17:13 04.12.2017
Արդեն տեղեկացրել ենք, որ մեկնարկել է «Հասանելի համայնքային սոցիալական ծառայություններ» ծրագիրը: Այսօր տեղի ունեցած այդ միջոցառմանը ներկա էր նաև ՀՀ տարածքայի կառավարման և զարգացման նախարար Դավիթ Լոքյանը:
Վերջինս նշեց, որ համայնքներում «սոցիալական աշխատող» հաստիքի ներդրումը համայնքների համար խիստ կարևորություն ներկայացնող խնդիր է: Նախարարի խոսքով՝ միջոցառման կարևորությունը խիստ մեծ է, քանի որ տեղական ինքնակառավարման մարմինը համարվում է այն առաջնային օղակը, որն ուղղակի հարաբերվում է մեր բնակչության հետ, որն ունի բազում սոցիալական խնդիրներ.
«Այդ խնդիրների լուծումը մենք դիտարկում ենք ոչ թե միջնորդավորված, ոչ թե որոշակի հեռավորությունից, այլ մենք ցանկանում ենք, որ այն լուծվի հենց բուն համայնքում, համայնքի ուժերով, համայնքի մասնագետների միջոցով: Եվ այսօր մենք ձեզ հետ միասին ֆիքսում ենք, որ մենք ունենք փաստաթղթերի փաթեթ, գործընթացի անցած որոշակի ճանապարհ, որը մեզ թույլ է տալիս ասել, որ մեր խոշորացված համայնքները, որոնք շուրջ մեկ տարի արդեն գործում են ՀՀ-ում, ունեն իրենց համապատասխան մասնագետները սոցիալական ոլորտի համար:
ԱՄՆ ՄԶԳ-ի աջակցությամբ «Վորլդ Վիժն» կազմակերպությունը, լսելով մեր պահանջը, մեր խնդրանքը, որ անհրաժեշտ է ձևակերպել, թե ով է լինելու մեր սոցիալական պաշտոնյան համայնքում, ինչ գործառույթներ պետք է իրականացնի, ինչպիսի անձնագիր, ինչ հմտություններ պետք է ունենա, այսօր պատրաստել է այդ փաստաթղթերի փաթեթը, որը պետք է ապագայի համար հնարավորություն տա, որ բոլոր խոշորացված համայնքներն ունենան այդպիսի ծառայող և այդպիսի ծառայողները շատ խիստ ընտրության արդյունքում պետք է ընտրվեն:
Եթե փորձենք համեմատել տրամաբանությունը, թե ինչի համար է սա արվում և ուր ենք մենք գնալու, պետք է ասեմ, որ մենք գլոբալ տեսակետից ֆիքսել ենք, որ սոցիալական ծառայությունների հիմնական մասը ապակենտրոնացման արդյունքում պետք է փոխանցենք համայնքներին, սա մեր ռազմավարության առանցքային խնդիրներից մեկն է և ժամանակն է, որ, այսպես ասած, ուղղակի կես պատասխանատվություն իրականացնելով համայնքապետարանը, մարզպետարանը, համապատասխան նախարարությունները թոթափվեն այդ բեռից և բեռը տեղափոխվի համայնք»,- ասաց Լոքյանը:
Նախարարի ներկայացմամբ՝ հենց համայնքում ամենալավը գիտեն՝ որ բնակիչը կամ ընտանիքն ավելի շատ սոցիալական աջակցության կարիք ունի:
«Մեր անցումային այս գործընթացում ֆիքսել ենք, թե ինչ ֆունկցիաներ պետք է առաջիկայում փոխանցենք համայնքերին: Առաջիններից մեկը սոցիալական ծառայողի ներկայությունն է և աստիճանաբար նույնիսկ նպաստների փոխանցման խնդիր պետք է իրականացնենք համայնքներում»,- ասաց ՀՀ տարածքային կառավարման և զարգացման նախարարը:
00:00 02.05.2025
ՆԳՆ շրջիկ սպասարկման գրասենյակները մայիս ամսին կշարունակեն հանրային ծառայություններ մատուցել ՀՀ մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով թե՛ միգրացիայի և քաղաքացիության ծառայության, թե՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ մայիս ամսին ծառայություններ կմատուցվեն հետևյալ բնակավայրերում․ մայիսի 2-ին ժամը 11։30-16։00 Կոտայքի մարզի Չարենցավան համայնքում (Կարեն Դեմիրճյան հրապարակ 1, Քաղաքապետարանի դիմաց), ժամը 11։30-16։00 Լոռու մարզի Ստեփանավան համայնքում (համայնքապետարանի տարածքում), մայիսի 12-ին Կոտայքի մարզի […] ...
23:58 01.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:56 01.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:51 01.05.2025
Պետդեպ. ԱՄՆ-Իրան բանակցությունների նոր փուլի ամսաթիվը և վայրը դեռևս որոշված չենԱՄՆ-Իրան բանակցությունների նոր փուլի ժամկետներն ու վայրը դեռևս որոշված չեն, սակայն Վաշինգտոնը ակնկալում է, որ այն տեղի կունենա մոտ ապագայում։ Այս մասին լրագրողների համար կազմակերպված հերթական ճեպազրույցում հայտարարել է ԱՄՆ Պետդեպարտամենտի մամուլի ծառայության ղեկավար Թեմի Բրյուսը։ «ԱՄՆ-ն չի հաստատել իր մասնակցությունը Իրանի հետ բանակցությունների չորրորդ փուլին, որը, որոշ տեղեկությունների համաձայն, պետք է տեղի ունենար շաբաթ […] ...
23:46 01.05.2025
Էկոպարեկային ծառայության Սյունիքի մարզային վարչության ծառայողներն իրականացնում են նաև կենսաբազմազանության մշտադիտարկման գործառույթներՇրջակա միջավայրի նախարարության Էկոպարեկային ծառայության Սյունիքի մարզային վարչության ծառայողները, իրենց ամենօրյա աշխատանքային պարտականությունների շրջանակում, իրականացնում են նաև կենսաբազմազանության մշտադիտարկման (մոնիթորինգի) գործառույթներ։ Այս աշխատանքը ներառում է Հայաստանի տարածքում հանդիպող բուսական և կենդանական աշխարհի, այդ թվում՝ կենսաբազմազանության բացառիկ և վտանգված տեսակների հայտնաբերումն ու փաստագրումը։ Մշտադիտարկման տվյալները ոչ միայն թույլ են տալիս արձանագրել բնապահպանական իրավախախտումներ, այլև նպաստում են […] ...
23:37 01.05.2025
Երևանը ջազ է լսումԵրևանի քաղաքապետարանի նախաձեռնությամբ, Ջազի միջազգային օրվա առթիվ, Գաֆեսճյան քանդակների պուրակում (Կասկադ) տեղի ունեցավ Ջազ երեկո, որի ընթացքում ելույթով հանդես եկան հայաստանյան լավագույն ջազային կատարողներն ու խմբերը՝ Հայաստանի պետական ջազային նվագախումբը, Լևոն Մալխասյանը, Արտո Թունջբոյաջյանը, Վահագն Հայրապետյանը, Հայկ Կարոն, Արտյոմ Մանուկյանը, Կարեն Մամիկոնյանը, Միքայել Ոսկանյանը, Ռաֆայել Պետրոսյանը, Տիգրան Սուչյանը, Արման Փեշտմաջյանը, Կարեն Գրիգորյանը, Ժաննա Դավթյանը, Արեգ […] ...
