Նպաստառու ընտանիքներին անվճար դեղորայք կտրամադրվի – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
16 06 2025
  • $
    383.23
  • RUBLE
    4.82
  • 440.91
WEATHER
+20.09 oC

Նպաստառու ընտանիքներին անվճար դեղորայք կտրամադրվի

15:45 11.07.2019

Հուլիսի 1-ից «Փարոս» համակարգում ընդգրկված քաղաքացիները պոլիկլինիկաներից կստանան նաև անվճար դեղորայք։ Շահառուների ցանկում ընդգրկված քաղաքացիները սոցիալական գնահատման համակարգում հաշվառված և 30,01-ից բարձր անապահովության միավոր ունեցող ընտանիքների անդամներն են:

Նոր կարգով ակնկալվում է թեթևացնել նաև հիվանդանոցների ծանրաբեռնվածությունն ու մեծացնել պոլիկլինիկաների դերը: Առողջապահության նախարարության տվյալներով` անվճար դեղորայքից կօգտվի մոտ 200 հազար քաղաքացի:

Պոլիկլինիկաների դեղապահարաններում ու հատուկ սառնարաններում պահվող դեղորայքը մշտապես անվճար բաժանվում է շաքարային դիաբետով, էպիլեպսիայով, պարբերական հիվանդությամբ ու հաշմանդամության առաջին, երկրորդ կարգ ունեցող անձանց, ովքեր ամսական մեկ կամ երկու անգամ դեղատոմսով, հատուկ կարգով, ստանում են համապատասխան չափաքանակը:

Յուրաքանչյուր տեսակի դեղորայքի համար ամբուլատորիաների դեղատներում կան բացված հատուկ մատյաններ, որտեղ դեղագետը պարտադիր գրանցում է տրամադրված դեղորայքը, իսկ բոլոր դեղատոմսերը պահվում են որպես ստացական-փաստաթուղթ:

Արտոնություն ունեցող բոլոր  խմբերին հուլիսի մեկից ավելացել են նաև «Ընտանեկան նպաստ» համակարգում ընդգրկված ու նվազագույնը 30,01 բալային միավոր ունեցող ընտանիքները: Նրանք ևս օգտվելու են անվճար դեղորայքից:

«Քաղաքացին պոլիկլինիկա պետք է ներկայացնի  նպաստառու լինելու մասին տեղեկանք, պոլիկլինիկայում արդեն տեղեկանքի հիման վրա բժիշկը համապատասխան դեղատոմսը դուրս կգրի և քաղաքացին տվյալ պոլիկլինիկայի դեղատնից կամ այն դեղատնից, որի հետ ունի պայմանագիր, կգնա, դեղատոմսով կստանա դեղորայքը»,- նոր կարգի մանրամասներն է մեկնաբանում ՇՄ-ի առողջապահության և սոցիալական ապահովության վարչության գլխավոր մասնագետ Լուսինե Մովսիսյանը։

Անվճարների ցանկում կա 400-ից ավելի անուն դեղորայք: Դրանց կարիքն ունեցող նպաստառուներին անհրաժեշտ դեղորայքը  տրամադրելու համար հետազոտությունը պոլիկլինիկայում պարտադիր է, իսկ ընտանեկան բժշկի տված դեղատոմսն էլ պարտադիր պետք է ներկայացնել դեղատներին:

«Գնային սահմանափակումներ չկան, եթե իրեն ցուցված է այդ դեղը և կա մեր հիմնական դեղերի ցանկում, ապա բնակչին այն կտրամադրվի  անվճար»,- ասում է Գյումրիի Կարմիր խաչի անվան պոլիկլինիկայի ընտանեկան բժիշկ Արմինե Կնյազյանը։

«Ընտանիքի բոլոր անդամները, ովքեր հաշվառված են, նպաստառուներ են, բոլորը կարող են անվճար դեղորայք ստանալու արտոնությունից օգտվեն»,- ասում է Լուսինե Մովսիսյանը:

Իսկ սահմանած նոր արտոնությունները ի՞նչ բացառություններ ունեն, կամ արդյո՞ք նպաստառու ընտանիքի անդամները կարող են օգտվել անվճար դեղորայքից, եթե հետազոտվել են հիվանդանոցում կամ դեղորայքային բուժումը նշանակել է այլ մասնագետ: Պարզվում է` նման դեպքերում էլ ելք կա:

«Եթե կան այնպիսի հետազոտություններ կամ այնպիսի նեղ մասնագետների խորհրդատվություն, որը տվյալ պոլիկլինիկան չունի, այդ դեպքում միայն այլ հաստատությունների կատարած հետազոտությունների, այլ մասնագետների կատարած բժշկական  ցուցումների հիման վրա պոլիկլինիկան դեղորայքը կտրամադրի»,- պարզաբանում է Լուսինե Մովսիսյանը։

Որոշումն ուժի մեջ է հուլիսի 1-ից, բայց պոլիկլինիկա դեռ դիմողներ չկան: Բժիշկների կարծիքով` պատճառը տեղեկացված չլինելն է: Մարզպետարանի առողջապահության ու սոցիալական ապահովության վարչությունը նոր կարգին պատրաստվում է ծանոթացնել նաև առաջնային բուժսպասարկման օղակին, իսկ վերջիններս էլ իրենց այցելուներին:

Անվճար տրամադրվող դեղերի ցանկում ավելացել են նաև հեպատիտ C-ի բուժման համար անհրաժեշտ դեղորայքը և հիպոֆիզային գաճաճության համախտանիշ ունեցողներին անհրաժեշտ հորմոնները, բայց երկու թանկարժեք դեղորայքը հիվանդներին կտրամադրվի 2020 թվականից:

 

Բոլոր լուրերը

Կապակցված լուրեր

Ապարանում շարունակվում են աղետի հետևանքների վերացման աշխատանքները

10:40 16.06.2025

Ապարանում շարունակվում են աղետի հետևանքների վերացման աշխատանքները

Ամբողջ գիշեր և վաղ առավոտյան Ապարան համայնքի ղեկավար Կարեն Եղիազարյանը տեղակալների և պատասխանատու ստորաբաժանումների ղեկավարների հետ գտնվել է տեղում՝ մասնակցելով աղետի հետևանքների վերացման աշխատանքներին։ Հաշվի առնելով իրավիճակի լրջությունը՝ համայնքի ղեկավարը աշխատանքային խմբով համակարգել է վնասների նախնական գնահատման, տուժածներին աջակցության և շտապ լուծումներ պահանջող խնդիրների կարգավորման գործընթացը։ Աշխատանքները շարունակվում են նաև այս պահին՝ նպատակ ունենալով հնարավորինս […] ...

Վաշինգտոնը կշարունակի պաշտպանական օգնություն ցուցաբերել Իսրայելին․ Թրամփ

10:25 16.06.2025

Վաշինգտոնը կշարունակի պաշտպանական օգնություն ցուցաբերել Իսրայելին․ Թրամփ

Իսրայելը և Իրանը, ամենայն հավանականությամբ, կհասնեն ռազմական գործողությունները դադարեցնելու համաձայնության, սակայն դա կարող է տեղի չունենալ անմիջապես: Այս կարծիքն է հայտնել ԱՄՆ նախագահ Դոնալդ Թրամփը հունիսի 15-ին: «Հուսով եմ՝ համաձայնագիր կլինի (Իսրայելի և Իրանի միջև)։ Կարծում եմ՝ դրա ժամանակն է», – ասել է նա՝ պատասխանելով լրագրողների հարցերին։ Նախագահը վստահեցրել է, որ Վաշինգտոնը կշարունակի պաշտպանական օգնություն […] ...

Հրդեհ բեռնատար ավտոմեքենայում

10:11 16.06.2025

Հրդեհ բեռնատար ավտոմեքենայում

Հունիսի 16-ին, ժամը 04:27-ին Սյունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Մեղրի-Քաջարան ավտոճանապարհի 48-րդ կմ-ին տեղի է ունեցել ՃՏՊ. բեռնատար ավտոմեքենան բախվել է ժայռին և բռնկվել։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։  Հրդեհը մեկուսացվել է ժամը 06:15-ին, մարվել՝ 07:05-ին: Այրվել է «Daf» մակնիշի բեռնատարը (բեռնված […] ...

Այրվել է ավտոմեքենա

10:00 16.06.2025

Այրվել է ավտոմեքենա

Հունիսի 15-ին, ժամը 21:28-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Եղվարդ-Երևան ավտոճանապարհին այրվում է ավտոմեքենա։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ հրդեհը բռնկվել է «Chevrolet» մակնիշի ավտոմեքենայում։ Հրդեհը մեկուսացվել է ժամը 22:04-ին, մարվել՝ 22:32-ին: Այրվել է ավտոմեքենան։ ...

Սպիտակ տուն. Թրամփը Զելենսկու հետ կհանդիպի Կանադայում կայանալիք G7 գագաթնաժողովի շրջանակներում

09:42 16.06.2025

Սպիտակ տուն. Թրամփը Զելենսկու հետ կհանդիպի Կանադայում կայանալիք G7 գագաթնաժողովի շրջանակներում

ԱՄՆ նախագահ Դոնալդ Թրամփը երկկողմ հանդիպումներ կունենա Վլադիմիր Զելենսկու, Մեքսիկայի նախագահ Կլաուդիա Շեյնբաումի և Կանադայի վարչապետ Մարկ Քարնիի հետ Կանադայում կայանալիք G7 գագաթնաժողովի շրջանակներում: Կիրակի օրը լրագրողներին հայտնել է Սպիտակ տան պաշտոնյան, նրա խոսքերը մեջբերել է Վաշինգտոնի վարչակազմի ղեկավարի մամուլի ծառայությունը: Թրամփը Կանադա է ժամանել ավելի վաղ։ G7 գագաթնաժողովը (Միացյալ Թագավորություն, Գերմանիա, Իտալիա, Կանադա, ԱՄՆ, […] ...

Նեթանյահուն պնդում է, թե Իրանը ցանկանում էր սպանել Թրամփին միջուկային ծրագրի պատճառով

09:25 16.06.2025

Նեթանյահուն պնդում է, թե Իրանը ցանկանում էր սպանել Թրամփին միջուկային ծրագրի պատճառով

Թեհրանը ԱՄՆ նախագահ Դոնալդ Թրամփին համարում է իր գլխավոր թշնամին և պլանավորել է սպանել նրան, քանի որ ամերիկացի առաջնորդը դեմ է Իրանի միջուկային ծրագրին: Այս հայտարարությունն արել է Իսրայելի վարչապետ Բենիամին Նեթանյահուն: «Իրանը փորձել է սպանել Թրամփին իրենց լիազորված ուժերի միջոցով։ Այո՛, նրանք ուզում են սպանել նրան։ Նա նրանց թիվ մեկ թշնամին է, նա վճռական […] ...

BACK_TO_TOP