18:45 30.08.2019
Տարբեր երկրներում Հայաստանի դիվանագիտական ներկայացուցչությունների ղեկավարներն այսօր Գյումրիում էին։ Նրանց հետ էին ՀՀ արտաքին գործերի, տարածքային կառավարման և ենթակառուցվածքների նախարարները, ինչպես նաև մարզպետները, որոնք քննարկել են այն ներդրումային ծրագրերը, որոնք ներկայացվել են մարզային համաժողովների ընթացքում։
Նման ձևաչափով քննարկում առաջին անգամ է անցկացվում։ Դեսպաններին մանրամասն ներկայացվում են տնտեսության տարբեր ոլորտներում ունեցած խնդիրները և դրանք լուծելու համար առաջարկվող ներդրումային ծրագրերը, որտեղ ակնկալվում է օտարազգի կամ արտերկրում ապրող հայ գործարարների համագործակցությունը։ Իսկ դիվանագիտական ներկայացուցչություններն այս հարցում կարող են միջնորդի դեր կատարել։
«Դիվանագիտական կորպուսը մասնավոր սեկտոր չէ, բայց դիվանագիտական կորպուսն ունի ներուժ` օգտագործելու միջպետական հնարավորությունը և հարթակները, որտեղ անմիջապես դերակատարները կարող են միմյանց ավելի մոտենալ և համագործակցություն ստեղծել։ Հաջորդ տարի մտադիր ենք մեր դիվանագիտական հավաքները տարեկան դարձնել։ Գիտեք, որ արտաքին ծառայությունն աշխատում է բազմաթիվ ուղղություններով` անվտանգությունից սկսած, մեր գերակա խնդրից՝ Լեռնային Ղարաբաղի խաղաղ կարգավորման հարցից սկսած, վերջացրած մարդկային շփումներով, մշակութային, կրթական բոլոր ուղղություններով»,- ասել է ՀՀ արտաքին գործերի նախարար Զոհրաբ Մնացականյանը։
Զոհրաբ Մնացականյանը լրագրողների հետ զրույցում նշել է, որ Հայաստանի տնտեսությունում ներդրումներ կատարելու հետաքրքրություն ցուցաբերում են Չինաստանը, Հնդկաստանը և Ռուսաստանը։ Իսկ մեր երկիրն այդ ներդրումներն ընդունելու համար պետք է ապահովի համապատասխան ենթակառուցվածքները։
Տարածքային կառավարման և ենթակառուցվածքների նախարար Սուրեն Պապիկյանը նշել է, որ նման ֆորմատով քննարկում անկախ Հայաստանի պատմության մեջ առաջին անգամ է անցկացվում։
«Չենք ունեցել նախկինում այս կապը։ Դիվանագետները բիզնեսով զբաղվելու խնդիր չունեն, դիվանագետները պետք է ապահովեն այդ կապը։ Մենք այդ կապն ենք փնտրում, ու հիմա կարծում եմ` այդ կապերը պետք է ամրապնդենք»,- ասել է Սուրեն Պապիկյանը։
Իսկ թե ինչպիսին կլինի դեսպանների հետ քննարկումների արդյունքը, պարզ կլինի մեկ շաբաթից։
00:00 07.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:59 06.05.2025
Ասթմայի և օդի աղտոտվածության փոխադարձ կապի մասինԱմեն տարի՝ մայիսի առաջին երեքշաբթին (այս տարի՝ մայիսի 6-ին), համաշխարհային օրացույցում Ասթմայի միջազգային օրն է։ Ասթմայի համաշխարհային օրը մեզ հիշեցնում է, որ օդի աղտոտվածության և ասթմայի միջև կապը փոխադարձ է։ Օդի աղտոտվածությունը նպաստում է ասթմայի զարգացմանը, հատկապես երեխաների մոտ։ Իսկ նրանց համար, ովքեր արդեն ապրում են ասթմայով, վատ օդի որակը խորացնում է ախտանիշերը և սահմանափակում […] ...
23:57 06.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:51 06.05.2025
Տեղի է ունեցել «Քաղաքացիական պայմանագիր» կուսակցության Վարչության նիստՄայիսի 6-ին տեղի է ունեցել «Քաղաքացիական պայմանագիր» կուսակցության Վարչության նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։ Վանաձորի Տարածքային կազմակերպության խորհրդի նախագահի պաշտոնում հաստատվել է Արամ Ղազարյանի թեկնածությունը։ Քննարկվել են Երևան և Վաղարշապատ համայնքների ավագանիների «Քաղաքացիական պայմանագիր» խմբակցությունների աշխատանքին առնչվող, ինչպես նաև այլ կուսակցական հարցեր։ ...
23:49 06.05.2025
Ուրախ եմ, որ ձեր օրակարգում Շիրակը պակաս առանցքային տեղ չունի․ մարզպետը՝ ԵՄ դեսպանինԱմեն տարի մայիսին Եվրոպան նշում է Եվրոպայի օրը։ Խաղաղություն ու միասնություն խորհրդանշող տոնական միջոցառումների մեկնարկն այսօր տրվել է Գյումրուց։ Միջոցառմանը ներկա է գտնվել Շիրակի մարզպետ Դավիթ Առուշանյանը կնոջ հետ։ Այս մասին հայտնել են Շիրակի մարզպետի աշխատակազմից: Ողջունելով միջոցառման մասնակիցներին՝ Շիրակի մարզպետը կարևորել է նմանօրինակ միջոցառումների անցկացումը՝ ընդգծելով դիվանագիտական ճակատում կանգնած մարդկանց աշխատանքի կարևորությունն ու դրական, […] ...
23:44 06.05.2025
ԲՏԱ նախարարն այցելել է Իջևան՝ տեղում ծանոթանալու տեխնոլոգիական առաջընթացին ու զարգացման հնարավորություններինՀՀ ԲՏԱ նախարար Մխիթար Հայրապետյանը Ֆեյսբուքի իր էջում տեղեկացրել է, որ այսօր ԱՏՁՄ հրավերով այցելել է Իջևան՝ տեղում ծանոթանալու տեխնոլոգիական առաջընթացին ու զարգացման հնարավորություններին։ ««ԻննոԻջևան»-ի «Իրական դպրոցում» ծանոթացա, թե ինչպես է կրթական ծրագիրը կապում դպրոցական ուսուցումը գործնական հմտություններին՝ ձևավորելով ոլորտի պահանջներին համապատասխան երիտասարդ մասնագետներ։ Կարևոր կանգառ էր նաև Իջևանի թիվ 1 դպրոցի «Արմաթ» աշխատանոցը, որտեղ […] ...
