ծաղիկների բույրը՝ ավելի քան 2 կմ հեռավորությամբ: Հաղորդակցվում են միմյանց հետ մարմնի շարժումներով (մեղուների պարերով) ևիրենց իսկ արտադրած բուրող նյութերով` ֆերոմոնով:

                      

 

-Մեղվամոմից, մեղվահացից, ծաղկափոշուց, կաթից, թույնից ու մեղրից պատրաստած մթերքների բուժիչ հատկությունների մասին հիշատակել են դեռևս անտիկ շրջանի գիտնականները` 7-9 հազար տարի առաջ: Մեղվաբուժությունը զարգացած էր Ասորեստանում, Եգիպտոսում, Հնդկաստանում, Չինաստանում, Հին Հունաստանում, Հռոմում, Պաղեստինում, Սաուդյան Արաբիայում, Հայաստանում:

-Մեղուները գերադասում  են սատկել ազատության մեջ

-Մեղուների օդային մանևրումները գերազանցում  են մեր  ամենաժամանակակից գերարագ  ինքնաթիռների նվաճումները

-2013 թ.-ին Սենթ Լուիսում գտնվող Վաշինգտոնի բժշկական համալսարանի գիտնականները մշակել են ՄԻԱՎ բջիջների դեմ հարձակման միջոց՝ օգտագործելով մեղվաբուծության մեջ գտնվող հզոր տոքսինը։

-Մեղրը պարտադիր կարգով ընդգրկված է տիեզերագնացների սննդակարգում։

-Գիտնականները մեղուներին սովորեցրել են գտնել պայթուցիկ սարքեր։

 

 

Աստվածաշնչում կան բազմաթիվ հղումներ մեղվապահների իրավունքների և պարտականությունների մասին: Օրինակ՝ հարևանի ծառի վրա բնավորված մեղվաընտանիքը համարվում էր նախկին տիրոջ սեփականությունը, որ իրավունք ուներ կտրել-տանել հարևանի ծառի ճյուղը, որի վրա բնավորվել էր մեղուների պարսը:

Մեղուները հայտնի են եղել նաև քարե դարում: Երբ են մեղուներ սկսել պահել տնային պայմաններում`հայտնի չէ:  Իսպանիայի քարանձավներում մոտ 8 000 տարի առաջ արված ժայռապատկերներում պատկերված  մարդը բարձրանում է ծառը՝ վայրի մեղուների փեթակից մեղր հանելու: Հին Եգիպտոսում մեղվապահությունը հայտնի էր  մ.թ.ա. III հազարամյակից: Այդ զբաղմունքն այնքան հարգի էր, որ եգիպտական փարավոններից մեկին կոչել էին մեղուների տիրակալ: Իսկ հին հույները մեղրն անվանում էին «աստվածների շնորհ»:

1968թ. մի խումբ հայ և ռուս հնագետներ Ղարաբաղի Ազոխ քարանձավում պեղումների ժամանակ հայտնաբերել էին կավե սափորներ, որոնց վրա մեղուներ էին պատկերված: Ըստ գիտնականների՝ դրանց տարիքը մոտ 150 հազար տարի է: Այսօրվա դրությամբ, այդ գտածոն մեղուների հետ մարդկությանը ծանոթ լինելու ամենահին վկայությունն է:

Հայաստանն ընդունված է համարել մեղվաբուծության հնագույն կենտրոններից մեկը: Այդ են վկայում պեղումների ժամանակ քարանձավներում մեղուների պատկերով հայտնաբերված նկարները , հայկական մետաղադրամները, կնիքներն ու մատանիները: Հայկական մեղուն ունի վառ դեղին գունավորում, շատ դիմացկուն է, դիմանում է ծարավին, ինչը, հավանաբար, բացատրվում է նրա բաց գունավորմամբ:

Ռեկորդակիր է բոլոր մեղրատուների մեջ իր երկար կնճիթով` 7․2 մմ-ից մինչև 8 մմ,ինչը թույլ էր տալիս նրան նեկտար ստանալ գրեթե ցանկացած բույսից, նույնիսկ՝ ամենախորը ծաղկաբաժակ ունեցող ծաղիկներից, ինչն էլ ավելի արժեքավոր էր դարձնում նրա տված մեղրը:

Հայկական մեղվաբուծության մասին իրենց աշխատություններում նշել են անտիկ շրջանի բազմաթիվ պատմիչներ` Քսենոֆոնտը, Ստրաբոնը (I դար մ.թ.ա.), Էլիան, հռոմեացի պատմիչ Դիոդորոս Սիցիլիացին, հայ պատմիչներից՝ Ագաթանգեղոսը, Փավստոս Բուզանդը, Մովսես Խորենացին, Եզնիկ Կողբացին և այլք:

Հին  Հայաստանում մեղուները նաև որպես զենք են ծառայել: Ամրոցներում մեղվանոցներ կային, որտեղ պահվում էին հատկապես «չար» դեղին մեղուներ: Ճյուղերից հյուսված մեղվափեթակները պարսպից նետում էին ամրոցը պաշարած թշնամու վրա: Չդիմանալով կատաղած մեղուների հարձակմանը` նրանք նահանջում էին: Իմանալով հայկական մեղվի առանձահատկությունների մասին` արաբները, պարսիկներն ու մոնղոլները Հայաստան արշավանքների ժամանակ գողանում էին փեթակները:

 

 

 

 

Բոլոր լուրերը

Կապակցված լուրեր

Քննարկվել են Հայաստանի և Կորեայի միջև համագործակցության հնարավորությունները շրջակա միջավայրի պահպանության և վերականգնվող էներգետիկայի ոլորտներում

10:41 29.03.2024

Քննարկվել են Հայաստանի և Կորեայի միջև համագործակցության հնարավորությունները շրջակա միջավայրի պահպանության և վերականգնվող էներգետիկայի ոլորտներում

Էկոնոմիկայի նախարար Գևորգ Պապոյանը մարտի 28-ին ընդունել է Կորեայի Հանրապետության ԱԳ նախարարի քաղաքական հարցերով տեղակալ Չուն Բյունվոնի գլխավորած պատվիրակությանը՝ հայ-կորեական տնտեսական համագործակցության հեռանկարները քննարկելու նպատակով: Հանդիպմանը ներկա է եղել նաև նախարարի տեղակալ Ռաֆայել Գևորգյանը։ Քննարկվել են համագործակցության հնարավորությունները շրջակա միջավայրի պահպանության և վերականգնվող էներգետիկայի, մասնավորապես՝ թափոնների կառավարման, պլաստիկի վերամշակման, քամու, արևային էներգիայի արտադրության և կանաչ […] ...

Փորձագետը նշել է գործողություններ թունավոր օձի խայթոցի դեպքում

10:22 29.03.2024

Փորձագետը նշել է գործողություններ թունավոր օձի խայթոցի դեպքում

Վիրաբույժ Ալեքսանդր Ումնովը «Իզվեստիային» պատմել է, թե ինչպես վարվել թունավոր օձի խայթոցի դեպքում։ «Օձի խայթոցից հետո անհրաժեշտ է անհապաղ անշարժացնել ախտահարված վերջույթը (ձեռքը, ոտքը)՝ օգտագործելով առկա միջոցները: Տուժածին պառկեցրեք հորիզոնական դիրքով, ապահովեք լիարժեք հանգիստ, թույլ մի տվեք նրան շարժվել կամ ֆիզիկական ջանքեր գործադրել, դա կդանդաղեցնի թույնի տարածումը»,- նշել է Ումնովը։ Հաջորդը, ըստ նրա, պետք է […] ...

Հնդկաստանում 10 մարդ է զոհվել տաքսու՝ կիրճն ընկնելու հետևանքով

10:13 29.03.2024

Հնդկաստանում 10 մարդ է զոհվել տաքսու՝ կիրճն ընկնելու հետևանքով

Հնդկաստանի հյուսիսի լեռներում 10 մարդ է մահացել տաքսին կիրճն ընկելու պատճառով. այս մասին հայտնել է Ջամու և Քաշմիրի հնդկական միության երկրամասի ոստիկանությունը, որտեղ տեղի է ունեցել վթարը։ Ողբերգությունը տեղի է ունեցել Ջամու-Սրինագար ազգային մայրուղու Ռամբանա թաղամասում։ Նախնական տվյալներով՝ տաքսու վարորդը եղանակային վատ պայմաններում չի կարողացել կառավարել մեքենան։ Ավելի վաղ օդերևութաբանները զգուշացրել էին, որ Ջամուում և […] ...

Ռուսաստանը պատրաստ է նպաստել Երևանի և Բաքվի հարաբերությունների կարգավորմանը. Լավրով

10:05 29.03.2024

Ռուսաստանը պատրաստ է նպաստել Երևանի և Բաքվի հարաբերությունների կարգավորմանը. Լավրով

Հայաստանի ղեկավարությունը, ծանոթ լինելով Մոսկվայի տեսակետին, գիտի Ռուսաստանի Դաշնության պատրաստակամության մասին՝ նպաստելու Ադրբեջանի հետ հարաբերությունների կարգավորմանը, ինչպես նաև գիտի Արևմուտքի քայլերի մասին, որոնք խոչընդոտում են այդ նորմալացմանը, հայտարարել է Ռուսաստանի արտաքին գործերի նախարար Սերգեյ Լավրովը: «Մենք ազնվորեն ներկայացրել ենք մեր բոլոր գնահատականները Հայաստանի ղեկավարությանը, նրանք լավ գիտեն, որ մենք հավատարիմ ենք մնում մեր ստանձնած պարտավորություններին, […] ...

Բժիշկը զգուշացրել է առավոտյան վազքի վտանգների մասին

09:54 29.03.2024

Բժիշկը զգուշացրել է առավոտյան վազքի վտանգների մասին

Վազքը ոչ միայն սիրված սպորտ է, այլև ընդհանուր հոբբի: Այն ինքնին վտանգավոր չէ, սակայն որոշակի նախազգուշական միջոցներ չձեռնարկելու դեպքում կարող է առողջական խնդիրներ առաջացնել։ Մասնավորապես, չպետք է վազել վաղ առավոտյան կամ ուշ երեկոյան, «Իզվեստիա»-ի հետ զրույցում զգուշացրել է ռևմատոլոգ Իրինա Կորշունովան։ «Վաղ առավոտյան կամ ուշ գիշերը վազելը կարող է բացասական ազդեցություն ունենալ նյարդային համակարգի վրա։ […] ...

Գիտնականները հայտնում են 40 տարեկանից հետո սրտի առողջությունը վերականգնելու հնարավորության մասին

09:49 29.03.2024

Գիտնականները հայտնում են 40 տարեկանից հետո սրտի առողջությունը վերականգնելու հնարավորության մասին

3,8 միլիոն հիվանդների շրջանում անցկացված ուսումնասիրությունը ցույց է տվել, որ 40 տարեկանում սրտի վատ առողջություն ունեցող մարդիկ կարող են բարելավել այն և նվազեցնել հիվանդությունների ռիսկը: Այս մասին հայտնում է Սրտի ամերիկյան ասոցիացիան (AHA): Գիտնականները վերլուծել են Հարավային Կորեայի 3,8 միլիոն մարդկանց տվյալները, ովքեր չեն տառապել սիրտ-անոթային կամ երիկամների հիվանդությամբ: Նրանց 62,8%-ը տղամարդիկ են եղել, մասնակիցների […] ...

BACK_TO_TOP