Լիբանանցի երիտասարդութեան կողքին հայ երիտասարդներ եւս կը մասնկացին բողոքի ցոյցերուն. Շահան Գանտահարեան

SHANTNEWS.am-ի հարցերուն կը պատասխանէ Պէյրութի «Ազդակ»  օրաթերթի գլխաւոր խմբագիր՝ Շահան Գանտահարեան 

– Արդէն 6-րդ օրն է, որ Լիբանանի ամբողջ տարածքին բողոքի ցոյցեր տեղի կ՚ունենան․ ի՞նչ է իրավիճակը այսօր:

– Այսօր եւս ցուցարարները շարունակեցին իրենց բողոքի գործողութիւնները, hիմնականին մէջ մայրուղիներ փակելով եւ տեղայանացուած հաւաքներ կազմակերպելով։ Պահանջները կը մնան արմատական եւ յայտնապէս վարչապետին ներկայացուցած եւ կառավարութեան համաձայնութիւնը ստացած ծրագրի որեգրումը չէ բաւարարած ցուցարար զանգուածը, որ   այսօր աւելի արմատական  պահանջներով կը ներկայանայ։

Չի բացառուիր, որ բողոքարկողներու անունով քաղաքացիական շարժումի ղեկավարներ հետզհետէ պահանջներու թղթածրարով ներկայանան եւ հանդէս գան բողոքող զանգուածին կողմէ։

– Ի՞նչպէս կը պատկերացնէք հանգուցալուծումը։

– Դժուար է յստակ պատերացում տալը պարզ այն պատճառով որ քաղաքացիական շարժումի մասնակիցներու   պահանջները հետզհետէ կը յստականան եւ ոչ միայն կառավարութեան հրաժարականին կը վերաբերին, այլ նաեւ ամբողջ պետական համակարգի   վերափոխման։ Նման առաջադրանք մը սահմանադրական լուծումներ կրնայ չունենալ անպայման։ ինչ որ անկանխատեսելի բաժին կը ստեղծէ իրադարձութիւններու հետագայ ընթացքին առումով։

«Ժամանակ» թերթը  առանց վկայակոչելու լրատուութեան աղբիւրը  գրած էր ՀՅԴ-ի Լիբանանի կառոյցի ղեկավարներէն երեսփոխան Յակոբ Բագրատունիի ապօրինի հարստացման թղթածրարներուն ներգրաւուած ըլլալուն մասին․ի՞նչպէս կը մեկնաբանէք լուրը։

Գիտէք նման մթնոլորտի մէջ կը թէժանայ նաեւ ապատեղակատութիւններ արտադրելու երեւոյթը։ Կոչ կ՛ընէի հայկական որեւէ լրատուամիջոցի չներքաշուելու նման չստուգուած եւ ոչ հասւատի լուրեր տարածելու լրատուական ծուղակներու մէջ։ Թէ լիբանանեան քաղաքական բեմերէն, թէ՛ լիբանանեան թէ՛ հայաստանեան լրատուամիջոցներուն Յակոբ Բագրատունին կը շարունակէ յայտարարել, որ բարեբախտաբար պէտք է ըսել որ հայ համայնքն ու անոր պատասխանատուները  մաս չեն կազմած  ո՛չ փտածութեան ո՛չ կաշառակերութեան, ո՛չ գողութեան, ո՛չ ալ տարբեր տեսակի անարդար իրավիճակներու ստեղծման եւ ատիկա լիբանանահայ մարմինները  յաւելեալ պատասխանատուութեան տակ դրած է լիբանանահայութեան կարիքներուն սեփական միոցներով օգտակար ըլլալու։ Դաշնակցութիւնը  յստակօրէն պահանջած է  կառավարութենէն որ պէտք է անմիջապէս ժողովուրդը գոհացնող որոշումներ կայացնէ,ինչ կը վերաբերի պարտքերու կուտակման հարցերու լուծման, ելեքտրականութեան հարցերու կամ առօրեայ կարիքներու լուծման պետական պարտքի հատուցման, գողցուած, յափշտակուած, իւրացուած գումարներու վերադարձի, նախարարներու երեսփոխաններու ամսականերու նուազումին եւ նման անհարժեշտութիւններ։Բոլոր այս առաջադրանքները  արծարծուած են երկրի վարչապետին հետ եւ ներառուած անոր կողմէ ներկայացուած բարեկարգումներու ծրագրին մէջ։

Եթէ նման պահանջներ, որոնք որդեգրուած են սկսին կիրառուիլ պիտի բաւարարէ՞ ժողովուրդը

Խնդիրը այն է, որ քաղաքացիական խնդիրները արդէն տեղափոխուած են քաղաքական դաշտ եւ կը պահանջուի անցումային կառավարութեան կկազմութիւն, միջհամայնքային դրութեան ջնջում,․ պահանջները հետզհետէ կը բանաձեւուին եւ ընդհանրապէս հնչած տեսակէտները համակարգային փոփոխութեան ծրագրին կ՛առաջնորդեն։ Կառավարութեան ներկայացուցածին եւ բողոքներու պահանջերուն միջին եզրեր գտնելը բաւական բարդ աշխատանք է, կ՛ենթադրէ բանակցութիւններ։ Ժողովրդային շարժումը ներկայանցող մարմինը առ այս պահը  չէ ձեւաւորուած ինչ որ անորոշ կը դարձնէ նաեւ բանակցող կողմը եւ այդ պատճառով նաեւ միջին լուծումներու տեսանելիութիւնը կը մնայ մշուշոտ։Միւս կողմէ երկիրը բնականոն կեանքի վերադարձնելու տրամադրութիւններ սկսած են յայտնուիլ, որովհետեւ կարելի է ըսել որ ամբողջ երկիրը անդամալուծուած վիճակի մէջ է։Կան վճռական կոչեր փողոցը չլքելու մինչեւ պահանջներու բաւարարում։

– Լիբանանահայեր կը մասնակցի՞ն ցոյցերուն

– Բնական է, որ լիբանանահայեր, յատկապէս երիտասարդ տարրեր կը մասնակցին բողոքի գործողութիւններուն եւ հանրահաւաքներուն․ պէտք է արձանագրել, որ համալիբանանեան տարողութիւն ստացած են այդ հաւաքները, բոլոր համայնքներէն Լիբանանի քաղաքացիներ մասնակից են եւ բնականաբար նաեւ լիբանանահայերը։Չմոռնանք, որ քաղաքական շատ ուժեր եւ  հոսանքներ արդարացի գտած են բարձրացուած պահանջները եւ զօրակցած ցուցարարներուն։ Խնդիրը շեշտկիօրէն կը վերաբերի հանգուցալուծման եղանակներուն մասին․ կառավարութեան հրաժարականի հարցէն մինչեւ սահմանադրական թէ արտասահմաանդրական կարգով հարցերուն լուծում բերելուն։