20:33 19.10.2019
Երկու օր առաջ վաղ առավոտյան Զանգեզուրի պղնձամոլիբդենային կոմբինատի Արծվանիկի պոչամբարի մետաղյա խողովակաշարը վթարվել էր, հոսքաջրերը լցվել էին Ողջի գետ։ Գետը դարձել էր դարչնագույն և վթարի վերացումից ժամեր անց էլ դեռ պղտոր էր: Ինչ է կատարվել, ինչու, ով է պատասխանատու և ինչպես է հաշարկվելու բնությանը հասցված վնասը՝ աշխարհագրագետ Լևոն Գալստյանն ասում է, որ մոտ 10 տարի է՝ բնապահպաններն ահազանգում են՝ Կապանի պղնձամոլիբդենային կոմբինատի թափոնները լցվում են Արծվանիկի ջրամբար, նստում են ջրամբարի հատակին, ջուրը հոսում է դեպի Նորաշենիկ գետ, այնտեղից էլ Ողջի:
Հասկանալի է՝ անգամ թափոնների մեխանիկական նստեցումից հետո ջուրը մաքրված համարել չի կարելի: Հերթական ահազանգը ստացվեց երկու օր առաջ. գետի ջուրը աղտոտվել էր, դարձել դարչնագույն: Կառավարության նիստին արտակարգ իրավիճակների նախարար Ֆելիքս Ցոլակյանն ասաց, որ տնտեսվարողը գաղտնի է պահել վթարը, սեփական ուժերով «սվարկա է» արել:
Հիշեցնենք՝ վթարը տեղի է ունեցել վաղ առավոտյան՝ ժամը 5-ի սահմաններում: Սյունիքի մարզի Ներքին Գիրաթաղ գյուղի մոտակայքում գտնվող կոմբինատի պոչատարը վնասվել է. արտանետումները չեն հասել մինչև Արծվանիկի ջրամբար, լցվել են Ողջի գետը՝ այս անգամ արդեն առանց մեխանիկական մաքրման:
911 ծառայություն տեղեկություններ հաղորդվել են միայն առավոտյան՝ ժամը 08:40-ին: Պղնձամոլիբդենային կոմբինատի հաղորդագրության համաձայն՝ խողովակից արտահոսքը տևել է 30-40 րոպե։ Արտադրական վթար՝ կոմբինատի պատասխանատուների բնորոշմամբ, որը ներգրավված է ռիսկերի գնահատման մեջ:
Վթարի պատճառը վերացնելուց հետո գետը դրանից դեռ 10 ժամ անց էլ խելքի չէր գալիս, դարչնագույն ջրեր էին շարունակում հոսել: Անգամ, եթե աղետը վերացվել է 40 րոպե անց, պարզ թվաբանական հաշվարկը հետևյալն է՝ վնասվել է 1000 մմ խողովակ, դրա թողունակությունը վայրկյանում 2000 լ ջուր է: Դա նշանակում է, որ մոտավոր հաշվարկով՝ 4 մլն 800 հազար լիտր ծանր մետաղներով ջուր է լցվել Ողջի գետը:
Վթարն արձանագրելուց հետո պետական լիազոր մարմինը պետք է հաշվարկեր, թե որքան աղտոտված ջուր է լցվել գետը: Լաբորատոր փորձաքննության պատասխանները կարող են ստացվել մեկ շաբաթվա ընթացքում, իսկ քայլերի հաջորդականությամբ պետք է հաշվարկվի ջրային ռեսուրսների վրա տնտեսական գործունեության հետևանքով հասցրած վնասի չափը: Եվ մի քայլ էլ Լևոն Գալստյանն է հիշեցնում՝ ինչպես է մաքրվելու գետն այդ աղետից հետո, կա՞ արդյոք ծրագիր, հաշվարկ, որքան գումար է պետք դրա համար, ով պետք է դա կատարի: Ի դեպ, Զանգեզուրի երկրորդ ամենախոշոր գետը՝ Ողջին, արդյունաբերական գոտու հետևանքով անպիտան է ոռոգման համար, այդտեղ վաղուց արդեն ձկներ չկան:
08:30 16.05.2025
Սերոբյանի «Շերիֆը» դուրս է եկել Մոլդովայի գավաթի եզրափակիչ
08:25 16.05.2025
Bloomberg. ԱՄՆ-ը վախենում է, որ Չինաստանը կարող է չիպեր ստանալ Մերձավոր Արևելքի երկրներիցԱՄՆ վարչակազմի որոշ պաշտոնյաներ մտավախություն ունեն, որ ԱՄՆ նախագահ Դոնալդ Թրամփի ցանկությունը՝ թույլ տալ, որ բարձր տեխնոլոգիական չիպերի մեծ ծավալներ վաճառվեն Մերձավոր Արևելքի երկրներին, կարող է հանգեցնել նրան, որ դրանց մի մասը կհայտնվի Չինաստանում: Այս մասին գրում է Bloomberg-ը։ Դրա տեղեկություններով՝ ամերիկյան վարչակազմի որոշ ներկայացուցիչներ, որոնք թշնամաբար են տրամադրված Չինաստանի նկատմամբ, կարծում են, որ հաշվի […] ...
08:15 16.05.2025
ՀՀ տարածքում ավտոճանապարհներն անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
08:05 16.05.2025
NBA-ի մարզիչը կգլխավորի Հայաստանի Մ20 հավաքականըՓիթ Դոմինգեսը կգլխավորի մինչև 20 տարեկանների Հայաստանի հավաքականը, հայտնում է Հայաստանի բասկետբոլի ֆեդերացիայի մամուլի ծառայությունը: Հուլիսի 11-20-ը Երևանում կայանալիք Եվրոպայի Մ20 առաջնության Բ դիվիզիոնում Հայաստանի հավաքականը հանդես է գալու նոր մարզչական կազմով, և այն գլխավորելու է Փիթ Դոմինգեսը: Նա 2022-ից ընդգրկված է Հայաստանի հավաքականի մարզչական շտաբում և այժմ աշխատում է NBA-ն ներկայացնող «Միլուոկի Բաքսում»: Նրա […] ...
08:00 16.05.2025
Առինջ գյուղում այրվել է ավտոմեքենաՄայիսի 16-ին, ժամը 01:20-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Առինջ գյուղի Խաչատուր Աբովյան փողոցի մոտակայքում այրվում է ավտոմեքենա։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Հրդեհը մեկուսացվել է ժամը 01։54-ին, մարվել՝ 02։02-ին։ Ձագավանքի փողոցի տներից մեկի մոտակայքում այրվել է «Nissan» մակնիշի ավտոմեքենա։ ...
23:59 15.05.2025
Երևանի հեռուստաաշտարակը նոր լուսավորման համակարգ կունենա. ԲՏԱ նախարարՀՀ ԲՏԱ նախարար Մխիթար Հայրապետյանը Ֆեյսբուքի իր էջում գրել է, որ Երևանի հեռուստաաշտարակը նոր լուսավորման համակարգ կունենա: «Երևանի հեռուստաաշտարակի արդիականացման ծրագրի նպատակն է փոխարինել հեռուստաաշտարակի գեղազարդ լուսավորման համակարգը՝ ներդնելով ժամանակակից, բազմաֆունկցիոնալ և գեղագիտական բարձր արժեք ունեցող նոր լուսային լուծումներ, ինչը ոչ միայն կընդգծի մայրաքաղաքի ճարտարապետական ինքնատիպությունը, այլև զգալիորեն կբարձրացնի տուրիստական գրավչությունը»,- գրել է նա։ ...
23:57 15.05.2025
Մերց. Ռուսաստանի դեմ նոր պատժամիջոցների փաթեթը պատրաստ է և կընդունվի մայիսի 20-ինԳերմանիայի կանցլեր Ֆրիդրիխ Մերցը հայտարարել է, որ Ռուսաստանի դեմ պատժամիջոցների նոր փաթեթը պատրաստ է և կընդունվի Բրյուսելում մայիսի 20-ին։ «Այս (խմբ.պատժամիջոցների) փաթեթը պատրաստ է և կընդունվի հաջորդ երեքշաբթի Բրյուսելում։ Խորհրդակցություններն ավարտվել են», – ասել է Մերցը ZDF հեռուստաընկերության եթերում: Միաժամանակ, Գերմանիայի կառավարության ղեկավարը նշել է, որ պատժամիջոցները ուժի մեջ կմտնեն անմիջապես։ «Դրանք (խմբ.սահմանափակումները) պատրաստ են, […] ...
