UFC խառը մարտերի բացարձակ չեմպիոն Հաբիբ Նուրմագոմեդովը հայտարարել է, որ հաճույք է ստացել, երբ ռինգում հարվածներ է հասցրել իռլանդացի Քոնոր Մաքգրեգորին: Հիշեցնենք, որ այս մրցամարտը կայացել է շուրջ մեկ տարի առաջ՝ 2018-ի հոկտեմբերին, սակայն իր զգացողությունների մասին Հաբիբ Նուրմագոմեդովն անկեղծանում է հիմա:
«Անկեղծ ասած, հաղթանակներն ինձ հատուկ բավարարվածություն արդեն չեն պարգևում, բացառությամբ Մաքգրեգորի հետ մրցամարտի: Նրան ես ծեծում էի հաճույքով»,-ասել է Նուրմագոմեդովը:
Մարտիկը նաև նշել է, որ ինքը նպատակ չունի առավելագույն վնաս հասցնել մրցակիցներին, բայց այս դեպքում ևս Մաքգրեգորը բացառություն է: Հաբիբ Նուրմագոմեդովը խոստովանել է, որ Մաքգրեգորի հետ մրցամարտը ամենահիշարժանն է իր կարիերայի ընթացքում:
