21 05 2024

$

387.97
4.29
€

421.76

+18.09 ^oC

Գյումրիում հաճախակի էներգաանջատումներ ու տատանումներ․ հասցված վնասի չափերը հաշվարկում են բաժանորդները

ՀԱՅԱՍՏԱՆ

19:45 25.06.2019

Վերջին մեկ շաբաթում Գյումրիում հաճախակի տեղի են ունենում հոսանքի տատանումներ, բազմաթիվ թաղամասեր են հոսանքազրկվում, ընդհուպ քաղաքի գրեթե կեսը: Այն վիճակը, որ այժմ կա Գյումրու էներգասնուցման համակարգում, բնակիչները նույնիսկ համեմատում են 90-ականների հետ, երբ մալուխների վատ վիճակի պատճառով բաժանորդների էլեկտրաէներգիան անջատված էր մնում օրերով: Հիմա միայն փոխվել է վթարավերացման աշխատանքների արձագանքման արագությունը, իսկ անջատումների պատճառները նույնն են մնացել: Անձրևներից հետո դարձյալ մալուխներ են վնասվում, որոնք 30 տարում դեռ մնում են մասնակի նորոգումների հույսին: Այս մեկ տարում էլ ավելացել է նոր պատճառ՝ փողոցաշինությունը, որի ընթացքում՝ հաճախ է լինում, որ շինարարներն են վնասում մալուխներ:

Հոսանքի տատանումները քաղաքի տարբեր թաղամասերում են, օրվա մեջ տարբեր ժամերին ու մի քանի անգամ: Տատանումներից հետո էլ կամ լույսը թուլանում կամ ուժեղանում է, իսկ հետևանքները բաժանորդների տներում երևում են՝ սարքերի շարքից դուրս գալով:

Բացի դրանից՝ երբ էներգաանջատումները ժամեր են տևում, առանց նախազգուշացումների, արդեն այլ վնասներից են խոսում բաժանորդները: Երևանյան խճուղու 8 շենքը և հարակից սեփական տները օր ու կես լույս չունեին: Թաղամասի խանութներն էլ 24 ժամից ավելի լույս չունենալու վնասներն էին հաշվում, իսկ հացի արտադրամասում հունցած խմորն ու վառարանում կիսաեփ մնացած հացերը ստիպված թափել էին: Հացի արտադրամասի մենեջեր Գագիկ Թորոսյանի խոսքերով՝ 65 կգ խմոր են դեն նետել։ Առաջին դեպքը չէ, որ արտադրամասը էներգաանջատումների պատճառով վնաս է ունենում: Իսկ պայմանագրով էլցանցը տնտեսվարողի վնասը փոխհատուցելու պարտավորություն չունի: Ավելին, Հայաստանի էլցանցերի «Ղարս» մասնաճյուղի գլխավոր ճարտարագետ Գրիգոր Մարտիրոսյանն ակնարկեց, որ նման դեպքերից ապահովագրվելու համար տնտեսվարողն ինքն է տարբերակ գտնելու՝ սնուցման այլ աղբյուր, կամ անկախ սնուցման համակարգ ունենալով։

Երաշխիք, որ նույն տարածքում չի կրկնվի էներգավթարը, մատակարարը չունի և հոսանքազրկումից մեկ օր անց բրիգադը դեռ վթարված մալուխի տեղն էր որոնում: Էլցանցի լաբորատորիա-մեքենային էին սպասել մինչև կհասներ Երևանից, «Ղարս» մասնաճյուղի միակ մեքենան պարզել էին, որ սարքին չէ: Իսկ աշխատանքները դարձյալ միայն վթարված հատվածի մալուխը փոխելով էր վերջանալու:

Մաշված ու մասնակի փոխված մալուխներով էներգաապահովումը հուսալի չէ, ամբողջական կամ հիմնովին մալուխագծերի նորացումը շարունակում է մնալ անհասանելի: Ներդրումային ծրագրերով, եթե աշխատանքներ եղել են, ապա դրանք նոր կառուցված Մուշ 2/2 թաղամասում ու փողոցաշինության ընթացքով պարտադրված էին։ Պահանջված ներդրումների հիմնական մասն էլ, ըստ ճարտարագետի, գնում է Երևանյան խճուղու օրինակով վթարներ վերացնելու համար:

90-ականներից ուղղվածությունը մատակարարի համար չի փոխվել: Իսկ վթարները նաև ավելացել են՝ փողոցաշինական աշխատանքներով պայմանավորված: Ամենամեծ ներդրումն էլ համարվում է Կումայրի արգելոցի տարածքում ստորգետնյա էներգացանցի կապիտալ նորացումը ու էլի փողոցների շինարարության համար: Իսկ Երևանյան խճուղում վթարը վերացրել էին 24 ժամ անց: Վթարը տեղի էր ունեցել հունիսի 23-ին՝ 16:30-ի սահմաններում, էներգամատակարարումը վերականգնվեց երեկ՝ հունիսի 24-ին, ժամը 20:30-ի սահմաններում:

Կարինե Կազարովա

Գյումրի

Բաժանորդագրվեք SHANTNEWS.am-ին Telegram-ում

Բոլոր լուրերը

10:21 21.05.2024
Արման Խոջոյանը հանդիպել է ՄԱԿ ՊԳԿ-ի գլխավոր տնօրեն Քու Դոնգյուի հետ

Կապակցված լուրեր

23:13 20.05.2024

ԶՈՒ-ում անցկացված ռազմավարական հրամանատարաշտաբային զորավարժությանը ներգրավված ստորաբաժանումներում ամփոփվել են կատարված աշխատանքները

Զինված ուժերում անցկացված ռազմավարական հրամանատարաշտաբային զորավարժությանը ներգրավված ստորաբաժանումներում մայիսի 20-ին ամփոփվել են կատարված աշխատանքները, նախանշվել ինչպես դրական արձանագրումները, այնպես էլ ի հայտ եկած որոշակի թերությունները, որոնց շտկման ուղղությամբ ձեռնարկվել են անհրաժեշտ քայլեր։ Ռազմավարական հրամանատարաշտաբային զորավարժության ընթացքում ներդաշնակվել են զորատեսակների և դրանց ստորաբաժանումների գործողությունները, խաղարկվել իրական պայմաններին մոտեցված մարտավարական մի շարք դրվագներ։ Հիշեցնենք, որ ռազմավարական հրամանատարաշտաբային […] ...

21:33 20.05.2024

Մայիսի 13-19-ի ագրոօդերևութաբանական տեղեկատվությունը

Շաբաթվա ընթացքում շարունակվել են մշակաբույսերի աճն ու զարգացումը: Առանձին հովտային շրջաններում սկսվել է աշնանացան ցորենի կաթնային հասունացումը, նախալեռնային շրջաններում՝ հասկակալումը, իսկ լեռնային շրջաններում շարունակվել է աշնանացանի ծեղացողունի ներքին հանգույցների առաջացումը։ Նախալեռնային շրջաններում շարունակվել է եգիպտացորենի ծիլերի առաջացումը։ Հովտային և նախալեռնային շրջաններում շարունակվել է կորիզավոր պտղատուների աճն ու զարգացումը, իսկ լեռնային շրջաններում հնդավորների ծաղկումն ավարտվել է։ […] ...

21:11 20.05.2024

Մայիսի 21-ին Երևանի և մարզերի որոշ հասցեներում լույս չի լինի

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 21-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16:00 Նոր Նորք 2-րդ զանգ.՝ Թոթովենցի փ. 2/3, 6/2, 11, 11/1, 11/2 շենքեր, Մոլդովական փ. 2, 2/1, 2/2, 4, 4/2, 6, 6/1, 8, 8/1, 10, 10/1 շենքեր, Գայի պող. 3, 5, 7, […] ...

20:22 20.05.2024

Երևանը կունենա նոր գլխավոր հատակագիծ՝ թվայնացված փաստաթղթի տեսքով

Երևանը կունենա նոր գլխավոր հատակագիծ: Այն կլինի թվայնացված փաստաթուղթ՝ ապահովելու մայրաքաղաքի համաչափ ու հարաճուն զարգացումը: Երևանի քաղաքապետարանում անցկացված գործակարգավարական հերթական խորհրդակցությանը զեկուցվել է, որ նյութերը հավաքելու և նախագծային լուծումները մշակելու գործընթացներն ընթանում են բնականոն հունով: Երևանի մետրոպոլիտենում տեղադրվել են նոր անցարգելներ: Հասարակական տրանսպորտի տոմսային համակարգի ամբողջական ներդրման շնորհիվ մետրոն ևս ժետոնների փոխարեն կանցնի QR կոդով […] ...

19:50 20.05.2024

Մեկնարկում են երաժշտական և արվեստի դպրոցների փոխգործակցության «Քույր դպրոցներ» ծրագրի միջոցառումները

ՀՀ կրթության, գիտության, մշակույթի և սպորտի նախարարության աջակցությամբ մայիսի 22-ին մեկնարկում են երաժշտական և արվեստի դպրոցների փոխգործակցության «Քույր դպրոցներ» ծրագրի 2024 թվականի միջոցառումները: Ծրագրի կարևոր նպատակն է ապահովել երաժշտական և արվեստի դպրոցների միջև փորձի փոխանակումը, ստեղծագործական համագործակցության հարթակների ձևավորումը, գեղարվեստական կրթության բնագավառի շահառուների միասնական նպատակների սահմանումն ու իրագործումը՝ մշակութային կրթության ոլորտի, ինչպես նաև տարածքային համաչափ […] ...

19:46 20.05.2024

Արարատ Միրզոյանը հանդիպում է ունեցել Ատոմային էներգիայի միջազգային գործակալության գլխավոր տնօրենի հետ

ՀՀ ԱԳ նախարար Արարատ Միրզոյանը հանդիպում է ունեցել Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Մարիանո Գրոսսիի հետ: Հանդիպումը կայացել է նախարարի՝ Վիեննա աշխատանքային այցի շրջանակներում։ Հանդիպման ընթացքում զրուցակիցները գոհունակությամբ արձանագրել են Հայաստանի և ԱԷՄԳ միջև ձևավորված արդյունավետ համագործակցությունն ու ակտիվ դինամիկան, որին նպաստում են նաև պարբերական բարձրաստիճան այցերն ու հանդիպումները։ Քննակվել են Հայաստան-ԱԷՄԳ […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.