22:29 09.04.2020
Մարդու իրավունքների պաշտպան Արման Թաթոյանը (Arman Tatoyan) «Ֆեյսբուք»-ի իր էջում ներկայացրել է արտակարգ դրության հատուկ ռեժիմում կատարված աշխատանքի ևս մեկ դրական լուծված պատմություն, որն արժե կարդալ։ ?
«Արտակարգ դրություն հայտարարելուց հետո ինձ էր դիմել մի քաղաքացի՝ նշելով, որ կինն ու 3 ամսական երեխան մնացել են Ռուսաստանում միայնակ և չեն կարողանում վերադառնալ Հայաստան։
Հարցը հրատապ էր, քանի որ կինը չէր կարողանում միայնակ զբաղվել նորածին երեխայի խնամքով, սահմանափակումների պատճառով խնդիրներ ուներ տնից դուրս գալու և առաջին անհրաժեշտության պարագաներ, սնունդ ձեռք բերելու հարցում, իսկ ամուսինը, ով եկել էր կարճ ժամանակով Հայաստան, այլևս չէր կարողանում մեկնել Ռուսաստան։
Սկսեցինք ուսումնասիրել գործը հրատապության կարգով։ Իրավիճակն էլ բարդ էր նրանով, որ երեխան ծնվել էր Ռուսաստանում, երեխան և երեխայի մայրը Ռուսաստանի Դաշնության քաղաքացիներ են, իսկ ինձ դիմած քաղաքացին՝ Հայաստանի Հանրապետության:
Իրավական առումով բացակայում էր մի քանի պարտադիր փաստաթուղթ։
Ստացվել էր այնպես, որ կինն ու երեխան չէին կարող վերադառնալ Հայաստան ընտանիքի վերամիավորման նպատակով՝ այդ փաստաթղթերի բացակայության պատճառով։ Դե, բացի այդ ամենից էլ, չեղարկվել էին բոլոր չվերթները։
Գործի ուսումնասիրության արդյունքում պարզեցինք, որ քաղաքացու կինը ծնվել է Հայաստանում և ունի նաև Հայաստանի քաղաքացիություն։
Հարցը գիշերով անմիջապես քննարկեցի Ռուսաստանում Հայաստանի դեսպանի հետ և դեսպանի խորհրդով՝ նաև մեր հյուպատոսի հետ:
Անհրաժեշտ էր արագ գործել. կար նախատեսված չարտերային չվերթ և հաշված օրեր մինչ այդ չվերթը։
Դեսպանության մեր գործընկերների հետ խորհրդակցելուց հետո ինձ դիմած քաղաքացուն առաջարկեցինք, որ իր կինը համապատասան փաստաթուղթ ձեռք բերելու նպատակով դիմի դեսպանություն։
Շնորհիվ դեսպանի և հյուպատոսի շուրջօրյա աշխատանքի, արագ պատրաստվեցին կնոջն անհրաժեշտ փաստաթղթերը։ Չարտերային թռիչքով կազմակերպվեց երեխայի և մոր բարեհաջող վերադարձը Հայաստան։
Մինչ նրանք գտնվում էին ինքնաթիռում՝ Հայաստան վերադարձի ճանապարհին, մենք կապվեցինք ՀՀ առողջապահության նախարարության գործընկերների հետ: Անընդհատ կապի մեջ էինք ինձ դիմած քաղաքացու, այսինքն՝ ընտանիքի հոր, ինչպես նաև դեսպանի ու հյուպատոսի հետ։
Վերջապես, երեխան և նրա մայրը ժամանեցին Երևան։
Ընտանիքն արդեն վերամիավորվել է և գտնվում են ինքնամեկուսացման մեջ՝ ապահով պայմաններում։
Այսօր նորից ինչպես ես անձամբ, այնպես էլ իմ աշխատակազմի Երեխաների իրավունքների պաշտպանության բաժնի աշխատակիցը խոսել ենք այս ընտանիքի հետ:
Հ․Գ․ Տեղյակ եմ, որ այս պահին էլ Հայաստան վերադարձի հարցում մեր հայրենակիցները խնդիրներ ունեն։ Ես ամենօրյա կապի մեջ եմ Ռուաստանում Հայաստանի դեսպանի հետ։ Բոլորս պետք է համատեղ աշխատենք մեր քաղաքացիներին ապահով մեր երկիր վերադարձնելու համար՝ բացառապես ղեկավարվելով մասնագիտական մոտեցումներով»:
17:16 05.05.2025
Խորհրդարանում հյուրընկալել են Ղազախստանի դեսպանին
17:02 05.05.2025
Մահացել է ակադեմիկոս Ռադիկ Մարտիրոսյանը
16:46 05.05.2025
Երևանի Սարալանջի փողոցում բախվել են «BMW»-ները
17:08 05.05.2025
Մբապեի դուբլն ու «Ռեալի» հաղթանակը«Ռեալն» Իսպանիայի Լա լիգայի 34-րդ տուրում սեփական հարկի տակ 3-2 հաշվով հաղթել է Վիգոյի «Սելտային»: Դուբլ է գրանցել ֆրանսիացի հարձակվող Կիլիան Մբապեն: Գործող չեմպիոնը 75 միավորով երկրորդն է, առաջատար կատալոնական «Բարսելոնայից» ետ է չորս միավորով: Հաջորդ տուրում մադրիդցիները կհյուրընկալվեն հենց «Բարսելոնային»: «Սելտան» 46 միավորով 7-րդն է: ...
17:02 05.05.2025
Մահացել է ակադեմիկոս Ռադիկ Մարտիրոսյանը89 տարեկանում մահացել է ՀՀ ԳԱԱ նախկին նախագահ, ԵՊՀ նախկին ռեկտոր, ակադեմիկոս Ռադիկ Մարտիրոսյանը։ Ռադիկ Մարտիրոսյանը ծնվել է 1936թ. մայիսի 1-ին ԼՂԻՄ Մարտակերտի շրջանում։ 1958 թ. ավարտել է Երևանի պետական համալսարանի ֆիզիկամաթեմատիկական ֆակուլտետը՝ աստղաֆիզիկոսի որակավորմամբ։ 1960-1960 թթ. սովորել է ԽՍՀՄ ԳԱ Մոսկվայի Պ. Լեբեդևի անվան ֆիզիկայի ինստիտուտի ասպիրանտուրայում։ 1964-1968 թթ. եղել է ՀԽՍՀ ԳԱ ռադիոֆիզիկայի […] ...
16:58 05.05.2025
Վարչապետի գլխավորությամբ քննարկվել են ՀՀ սահմանամերձ բնակավայրերում ընտանիքների բնակարանային մատչելիության ապահովման պետական աջակցության 2022-2025 թթ. ծրագրի ցուցանիշներըՎարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել են ՀՀ սահմանամերձ բնակավայրերում ընտանիքների բնակարանային մատչելիության ապահովման պետական աջակցության 2022-2025 թթ. ծրագրի ցուցանիշները: Աշխատանքի և սոցիալական հարցերի նախարարի տեղակալ Դավիթ Խաչատրյանը մանրամասներ է ներկայացրել ծրագրի ընթացքի, մասնավորապես՝ ըստ բնակավայրերի իրականացված գործարքների ժամանակագրության, ակտիվության և կարգավիճակի վերաբերյալ: Զեկուցվել է, որ 2025 թ. մայիսի 1-ի […] ...
16:54 05.05.2025
Փոխվարչապետ Մհեր Գրիգորյանն ընդունել է ՀՀ-ում ԵՄ պատվիրակության ղեկավարինՓոխվարչապետ Մհեր Գրիգորյանն ընդունել է Հայաստանում Եվրոպական Միության պատվիրակության ղեկավար, դեսպան Վասիլիս Մարագոսին։ Հանդիպման ընթացքում քննարկվել են Հայաստան-ԵՄ հարաբերությունների օրակարգային հարցեր: Զրուցակիցները կարծիքներ են փոխանակել Համապարփակ և ընդլայնված գործընկերության համաձայնագրի և ՀՀ-ԵՄ տնտեսական և ներդրումային պլանի իրականացման ընթացքի շուրջ։ Կողմերը քննարկվել են նաև 2024 թվականին Բրյուսելում հայտարարված դիմակայունության և աճի պլանի ներքո 2025-2027 թվականների համար […] ...
16:50 05.05.2025
Ձերբակալված երիտասարդի խուզարկությամբ 10 փաթեթ մարիխուանա է հայտնաբերվելՄայիսի 2-ին՝ ժամը 17:00-ի սահմաններում, Պարեկային ծառայության Երևան քաղաքի գնդի 1-ին գումարտակի 3-րդ վաշտի ծառայողներն ապօրինի թմրանյութ պահելու, օգտագործելու և իրացնելու հիմնավոր կասկածանքով, Երևանի Աճառյան փողոցում ձերբակալել և իր վարած «Նիսան» մակնիշի ավտոմեքենայով հանդերձ Համայնքային ոստիկանության Ավանի բաժին են տեղափոխել մայրաքաղաքում բնակվող 25-ամյա երիտասարդի: Նրա խուզարկությամբ հայտնաբերվել է կպչուն ժապավենով 9 և թղթե մեկ փաթեթ` […] ...
16:46 05.05.2025
Երևանի Սարալանջի փողոցում բախվել են «BMW»-ներըԱյսօր՝ մայիսի 5-ին, ավտովթար է տեղի ունեցել Երևանում: Ժամը 12:20-ի սահմաններում Սարալանջի փողոցում բախվել են Երևանի բնակիչներ 24-ամյա Սամվել Օրդուխանյանի վարած «BMW» մակնիշի և 33-ամյա Մհեր Սարգսյանի վարած «BMW X3» մակնիշի ավտոմեքենաները: Ինչպես հայտնում է shamshyan.com-ը, վթարի հետևանքով տուժածներ չկան: Ըստ նախնական տեղեկությունների՝ վթարի պատճառը եղել է Ս. Օրդուխանյանի վարած «BMW»-ում առաջացած անսարքությունը, ինչի հետևաքով […] ...
