19:33 02.08.2019
Այսօր՝ ժամը 14:00-ի սահմաններում, նախաբազկի և մատի այտուցով Գյումրու ինֆեկցիոն հակատուբերկուլյոզային հիվանդանոց է դիմել 17 տարեկան Արմեն Մուրադյանը: Բժիշկների հետազոտությամբ ու նախնական ախտորոշմամբ՝ տղայի մոտ հայտնաբերվել է սիբիրյան խոց հիվանդությունը:
Տղայի պատմելով՝ 3-4 օր առաջ իրենց սեփական տան բակում 2 ոչխար է մորթել և միայն այսօր է նկատել, որ ձախ ձեռքի միջնամատն այտուցված է: Սկզբում դիմել է պոլիկլինիկա, որտեղից էլ ուղարկել են ինֆեկցիոն հիվանդանոց:
«Բժիշկները ենթադրում են, որ վերքի կապույտ հեղուկով լցված բշտիկը սիբիրյան խոցի նախանշան է»,- նշել է ինֆեկցիոն հակատուբերկուլյոզային հիվանդանոցի տնօրենի ժամանակավոր պաշտոնակատար Կարինե Տոնոյանը: Բայց բժիշկների ախտորոշումը կհերքվի կամ կհաստատվի ավելի ուշ, երբ տղայի արյան հետազոտության պատասխանը լինի:
Արմեն Մուրադյանը, որ պապի հետ զբաղվում է ոչխարաբուծությամբ, նաև դրանց վաճառքով, պատմել է, որ հիվանդ ոչխարները իրենը չեն, այլ տեղից են բերել ու խնդրել, որ մորթի: Բայց երբ դրանք իջեցրել են մեքենայից, արդեն սատկած են եղել: Բերողն էլ ասել է, որ մորթեն՝ շներին տան:
Սննդամթերքի անվտանգության տեսչության պատասխանատուն միանշանակ չի հաստատում, որ տղայի մոտ սիբիրախտ է, քանի դեռ հիվանդ կենդանիներ չեն հայտնաբերել: Արմեն Մուրադյանի 30 ոչխարներն են հետազոտել, որոնց մոտ հիվանդության ախտանշաններ չեն եղել:
Ըստ տեսչության նախնական տվյալների՝ հիվանդ ոչխարները Գյումրի է բերել մարզի Սարակապ գյուղից ոմն Սոս, ու նախնական տվյալներով՝ ոչ թե 2, այլ 8 ոչխար է եղել: Հիմա տեսչությունը ճշտում է, թե որտեղից են բերվել ոչխարները ու արդյո՞ք տվյալ անձին պատկանող կենդանիների մեջ հիվանդ անասուններ չկան: Նշենք, որ սիբիրախտի դեմ մանր եղջերավոր անասունները պետպատվերով չեն պատվաստվում:
23:59 31.07.2025
Քանաքեռ-Զեյթուն վարչական շրջանի տարբեր հասցեներում բարեկարգվում են մայթերը, բակերն ու խաղահրապարակներըԵրևանը պետք է լինի մարդկանց համար հարմարավետ և հասանելի քաղաք: Այս մասին Ֆեյսբուքի իր էջում գրել է Երևանի քաղաքապետ Տիգրան Ավինյանը: «Քանաքեռ-Զեյթուն վարչական շրջանի տարբեր հասցեներում շինարարական աշխատանքներ են. բարեկարգվում են մայթերը, բակերն ու խաղահրապարակները՝ ստեղծելով անվտանգ ու խնամված տարածքներ բոլորի համար»,- գրել է նա: Մանրամասները՝ տեսանյութում: ...
23:53 31.07.2025
Հրդեհի ահազանգ Ջիվանու փողոցում (թարմացված)Հուլիսի 31-ին, ժամը 17:04-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Ջիվանու փողոցում գտնվող տներից մեկում հրդեհ է բռնկվել․ անհրաժեշտ է փրկարարների օգնությունը: Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, Հրդեհաշիջման և փրկարարական աշխատանքների կազմակերպման բաժնի և բժշկական ապահովման հերթապահ, Ճգնաժամային կառավարման ազգային կենտրոնի […] ...
23:48 31.07.2025
Բջնիում հրդեհ է բռնկվել «Mercedes»-ում․ վարորդն ու գյուղացիները մարել են կրակըՀուլիսի 31-ին, արտակարգ դեպք է տեղի ունեցել Կոտայքի մարզում։ Ժամը 19:30-ի սահմաններում Կոտայքի մարզի բնակիչ 40-ամյա Արմեն Ղ.-ն իր վարած «Mercedes» մակնիշի ավտոմեքենայով, Բջնի բնակավայրի վարչական տարածքում ընթանալիս, նկատել է, որ ավտոմեքենայի առջևի հատվածից կրակ է դուրս գալիս։ Ինչպես հայտնում է shamshyan.com-ը, վարորդը ճիշտ է կողմնորոշվում, կայանում է ավտոմեքենան, հասցնում է փաստաթղթերը դուրս հանել ավտոմեքենայից, […] ...
23:39 31.07.2025
Նախագահն այցելել է Իրան-Հայաստան բարձրավոլտ էլեկտրահաղորդման գծի ենթակայանՍյունիքի մարզ կատարած այցի շրջանակում Հանրապետության նախագահ Վահագն Խաչատուրյանն այցելել է Նորավան բնակավայրի մոտակայքում գտնվող Իրան-Հայաստան 400 կվ լարման էլեկտրահաղորդման օդային գծի ենթակայան։ Նախագահը տեղում դիտարկել է իրականացված աշխատանքներն ու հետաքրքրվել ենթակայանի շահագործման մոտավոր ժամկետների և աշխատանքների ընդհանուր ծավալի վերաբերյալ։ ...
23:32 31.07.2025
ՅՈՒՆԻՍԵՖ-ի հետ համատեղ ձեռնարկում ենք արդյունավետ քայլեր՝ ապահով թվային միջավայր ստեղծելու մեր երեխաների համար. ԲՏԱ նախարարԲՏԱ նախարար Մխիթար Հայրապետյանը Ֆեյսբուքի իր էջում գրել է, որ այսօր ընդունել է ՀՀ-ում ՅՈւՆԻՍԵՖ-ի ներկայացուցիչներին՝ Քրիսթինե Վայգանդի գլխավորությամբ: «Հանդիպման ընթացքում խոսել ենք առցանց միջավայրում անչափահասների անվտանգության և իրավունքների պաշտպանության ուղղությամբ տարվող աշխատանքների մասին, մասնավորապես, անդրադարձ է կատարվել երեխաների առցանց անվտանգության ճանապարհային քարտեզին։ Շնորհակալություն եմ հայտնել ՅՈւՆԻՍԵՖ-ին համագործակցության համար, որի հետ համատեղ ձեռնարկում ենք արդյունավետ […] ...
23:19 31.07.2025
Երկրաշարժ Մարտունի քաղաքից 6 կմ հյուսիս-արևմուտքՀուլիսի 31-ին, ժամը 22։26-ին (Գրինվիչի ժամանակով` ժամը 18։26-ին) ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.18⁰ և արևելյան երկայնության 45.25⁰ աշխարհագրական կոորդինատներով՝ Հայաստան՝ Գեղարքունիքի մարզի Մարտունի քաղաքից 6 կմ հյուսիս-արևմուտք, օջախի 10 կմ խորությամբ, 2․5 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 3 բալ: Երկրաշարժը զգացվել է Գեղարքունիքի […] ...
