23:52 24.08.2019
Կույրերի միավորման Գյումրիի ուսումնաարտադրական ձեռնարկության արտադրած ներկերը մոտ 1 ամսից մուտք կգործեն շուկա։ Հայաստանի բնական քարերի փոշուց ներկանյութ ստանալու գաղափարն ընկերությանը հաջողվեց արտադրության վերածել 1․5 տարի առաջ։ Տեսողական խնդիրներ ունեցող անձինք փորձնական արտադրանք են տալիս, գեղանկարչության մեջ կիրառվող ներկերի նոր որակներ են ստանում։
Հայաստանի լեռների ու ժայռերի քարերի փոշուց բնական ներկեր ստանալու տեխնոլոգիային տիրապետելու համար Կույրերի միավորման Գյումրիի ուսումնաարտադրական ձեռնարկությունում երկար տարիներ փորձարկումներ են կատարվել։ 2002 թվականից էին պատրաստ ներկանյութերի տեղական արտադրություն սկսել։ Բայց բիզնես-ծրագիրը չֆինանսավորելու պատճառով երկար տարիներ մնում էր ընդամենը լավ գաղափար։ Ձեռնարկության գործադիր տնօրեն Լևոն Ափոյանն ասում է, որ բանկը մերժել էր վարկ տալ հասարակական կազմակերպության կարգավիճակ ունեցող ընկերությանը։ Բայց 1․5 տարի առաջ նույն իրավաբանական կարգավիճակով հաջողվեց վարկ ստանալ:
Ներկերի արտադրության մեկնարկը եղավ 3․5 մլն դրամ վարկային միջոցներով: Թեև ֆինանսավորման այն չափը չէր, որով հնարավոր կլիներ բոլոր սարքավորումներն ու հումքը ձեռք բերել։ Խնդիրը հասավ նույնիսկ երկրի նախագահին, դիմումներ ուղղվեցին, որոնց պատասխանը չուշացավ, Արմեն Սարգսյանի այցը ընկերություն՝ նույնպես: Նախագահը նվիրատվություն կատարեց 6 մլն դրամի չափով, արտադրամասի գործարկման հաջող ընթացքի համար էլ պատին թողեց իր ստորագրությունը և իր ձեռքով արված նկարը:
Բնական ներկերի տեղական արտադրությունն 8 ամսում ընդլայնվել է, ընկերությունը համապատասխան սարքավորումներ է գնել, որոնք ներկերի կոմպոնենտները խառնելու ու նոր, որակյալ գույներ ստանալու համար են։ Ներկերի արտադրամասի վարպետ Սամվել Երանոսյանի խոսքերով՝ գույները հիմնականում ստանում են տարբեր գույնի քարերից։
Մանրացրած քարի փոշու հետ խառնում են կտավատի ձեթ, խխունջի մանրացրած հատիկներ, նաև անագ, ցինկ, սպիտակ ներկի համար էլ օգտագործվում է տիտան։ Ըստ տնօրենի՝ իրենց դեռ չի հաջողվել ապահովել անվանի ֆիրմաների ներկերի 100 տոկոսանոց որակ, բայց 80 տոկոսանոց արդյունք արդեն ունեն։ Քարի փոշու գույնից է կախված պատրաստվող ներկի գույնը։ Հնարավորություն կա ձեռնարկությունում ստանալ մինչև 26 գույն տեղական յուղաներկ։ Ընդ որում, տեղական ներկերը 2-3 անգամ ավելի էժան են, քան ներկրվածները։ Կույրերի միավորման Գյումրիի ձեռնարկության արտադրած ներկերի որակն արդեն գնահատել են Հայաստանի նկարիչների միության անդամները: Փորձել են իրենց գեղանկարներում օգտագործել ու դրական եզրակացություն են տվել: Արտադրամասի պատերի նկարները ևս տեղական արտադրության ներկանյութերով են նկարված: Մեկն էլ նախագահին են նվիրել: Հայաստանի քարերի փոշին մինչև հիմա հումք է նաև Սանկտ Պետերբուրգի ներկանյութերի գործարանի համար: Ընկերությունն առայժմ կենտրոնացած է ներկանյութերի արտադրության վրա, շինարարական ներկի թողարկման մասին կմտածեն հետո: Գեղանկարչական ներկանյութերի մուտքը շուկա նախատեսում են մեկ ամսից: Լավ վաճառք ապահովելու դեպքում ծրագրել են գումարներն ուղղել նոր սարքավորումների ու լաբորատոր հարմարանքների ձեռքբերմանը։
23:59 31.07.2025
Քանաքեռ-Զեյթուն վարչական շրջանի տարբեր հասցեներում բարեկարգվում են մայթերը, բակերն ու խաղահրապարակներըԵրևանը պետք է լինի մարդկանց համար հարմարավետ և հասանելի քաղաք: Այս մասին Ֆեյսբուքի իր էջում գրել է Երևանի քաղաքապետ Տիգրան Ավինյանը: «Քանաքեռ-Զեյթուն վարչական շրջանի տարբեր հասցեներում շինարարական աշխատանքներ են. բարեկարգվում են մայթերը, բակերն ու խաղահրապարակները՝ ստեղծելով անվտանգ ու խնամված տարածքներ բոլորի համար»,- գրել է նա: Մանրամասները՝ տեսանյութում: ...
23:53 31.07.2025
Հրդեհի ահազանգ Ջիվանու փողոցում (թարմացված)Հուլիսի 31-ին, ժամը 17:04-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Ջիվանու փողոցում գտնվող տներից մեկում հրդեհ է բռնկվել․ անհրաժեշտ է փրկարարների օգնությունը: Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, Հրդեհաշիջման և փրկարարական աշխատանքների կազմակերպման բաժնի և բժշկական ապահովման հերթապահ, Ճգնաժամային կառավարման ազգային կենտրոնի […] ...
23:48 31.07.2025
Բջնիում հրդեհ է բռնկվել «Mercedes»-ում․ վարորդն ու գյուղացիները մարել են կրակըՀուլիսի 31-ին, արտակարգ դեպք է տեղի ունեցել Կոտայքի մարզում։ Ժամը 19:30-ի սահմաններում Կոտայքի մարզի բնակիչ 40-ամյա Արմեն Ղ.-ն իր վարած «Mercedes» մակնիշի ավտոմեքենայով, Բջնի բնակավայրի վարչական տարածքում ընթանալիս, նկատել է, որ ավտոմեքենայի առջևի հատվածից կրակ է դուրս գալիս։ Ինչպես հայտնում է shamshyan.com-ը, վարորդը ճիշտ է կողմնորոշվում, կայանում է ավտոմեքենան, հասցնում է փաստաթղթերը դուրս հանել ավտոմեքենայից, […] ...
23:39 31.07.2025
Նախագահն այցելել է Իրան-Հայաստան բարձրավոլտ էլեկտրահաղորդման գծի ենթակայանՍյունիքի մարզ կատարած այցի շրջանակում Հանրապետության նախագահ Վահագն Խաչատուրյանն այցելել է Նորավան բնակավայրի մոտակայքում գտնվող Իրան-Հայաստան 400 կվ լարման էլեկտրահաղորդման օդային գծի ենթակայան։ Նախագահը տեղում դիտարկել է իրականացված աշխատանքներն ու հետաքրքրվել ենթակայանի շահագործման մոտավոր ժամկետների և աշխատանքների ընդհանուր ծավալի վերաբերյալ։ ...
23:32 31.07.2025
ՅՈՒՆԻՍԵՖ-ի հետ համատեղ ձեռնարկում ենք արդյունավետ քայլեր՝ ապահով թվային միջավայր ստեղծելու մեր երեխաների համար. ԲՏԱ նախարարԲՏԱ նախարար Մխիթար Հայրապետյանը Ֆեյսբուքի իր էջում գրել է, որ այսօր ընդունել է ՀՀ-ում ՅՈւՆԻՍԵՖ-ի ներկայացուցիչներին՝ Քրիսթինե Վայգանդի գլխավորությամբ: «Հանդիպման ընթացքում խոսել ենք առցանց միջավայրում անչափահասների անվտանգության և իրավունքների պաշտպանության ուղղությամբ տարվող աշխատանքների մասին, մասնավորապես, անդրադարձ է կատարվել երեխաների առցանց անվտանգության ճանապարհային քարտեզին։ Շնորհակալություն եմ հայտնել ՅՈւՆԻՍԵՖ-ին համագործակցության համար, որի հետ համատեղ ձեռնարկում ենք արդյունավետ […] ...
23:19 31.07.2025
Երկրաշարժ Մարտունի քաղաքից 6 կմ հյուսիս-արևմուտքՀուլիսի 31-ին, ժամը 22։26-ին (Գրինվիչի ժամանակով` ժամը 18։26-ին) ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.18⁰ և արևելյան երկայնության 45.25⁰ աշխարհագրական կոորդինատներով՝ Հայաստան՝ Գեղարքունիքի մարզի Մարտունի քաղաքից 6 կմ հյուսիս-արևմուտք, օջախի 10 կմ խորությամբ, 2․5 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 3 բալ: Երկրաշարժը զգացվել է Գեղարքունիքի […] ...
