14:02 11.09.2019
ՊՊԾ գնդի գրավման գործով այսօր դատարանը սկսեց ամբաստանյալների հարցաքննությունը: Ներկայացել էին քրեական գործից անջատված մասով ամբաստանյալներ Արմեն Լամբարյանը և Խաչատուր Գիչյանը:
Լամբարյանը հրաժարվեց ցուցմունք տալ և հարցերին պատասխանել, թեև նրան հարցեր ուղղեցին ոչ միայն պետական մեղադրողն ու դատավորը, այլև ամբաստանյալ Պավել Մանուկյանը: Հարցերն ուղղվում էին հիմնականում գնդի գրավման ժամանակ հրազենային վիրավորում ստացած ոստիկան Գագիկ Մկրտչյանի մասին, որը, հիշեցնենք՝ մի քանի օր անց մահացավ հիվանդանոցում: Լամբարյանի միակ պատասխանը բոլոր հարցերին այն էր, որ Արմեն Բիլյանը (մեղադրվում է Գագիկ Մկրտչյանի սպանության համար-խմբ․») «այնտեղ չի եղել»:
Ահա, թե ինչ հարցեր ուղղեց Պավել Մանուկյանն ամբաստանյալ Լամբարյանին:
– Արմեն Լամբարյան, դու քեզ «Սասնա ծուռ» համարո՞ւմ ես:
– Իսկ դո՞ւ,- պատասխանեց Լամբարյանը:
– Բիլյան Արմենը էնտեղ ներկա եղե՞լ է:
– Ո´չ:
– Կրակոցի վայրում` ՊՊԾ գնում,- կոնկրետացրեց դատավոր Մեսրոպ Մակյանը,- տեղյա՞կ եք` ինչ կրակոցի մասին է խոսքը:
– Ո´չ,- պատասխանեց Լամբարյանը:
– Ինքը լավ հիշում ա, ու էստեղ մինչև դատը սկսվելը դուք արդեն որոշել էիք, որ ոչ մի հարցի չեք պատասխանի,- նկատեց զոհված ոստիկանի այրին՝ Հասմիկ Ոսկանյանը:
Պավել Մանուկյանի շահերի պաշտպան Զարուհի Փոստանջյանը ևս ճշտեց՝ Բիլյանն այնտեղ եղե՞լ է կրակոցի ժամանակ: Լամբարյանը կրկին բացասական պատասխան տվեց:
Մյուս ամբաստանյալը՝ Խաչատուր Գիչյանը, ևս հրաժարվեց ցուցմունք տալ:
– Ես ի՞նչ գիտեմ՝ էս թարաֆից ի՞նչ են ասել կամ էն թարաֆից ի՞նչ են ասել,- ասաց ամբաստանյալը:
-Դուք ասեք այն, ինչ գիտեք,- նկատեց դատավոր Մեսրոպ Մակյանը:
Մեղադրողը միջնորդեց հրապարակել Գիչյանի նախաքննական ցուցմունքները, սակայն այն ժամանակ, երբ ներկա կլինի նրա շահերի պաշտպանը:
Հիշեցնենք՝ Խաչատուր Գիչյանը, ըստ մեղադրանքի, ՊՊԾ գնդի գրավման համար տրամադրել և վարել է իր «ԿրԱԶ» մակնիշի բեռնատարը:
Նիստը հետաձգվեց երկու շաբաթով:
21:34 30.06.2025
Ինչո՞ւ Մարուքյանը առաջարկեց Աջապահյանի, այլ ոչ թե Բագրատ Գալստանյանի թեկնածությունը«Լուսավոր Հայաստան» կուսակցության նախագահ Էդմոն Մարուքյանն առաջարկում է վարչապետին իմպիչմենտ հայտնել և իր փոխարեն վարչապետի թեկնածու ներկայացնել Միքայել արքեպիսկոպոս Աջապահյանին: Հիշեցնենք, Շիրակի թեմի առաջնորդը կալանավորվեց ռազմական հեղաշրջում իրականացնելու կոչեր հնչեցնելու մեղադրանքով: Թեմային «Հեռանկար»-ի տաղավարում անդրադարձել է Էդմոն Մարուքյանը: ...
21:29 30.06.2025
Արզական-Բջնի ավտոճանապարհին վթար է տեղի ունեցել, 6 մարդ տեղափոխվել է հիվանդանԿոտայքի մարզային փրկարարական վարչության ճգնաժամային կառավարման կենտրոն հունիսի 30-ին ժամը 13:48-ին ահազանգ է ստացվել, որ Արզական-Բջնի ավտոճանապարհին տեղի է ունեցել ՃՏՊ, կան տուժածներ: Ըստ Փրկարար ծառայության տարածած հաղորդագրության, դեպքի վայր մեկնած փրկարարները պարզել են, որ Արզական-Բջնի ավտոճանապարհի 2-րդ կմ-ի մոտակայքում բախվել է երկու «Opel» մակնիշի ավտոմեքենա:Մինչ փրկարարների կանչի վայր հասնելը՝ վարորդները և չորս ուղևոր հոսպիտալացվել […] ...
21:22 30.06.2025
Հայաստանի և Ֆրանսիայի նախագահները զրուցել են տարածաշրջանային զարգացումների շուրջՄԱԿ-ի Զարգացման ֆինանսավորման չորրորդ միջազգային համաժողովի շրջանակում Հանրապետության նախագահ Վահագն Խաչատուրյանը զրույց է ունեցել Ֆրանսիայի նախագահ Էմանուել Մակրոնի հետ։ Նախագահներն անդրադարձել են տարածաշրջանային ընդհանուր իրավիճակին և զարգացումներին։ Մտքեր են փոխանակվել երկկողմ համագործակցության օրակարգային հարցերի շուրջ։ ...
21:13 30.06.2025
Կանադան վերսկսում է առևտրային բանակցությունները ԱՄՆ-ի հետԿանադան և Միացյալ Նահանգները վերսկսում են առևտրային բանակցությունները, կողմերին հաջողվում է ժամանակավորապես լուծել իրենց տարաձայնությունները։ Նախկինում Կանադան, ի պատասխան Թրամփի 25% մաքսատուրքերի, նախատեսում էր թվային ծառայությունների հարկ սահմանել ամերիկյան ընկերությունների վրա. ծրագիրը նախատեսում էր Amazon-ի, Google-ի և Meta-ի նման ընկերությունների կանադական շահույթի 3%-ը գանձել։ Հարկերը կկիրառվեին հետադարձ ուժով, այնպես որ ընկերությունները ստիպված կլինեին անմիջապես վճարել […] ...
21:06 30.06.2025
ՀՀ ժողովրդավարական արժեքները պետք է պաշտպանվեն՝ հիբրիդային սպառնալիքների և երկրի ներքին գործերին միջամտելու փորձերի պայմաններում. Կալասը՝ ՓաշինյանինՎարչապետ Նիկոլ Փաշինյանն ընդունել է Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասին:Ինչպես «Արմենպրես»-ին տեղեկացրին ՀՀ վարչապետի աշխատակազմից, hանդիպման ընթացքում քննարկվել են Հայաստան-Եվրոպական միություն հարաբերությունների օրակարգին, ժողովրդավարական ինստիտուտների ամրապնդմանը, իրավունքի գերակայության և կառավարման բարեփոխումների ուղղությամբ համագործակցության խորացման հնարավորություններին վերաբերող հարցեր:Վարչապետ Փաշինյանը շնորհակալություն է հայտնել ԵՄ-ին՝ Հայաստանին ցուցաբերվող շարունակական աջակցության համար և […] ...
