18:04 12.10.2019
Հայաստանում առաջին անգամ անցկացվում է մենթալ թվաբանության միջազգային օլիմպիադա: 4-14 տարեկան ավելի քան 500 երեխա, որոնցից 120-ը` Ռուսաստանից ու Ղազախստանից, մասնակցելում էին IQ կենտրոնի կազմակերպած և Հայաստանում առաջին անգամ անցկացվող մենթալ թվաբանության միջազգային օլիմպիադային:
Օլիմպիադային մասնակցող ու մենթալ թվաբանություն սովորող երեխաների հետ հաշվարկի մրցույթում շատ մեծահասակներ անհարմար դրության մեջ կհայտնվեին: Գումարում են, բազմապատկում, արմատով գործողություն անում հաշվիչից էլ արագ: Սկզբում հաշվել սովորում են աբակով, հետո սկսում են առանց գործիքի` միայն մտքի ուժն օգտագործելով բարդ հաշվարկներ անելով:
Միջոցառման բացման արարողությանը մասնակցել է նաև ՀՀ նախագահի կինը՝ Նունե Սարգսյանը: Նունե Սարգսյանը ողջույնի խոսքում շեշտեց՝ համակարգիչները հեշտացնում են կյանքը, բայց կարևոր է օգտագործել ուղեղը, ինտելեկտը թվերի հետ պայքարում:
«Իմ 2 տարեկան թոռնիկը, երբ 1 տարեկան էր, նրան գիրք տվեցի, նա սկսեց փորձել գրքի նկարները մեծացնել, որովհետև գրքից առաջ iPad-ն առաջին գործիքն էր, որը նա տեսավ: Հիմա դա է սերունդը, նրանք գիտեն ինչպես շարժել մատները, ինչպես սեղմել կոճակները: Մենք՝ բոլորս, հասկանում ենք, որ դա թերացնում է ուղեղի աշխատանքը: Մենթալ թվաբանությունը, ճիշտ հակառակը, աշխատեցնում է ուղեղը»,- ասաց Սարգսյանը:
Պատմեց, որ իր թոռնիկն էլ է այցելել IQ կենտրոն: Արդյունքը սեփական փորձով գիտեն:
«Պարապմունքներից հետո, նայելով նրա աչքերի կայծերին, ես հասկանում էի, որ շատ սիրում էր դպրոցը, անհամբեր սպասում էր, թե երբ է հաջորդ պարապմունքը»,- ասաց նա:
Ապացուցված է՝ մենթալ թվաբանությունը հավասարապես զարգացնում է ուղեղի 2 կիսագնդերը, օգնում արագ մտածել ու արագ կողմնորոշվել:
«21-րդ դարի խնդիրը երեխաների մոտ հիշողության պակասն է և չկենտրոնանալը: Մենթալ թվաբանության շնորհիվ փորձում ենք շտկել դա: Բավականին մեծ հաջողություններ ունենք ոչ միայն մաթեմատիկական առարկաների մեջ, այլ ընդհանրապես կենցաղում»,- ասաց IQ կենտրոնի հիմնադիր-տնօրեն Յուլյա Գասպարյանը:
Օլիմպիադայի մասնակիցներն անցան 2 փուլով: Ավարտին լավագույն 6 սաներին անակնկալ էր սպասվում:
«Երեխաներն ունենալու ենք 2 փուլ, 2 տեսակի հաշվարկ է լինելու՝ հաշվարկ մենթալ և աբակով: Վերջում բոլոր բալերը հաշվարկվելու են, և մեր լավագույն սաները անակնկալ են ունենալու: Նոյեմբերի 1-4-ը IQ կենտրոնի սաները մեկնելու են Սոչի՝ մասնակցելու 2 միջազգային մրցույթի: Մեր գլխավոր մրցանակները հենց այդ ուղևորություններն են: Թվով 6 երեխայի մենք հովանավորելու ենք և միասին՝ 16 հոգանոց խմբով, գնալու ենք Սոչի՝ մրցանակներ բերելու Հայաստան: Սա առաջին անգամը չէ, որ Հայաստանը բավական շատ մրցանակներով վերադառնում է»,- ասաց Գասպարյանը:
Այս օրերին կենտրոն կայցելի մենթալ թվաբանության հեղինակավոր մասնագետներից մեկը, նա կանցկացնի միջազգային չափորոշիչներին համապատասխան վերապատրաստում:
23:59 06.07.2025
BRICS-ի առաջնորդները կոչ են արել Իսրայելին դուրս բերել զորքերը ՍիրիայիցՌիո դե Ժանեյրոյում կայացած գագաթնաժողովից հետո ընդունված հայտարարության մեջ BRICS պետությունների ղեկավարները վերահաստատեցին իրենց հավատարմությունը Սիրիայի անկախությանը, ինքնիշխանությանը և տարածքային ամբողջականությանը և կոչ արեցին Իսրայելին դուրս բերել իր զորքերը երկրից։ «Մենք վերահաստատում ենք մեր հավատարմությունը Սիրիայի ինքնիշխանությանը, անկախությանը, միասնությանը և տարածքային ամբողջականությանը»,-ասվում է հռչակագրում։ Տեքստում նաև կոչ է արվում Իսրայելին անհապաղ դուրս բերել իր զորքերը […] ...
23:40 06.07.2025
Եգիպտոսի վարչապետը կոչ է արել BRICS-ին առաջընթաց գրանցել ազգային արժույթներով հաշվարկների հարցումBRICS երկրները պետք է առաջընթաց գրանցեն ազգային արժույթներով հաշվարկների հարցում, հայտարարել է Եգիպտոսի վարչապետ Մոստաֆա Մադբուլին։ ԲՐԻԿՍ-ի տասնյոթերորդ գագաթնաժողովը տեղի է ունենում Ռիո դե Ժանեյրոյում հուլիսի 6-7-ը։ Բրազիլիա մեկնած ռուսական պատվիրակությունը գլխավորում էր Ռուսաստանի արտաքին գործերի նախարար Սերգեյ Լավրովը։ «Մենք պետք է առաջընթաց գրանցենք ազգային արժույթներով ֆինանսական հաշվարկներում՝ համապատասխան BRICS-ի միջսահմանային հաշվարկների նախաձեռնությանը, և ավելացնենք […] ...
23:18 06.07.2025
Բրազիլիայի նախագահը կոչ է արել ընդլայնել ՄԱԿ-ի Անվտանգության խորհուրդըԲրազիլիայի նախագահ Լուիս Ինասիո Լուլա դա Սիլվան կոչ է արել ընդլայնել ՄԱԿ-ի Անվտանգության խորհուրդը՝ որպես մշտական անդամներ ներառելով ասիական, աֆրիկյան և լատինաամերիկյան պետություններին։ «Մեր առջև ծառացած վստահության ճգնաժամը հաղթահարելու համար մենք պետք է խորապես փոխենք ՄԱԿ-ի Անվտանգության խորհուրդը։ Այն դարձնենք ավելի լեգիտիմ, ներկայացուցչական, արդյունավետ և ժողովրդավարական։ Ներառենք նոր մշտական անդամներ Ասիայից, Աֆրիկայից, Լատինական Ամերիկայից և […] ...
23:00 06.07.2025
Ըմբշամարտիկ Սարգիս Բեգոյանը՝ Եվրոպայի չեմպիոնԻտալիայում ընթացող մինչև 20 տարեկանների ազատ ոճի ըմբշամարտի Եվրոպայի առաջնությունում Հայաստանի ներկայացուցիչ Սարգիս Բեգոյանը (61 կգ) նվաճեց ոսկե մեդալ։ Եզրափակիչ գոտեմարտում Բեգոյանը մրցեց Ռուսաստանի ներկայացուցչի՝ Ադլան Սայտիևի հետ։ Այս մասին տեղեկացնում է Հայաստանի ըմբշամարտի ֆեդերացիան: ...
22:40 06.07.2025
Անցած աշխատանքային շաբաթը Շրջակա միջավայրի նախարարության ենթակա կառույցներումՀՀ Շրջակա միջավայրի նախարարությունը ամփոփել է անցած աշխատանքային շաբաթը նախարարության ենթակա կառույցներում․ «Անցած աշխատանքային շաբաթը Շրջակա միջավայրի նախարարության ենթակա կառույցներում ՀՀ ՇՄՆ էկոպարեկային ծառայությունում Ծառայության պետ Վլադիմիր Կիրակոսյանի գլխավորած աշխատանքային խումբը մասնակցել է Սյունիքի մարզային վարչության Կապանի տեղամասում տեսուչների երդմնակալության հանդիսավոր արարողությանը: Աշխատանքային այցով եղել են Սյունիքի մարզպետարանում. կողմերը վերահաստատել են համագործակցության իրենց հանձնառությունը։ Կիրակոսյանը […] ...
22:20 06.07.2025
Պուտին. Լիբերալ գլոբալիզացիան սպառել է իր օգտակարությունը, մինչդեռ BRICS-ը աճ է ցույց տալիսԱրևմուտքի կողմից ձևավորված գլոբալիզացիայի լիբերալ մոդելը սպառել է իր օգտակարությունը, և գործարար գործունեության տեղափոխումը զարգացող երկրներ խթանում է հզոր տնտեսական աճ, այդ թվում՝ BRICS-ում: Սա նշել է Ռուսաստանի նախագահ Վլադիմիր Պուտինը՝ ասոցիացիայի գագաթնաժողովում տեսակապի միջոցով ելույթ ունենալով: «Գլոբալ տնտեսական կարգի փոփոխությունը շարունակում է թափ հավաքել։ Ամեն ինչ ցույց է տալիս, որ լիբերալ գլոբալացման մոդելը հնանում […] ...
