12:00 02.10.2019
«Ինձ համար վրդովեցնող էր այս երևույթը, որ ավելի քան 11 տարի ես կռիվ եմ տվել հանցավորության ու հանցագործության դեմ, ու էդ հանցավոր իշխանության սիմվոլներն էսօր ազատության մեջ թրև են գալիս, բայց մարդը, որ իր ողջ գիտակցական կյանքում կռիվ է տվել էդ մարդկանց դեմ, այսօր այս իրավիճակում է հայտնվել», – հոկտեմբերի 2-ին կայացած ասուլիսի ժամանակ ասաց Պետական վերահսկողական ծառայության՝ լիազորությունները դադարեցրած պետ Դավիթ Սանասարյանը:
Նա նաև նշեց, որ ինքն ինչ-որ տեղ նաև ուրախ է, որ գործը հասել է դատարան, քանի որ այս կերպ հնարավոր կլինի նաև ապացուցել իր անմեղությունը, ու չի ստեղծվի տպավորություն, որ կոռուպցիոների գործը կոծկվեց:
«Ես կնախընտրեի այս հարթակն օգտագործել իրական կոռուպցիոներներից խոսելու համար, թե ինչ չափի վնասներ են տվել։ Բայց ստացվեց այնպես, որ նոր Հայաստանում որոշ տեղերից կազմակերպվեց նման շինծու մեղադրանքով քրեական գործ, որը աղերս չունի իրավական ու օրինական լինելու հետ», – ասաց Դավիթ Սանասարյանը:
Դավիթ Սանասարյանը կրկին նշեց, որ ամիսներ շարունակ երկրի վարչապետին զեկուցվում էր իր մասին սխալ տեղեկություն: Հարցին, թե ո՞վ էր զեկուցողը, Սանասարյանն անուն չտվեց, միայն ասաց, որ թոշակի գնացած մի պաշտոնյա:
«Փորձ էր արվում վարչապետի և իմ միջև սեպ խրել, ես չգնացի այդ զգացմունքային ճանապարհով: Ինձ համար վրդովեցնող էր այս երևույթը, որ ավելի քան 11 տարի ես կռիվ տվեցի հանցավորության ու հանցագործության դեմ, ու էդ հանցավոր իշխանության սիմվոլներն էսօր ազատության մեջ թրև են գալիս, բայց մարդը, որ իր ողջ գիտակցական կյանքում կռիվ է տվել էդ մարդկանց դեմ, այսօր այստեղ է: Մի կողմից էլ ուրախացա, որովհետև ասելու էին կոծկեցին կոռուպցիոների գործը, իսկ հիմա բաց դատական պրոցես կլինի, մենք այս երկու օրը կներկայացնենք, թե ինչ գործի մասին է խոսքը և հույս ունեմ, որ Քննչական կոմիտեում քննվող հեմոդիալիզի պարագաների գնման վերաբերյալ ծառայության կողմից տրված տեղեկանքի արդյունքում իրավական ընթացքը կհասնի իր տրամաբանական ավարտին, ու բոլորը կտեսնեն, թե ինչ էր ուզում Վերահսկողական ծառայությունն իր ղեկավարի հետ միասին, և ուր տարան էս գործը, որ ընդհանրապես կապ չուներ բուն թեմայի հետ», – ընդգծեց Սանասարյանը:
Նրա շահերի պաշտպան Ինեսսա Պետրոսյանն էլ նշեց, որ ի սկզբանե երևում էր, որ ուղղորդված քննություն պետք է լինի Սանասարյանի նկատմամբ:
12:43 12.07.2025
Էրեբունու համայնքային ոստիկանները Ջրաշեն-Ջրվեժ ճանապարհին մեծ քանակությամբ զենք-զինամթերք են հայտնաբերելԲնակչության շրջանում տարվող բացատրական աշխատանքի արդյունքում քաղաքացիները պարբերաբար ապօրինի պահվող զենք-զինամթերք են հանձնում ոստիկանություն: Համայնքային ոստիկանության Էրեբունու բաժնի ծառայողների բացատրական աշխատանքի արդյունքում հուլիսի 8-ին ոստիկանություն զանգահարած քաղաքացին հայտնել է, որ Արցախյան առաջին պատերազմի մասնակից է և հետը բերած զենք-զինամթերքը թողել է Ջրաշեն տանող ճանապարհին՝ ցուցանակի տակ։ Նախաձեռնվել է քրեական վարույթ, որի շրջանակում կատարված զննությամբ Ջրաշեն-Ջրվեժ […] ...
12:30 12.07.2025
«Զվարթնոց»-ի համայնքային ոստիկանները ձերբակալել են Ղրղզստանի իրավապահների կողմից հետախուզվողի, խափանման միջոցը՝ կալանքՀուլիսի 9-ին` ժամը 10.20-ին, չվերթի ժամանումից հետո, Համայնքային ոստիկանության «Զվարթնոց» օդանավակայանի բաժնի ծառայողները ձերբակալել են 20-ամյա օտարերկրյա քաղաքացու: Անցած տարվա օգոստոսից նա հետախուզվում էր Ղրղզստանի Հանրապետության իրավապահ մարմինների կողմից` թմրամիջոցների տարածման մեղադրանքով, խափանման միջոցը՝ կալանք։ Նրա հայտնաբերման մասին տեղեկացվել է Հայաստանում Ինտերպոլի ազգային կենտրոնական բյուրոն։ ...
12:25 12.07.2025
Ռուսական անօդաչու թռչող սարքը Լվովում հարվածել է բնակելի շենքին․ քաղաքապետԼվովը հուլիսի 12-ի գիշերը ենթարկվել է զանգվածային անօդաչու թռչող սարքերի հարձակման: Գրանցվել են հրդեհներ և ավերածություններ: Այս մասին հաղորդում է RBC-Ukraine- ն ՝ հղում անելով Լվովի քաղաքապետ Անդրեյ Սադովիին և Լվովի մարզային պետական վարչակազմի նախագահ Մաքսիմ Կոզիցկիին։ Այսօր՝ հուլիսի 12-ին, Լվովի Մետրոպոլիտեն Անդրեյ փողոցում ռուսական կամիկաձե անօդաչու թռչող սարքը հարվածել է երկհարկանի բնակելի շենքին։ Հարձակման […] ...
12:21 12.07.2025
Լաթաքիայում մոլեգնող հրդեհը հասել է հայաբնակ Քեսապի առաջին գյուղինՍիրիայի Լաթաքիա շրջանի գյուղերում բռնկված հրդեհը հասել է Դյուզաղաջ՝ հայաբնակ Քեսապի առաջին գյուղը: Ինչպես հաղորդում է Սիրիայում «Լուրեր»-ի թղթակից Զարմիկ Պողիկյանը, տղամարդիկ երկու օր է, ինչ նախապատրաստական աշխատանքներ են տանում՝ հրդեհի տարածումը թույլ չտալու համար: Այս պահի դրությամբ մարդկային և նյութական կորուստներ չկան: Ուժգին հրդեհը տարածվում է արագորեն, ինչին նպաստում են ուժեղ քամին ու դժվարամատչելի տեղանքը՝ […] ...
12:10 12.07.2025
Տարադրամի փոխարժեքները հուլիսի 12-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 383 դրամ, վաճառքի նվազագույն արժեքը՝ 386 դրամ: Եվրոյի առքի առավելագույն արժեքն է 445 դրամ, վաճառքի նվազագույն արժեքը՝ 452 դրամ: Ռուսական ռուբլու առքի առավելագույն արժեքն է 4․87 դրամ, վաճառքի նվազագույն արժեքը՝ 4.95 դրամ: ...
