19:04 12.08.2019
Սամվել Բաբայանի և 6 ամբաստանյալների գործով դատական նիստի ժամանակ այսօր դատավոր Գագիկ Պողոսյանը ճշտում էր ամբաստանյալների ինքնությունը՝ ծննդավայրը, ազգությունը, ընտանեկան կարգավիճակը, բնակության հասցեն: Բաբայանը նախ` հարցրեց, թե կոնկրետ որ հասցեն պետք է հայտնի դատարանին՝ Ստեփանակերտի՞, թե՞ Երևանի: Դատավորը պարզաբանեց՝ այնտեղ, որտեղ բնակվում է: Սամվել Բաբայանը չկարողացավ հիշել հասցեները: Պաշտպան Արամ Ղլեչյանն էլ սկսեց փնտրել փաստաթղթերում: Ի պատասխան դատավորի զարմացած հայացքի՝ ասաց.
«Պետք չէ զարմանալ, բազմազբաղ մարդիկ երբեմն չեն հիշում մանրուքները: Սամվել Բաբայանի համար հասցեն հիշելը մանրուք է»:
Պաշտպանը խոստացավ դատարանին քիչ ավելի ուշ տեղեկացնել Բաբայանի բնակության հասցեն:
Հիշեցնենք՝ առաջին ատյանի դատարանը Սամվել Բաբայանին մեղավոր էր ճանաչել մի խումբ անձանց կողմից ապօրինի կերպով զենք, ռազմամթերք ձեռք բերելու, պահելու, իրացնելու, հանցավոր ճանապարհով ստացված գույքն օրինականացնելու, նաև փողերի լվացման համար և դատապարտել էր 6 տարվա ազատազրկման։
Ըստ մեղադրական եզրակացության՝ Սամվել Բաբայանը դրդել էր մի խումբ անձանց նախնական համաձայնությամբ ապօրինի կերպով ռազմամթերք հանդիսացող «Իգլա» տեսակի դյուրակիր զենիթահրթիռային համալիր ձեռք բերելու: Վճռաբեկ դատարանը դատավճիռը բեկանել էր և գործն ուղարկել նոր քննության:
Այսօրվա նիստին պետական մեղադրող Արամ Արամյանը միջնորդեց երկու ամբաստանյալների՝ Սանասար Գաբրիելյանի և Արմեն Պողոսյանի պաշտպանության համար հանրային պաշտպան ներգրավել, ինչը դատարանը բավարարեց: Հաջորդ նիստը նշանակվեց հոկտեմբերի 21-ին:
Ի դեպ, դատավոր Գագիկ Պողոսյանը տեսանկարահանում թույլատրում է 10 րոպե, որից հետո թույլատրում է միայն ձայնագրել դատական նիստը:
23:59 16.05.2025
Մատենադարանին հարող ժայռոտ լանջերին քարաթափման կանխարգելիչ միջոցառումներն ավարտվել ենՄատենադարանին հարող ժայռոտ լանջերին քարաթափման կանխարգելիչ միջոցառումներն ավարտվել են: Այս մասին հայտնել են Երևանի քաղաքապետարանից: Ժայռոտ հատվածներում ցանցապատման մակերեսը կազմում է՝ շուրջ 1563 քմ: Աշխատանքներն իրականացվել են ընթացիկ տարվա ծրագրով: Մանրամասները՝ տեսանյութում: ...
23:56 16.05.2025
Իրավիճակը Հայաստանի ճանապարհներին և ԼարսումՓրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:53 16.05.2025
Շաբաթվա միջազգային անցուդարձի ամփոփումԱյս շաբաթ ուշադրությունն ուղղված էր դեպի Ստամբուլ՝ ռուս-ուկրաինական բանակցություններին։ Բանակցելու առաջարկը նախորդ շաբաթ արել էր ՌԴ նախագահ Վլադիմիր Պուտինը։ Մինչ այս երկու երկրների միջև բանակցություններ տեղի էին ունեցել 2022 թվականի մարտին, դարձյալ Թուրքիայում, բայց կողմերը հաջողության չէին հասել։ Ուկրաինայի նախագահ Վլադիմիր Զելենսկին այս օրերին բազմիցս ասել էր, որ անձամբ կգնա Ստամբուլ և կսպասի Պուտինին։ Ամերիկայի […] ...
23:46 16.05.2025
Երբևէ չհիմնանորոգված թիվ 22 մանկապարտեզում արդեն ստեղծվել են ավելի ապահով, հարմարավետ և ժամանակակից պայմաններԿառուցումից ի վեր երբևէ չհիմնանորոգված թիվ 22 մանկապարտեզում արդեն ստեղծվել են ավելի ապահով, հարմարավետ և ժամանակակից պայմաններ մեր փոքրիկների համար: Այս մասին Ֆեյսբուքի իր էջում հայտնել է Երևանի քաղաքապետ Տիգրան Ավինյանը: Մանրամասները՝ տեսանյութում: ...
23:41 16.05.2025
Ջերմոցային գազերի գլոբալ արտանետումներըՉնայած կլիմայական փոփոխությունների դեմ պայքարի բազմաթիվ խոստումներին, աշխարհում ջերմոցային գազերի արտանետումները շարունակել են աճել՝ 2023 թվականին հասնելով նոր ռեկորդային մակարդակի՝ 53 միլիարդ տոննա CO₂ համարժեք։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: Աշխարհում ջերմոցային գազերի ամենամեծ արտանետողը Չինաստանն է, որը արտանետում է գլոբալ ՋԳ արտանետումների 30 տոկոսը։ Հաջորդում են ԱՄՆ-ն ու Հնդկաստանը։ Այս […] ...
23:38 16.05.2025
«Դինամո» մարզադահլիճում կանցկացվի «Երևանի քաղաքապետի գավաթ 2025» ձյուդոյի միջազգային մրցաշարըԵրևանի քաղաքապետարանից տեղեկացրել են, որ մայիսի 25-26-ը Դինամո մարզադահլիճում կկայանա «Երևանի քաղաքապետի գավաթ 2025» ձյուդոյի միջազգային մրցաշարը։ Վայրը՝ «Դինամո» մարզադահլիճ, սկիզբը՝ ժամը 11:00: Մուտքն ազատ է: «Եկե՛ք աջակցենք մեր մարզիկներին և տեսնենք՝ ո՞վ կտանի գավաթն այս տարի»,- նշվում է քաղաքապետարանի Ֆեյսբուքի գրառման մեջ: ...
