27 04 2024

$

388.08
4.22
€

416.29

+16.09 ^oC

Ըմբշամարտի Եվրոպայի 2 մեդալակիրները Գյումրիի նույն մարզադպրոցից են

ՀԱՅԱՍՏԱՆ

17:51 17.02.2020

Իտալիայում անցկացված ըմբշամարտի Եվրոպայի առաջնության գյումրեցի մեդալակիրներին և նրանց մարզիչներին է ընդունել Գյումրիի քաղաքապետ Սամվել Բալասանյանը։

Օլիմպիական չեմպիոն Արթուր Ալեքսանյանը Եվրոպայի առաջնությունում 5-րդ անգամ ոսկե մեդալ նվաճեց, Կարապետ Չալյանն էլ վերադարձավ Եվրոպայի բրոնզե մեդալով։ Հաղթանակով վերադարձած 2 մարզիկներն էլ Գյումրիի հունահռոմեական ոճի մարզադպրոցից են։ Հայաստանի ըմբշամարտի հավաքականն այս պատասխանատու ստուգատեսում Իտալիայում նվաճեց 4 մեդալ՝ 2 ոսկե և 2 բրոնզե։

Մարզիկներն այս արդյունքներից գոհ են ու նաև նրա համար, որ կարողացել են հաղթանակներ տանել թուրք և ադրբեջանցի մրցակիցների նկատմամբ։ Եվրոպայի հնգակի չեմպիոն Արթուր Ալեքսանյանը անկեղծորեն նշեց՝ մեծ ուժ ու լիցք է ստացել դահլիճում գտնվող հայ երկրպագուների շնորհիվ, որոնց հետ էր նաև ֆուտբոլիստ Հենրիխ Մխիթարյանը։

Արթուրը Եվրոպայի առաջնությունից Հայաստան է վերադարձել շաբաթ օրը` ըմբշամարտի հավաքականի անդամներից մի քանի օր անց։ Երկրպագուների ոգևորությունը մեծ էր հերթական հաղթանակից հետո։

Հայաստանի ըմբշամարտի պատմության մեջ նա առաջին մարզիկն է, որը 5 անգամ Եվրոպայի չեմպիոն է դառնում։ Գյումրեցի մարզիկներին պատասխանատու մրցելույթներում քաջալերել են բոլորը, մրցամարտերին հետևողները նրանց դեմքի արտահայտությունից են նույնիսկ կռահել, թե որ մարզիկն ինչ հոգեվիճակում է գտնվում։ Արթուրին շարունակ մեկ բան է մտահոգել` հանկարծ Օլիմպիադայից առաջ նորից չկրկնվի կողերի վնասվածքը։

Առաջնությունում բրոնզե մեդալակիր Կարապետ Չալյանին չեմպիոնական ոսկին նվաճելու համար խանգարել է փոքր-ինչ վատ ինքնազգացողությունը։ Կարապետը Եվրոպայի նախորդ առաջնությանը նվաճել էր արծաթե մեդալ։ Ասում է` շատ է շտապում, դրա համար էլ շարունակ պարտվում է: Կփորձի այսուհետև քիչ շտապել, որ կարողանա հաղթել: 2 մարզիկները նվաճել են Տոկիոյում կայանալիք ամառային Օլիմպիական խաղերին մասնակցելու իրավունքը։

«Մի քանի օրից արդեն կվերադառնան մարզումներին։ Առջևում նորից համառ աշխատանքն է, ու կարևորը, որ մարզիկները վնասվածքներ չստանան»,- նշում է Արթուր Ալեքսանյանի հայրն ու նրա անձնական մարզիչը։

Գևորգ Ալեքսանյանի խոսքերով` ջերմ դիմավորումը մարզիկներին պարտավորեցնում ու հաղթելու նոր լիցքեր է հաղորդում:

Իսկ Արթուրի համար նոր նշաձող կա` դառնալ Օլիմպիադայի կրկնակի չեմպիոն։ Ու այս նպատակին հասնելու ճանապարհին իր առջև դրված հստակ պահանջներ կան։ Ու քանի դեռ սպորտը առաջնային դիրքերում է, ամուսնանալու մասին չի մտածում։ Եվրոպայի չեմպիոնը Գյումրի էր հասել առանց մեդալի։

Արթուրի խոսքերով` մեդալը մարզական մեկնաբան Կարեն Գիլոյանի մոտ է, որին ինքը խոստացել էր տալ մեդալն ու տվել է: Արթուր Ալեքսանյանի չեմպիոնական նվաճումների մասին խոսելիս ամեն անգամ նրա անվան մարզադպրոցի կառուցման հարցն է առաջ քաշվում։

Հարցը գործնական ընթացք է ստանում։ Մարզադպրոցի նոր շենքի կառուցման նախագծանախահաշվային փաստաթղթերը կազմելուն զուգահեռ, շինմրցույթ է անցկացվել, շահող ընկերությունը հայտնի է, շինարարության մեկնարկին սպասում են գարնանը։

Կարինե Կազարովա

Բաժանորդագրվեք SHANTNEWS.am-ին Telegram-ում

Բոլոր լուրերը

23:59 26.04.2024
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ խոսնակ

Կապակցված լուրեր

22:31 26.04.2024

Ապրիլի 29-ին Երևանի և մարզերի որոշ հասցեներում լույս չի լինի

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 29-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 11։00-17:00 Կոմիտասի պող. 24/2-28 շենքեր, Հր.Քոչարի փ. 23 27-27Ա շենքեր, թիվ 11 պոլիկլինիկա, Գրիգոր Արծրունու փ. 70/1-88 շենքեր, Նոր Արեշ 35փ. 28-69; 37փ. 27-72; 39փ. 1-38 առանձնատներ, Արմավիրի մարզ` 11։00-17:00 Արևադաշտ, Արտամետ […] ...

22:09 26.04.2024

Արդյո՞ք թուրք զինվորականները կլքեն Արցախը ռուս խաղաղապահների հետ միասին

Այսօր Աղդամում կայացել է «Ռուս-թուրքական համատեղ մոնիթորինգային կենտրոնի» փակման պաշտոնական արարողությունը: Ի՞նչ մանրամասներ են հայտնի. թեմային «Հորիզոնի» տաղավարում անդրադարձել է Արտյոմ Երկանյանը։ «Համատեղ մոնիթորինգային կենտրոնը ստեղծվել էր 2020 թվականի դեկտեմբերին Աղդամի շրջանում, որի նպատակն էր հետևել հրադադարի ռեժիմին, իսկ իրականում սա թուրքերի համար հնարավորություն էր լեգիտիմ ներկայություն ապահովել Արցախում: Ադրբեջանի համար էլ հնարավորություն էր թուրքերի […] ...

21:52 26.04.2024

Վարչապետը հաստատել է ՄԻԵԴ-ի դատավորի պաշտոնում ՀՀ կողմից առաջադրվող թեկնածուների ցուցակը

ՀՀ վարչապետ Նիկոլ Փաշինյանը ապրիլի 26-ի որոշմամբ հաստատել է Մարդու իրավունքների եվրոպական դատարանի դատավորի պաշտոնում Հայաստանի Հանրապետության կողմից առաջադրվող թեկնածուների ցուցակը։ Որոշման մեջ մասնավորապես նշված է. «Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16.1-ին մասը` 1. Հաստատել Մարդու իրավունքների եվրոպական դատարանի դատավորի պաշտոնում Հայաստանի Հանրապետության կողմից առաջադրվող թեկնածուների ցուցակը՝ հետևյալ […] ...

19:06 26.04.2024

ԱԳ նախարարի տեղակալը հանդիպել է Կատարի արտաքին գործերի նախարարության պետնախարարի հետ

Ապրիլի 26-ին Դոհայում ՀՀ ԱԳ նախարարի տեղակալ Վահան Կոստանյանը հանդիպում է ունեցել Կատարի արտաքին գործերի նախարարության պետնախարար Մուհամմադ բին Աբդուլազիզ Ալ-Խուլեյֆիի հետ: Հանդիպման ընթացքում երկուստեք ընդգծվել է Հայաստանի և Կատարի միջև քաղաքական և տնտեսական համագործակցության ընդլայնման պատրաստակամությունը: Կողմերն անդրադարձել են տարածաշրջանային և միջազգային անվտանգության հարցերին: ՀՀ ԱԳ նախարարի տեղակալն իր գործընկերոջն է ներկայացրել հարևանների հետ […] ...

18:58 26.04.2024

Հայաստանը ստացել է խաղաղության պայմանագրի նախագծի վերաբերյալ Ադրբեջանի առաջարկները․ ԱԳՆ

Հայաստանը ստացել է խաղաղության պայմանագրի նախագծի վերաբերյալ Ադրբեջանի հերթական առաջարկները։ «Արմենպրես»-ի հետ զրույցում այս մասին հայտնել է ՀՀ ԱԳՆ մամուլի խոսնակ Անի Բադալյանը։ «Հայաստանը ստացել է խաղաղության պայմանագրի նախագծի վերաբերյալ ադրբեջանական կողմի առաջարկները (տեքստի 9-րդ խմբագրությունը)»,- ասել է Բադալյանը։ ...

18:23 26.04.2024

Հայաստանի և Ադրբեջանի սահմանին ապրիլի 26-ի դրությամբ տեղադրվել է թվով 28 սահմանային սյուն

Հայաստանի Հանրապետության և Ադրբեջանի Հանրապետության սահմանին գեոդեզիական չափումների հիման վրա, կոորդինատների ճշգրտման աշխատանքների շրջանակներում 2024 թվականի ապրիլի 26-ի դրությամբ տեղադրվել է թվով 28 սահմանային սյուն, ինչը կազմում է նախատեսված աշխատանքների մոտ 35 տոկոսը։ Այս մասին տեղեկացնում են ՀՀ կառավարությունից: Երկու երկրների փորձագիտական խմբերի աշխատանքները շարունակվում են։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.