14:09 23.04.2020
ՀՀ կառավարության որոշմամբ՝ սպայական կազմն ու պայմանագրային զինծառայողները կօգտվեն բուժսպասարկման արտոնություններից: Կառավարությունն այսօրվա նիստում որոշում ընդունեց «Սոցիալական փաթեթի շահառու հանդիսացող զինծառայողների և նրանց հավասարեցված անձանց, նրանց ընտանիքների անդամների, ինչպես նաև փրկարար ծառայության ծառայողների և նրանց ընտանիքների անդամների, ժամկետային պարտադիր զինվորական ծառայության շարքային և կրտսեր ենթասպայական կազմի զինծառայողների համար պետության կողմից երաշխավորված անվճար բժշկական օգնության ու սպասարկման կազմակերպման և ֆինանսավորման, ինչպես նաև Հայաստանի Հանրապետության կառավարության 2000 թվականի օգոստոսի 28-ի N 517 որոշումն ուժը կորցրած ճանաչելու մասին»:
ՀՀ առողջապահության նախարար Արսեն Թորոսյանն ասաց՝ նախկինում ժամկետային զինծառայողները ստանում էին 100 տոկոս փոխհատուցում բարդ և թանկարժեք վիրահատությունների դեպքում, իսկ պայմանագրայինները և սպայական անձնակազմը օգտվում էին համավճարային փոխհատուցումից: Նախարարը խոսեց նաև չզեկուցվող, բայց համանման մեկ այլ նախագծի մասին՝ զինծառայողներին հավասարեցված անձանց ծնողների մասին:
«Այս նախագծով իրավիճակը փորձում ենք ուղղել, տարբեր փաթեթները, որպես այդպիսին, դառնում են մեկը, այս կերպ և չեն խճճվի, և կունենանք ավելի արդար վերաբերմունք՝ մեր տասնյակ հազարավոր քաղաքացիների համար, ովքեր զինծառայողների, նրանց հավասարեցված անձանց՝ ոստիկանների, ԱԱԾ աշխատակիցների, ԱԻՆ աշխատակիցների ծնողներն են»,- ասաց նա:
ՀՀ վարչապետ Նիկոլ Փաշինյանը հետաքրքրվեց՝ ինչի՞ց են օգտվելու նրանք, ընդգծեց՝ ամեն դեպքում շրջանակ է սահմանված, որից դուրս վճարումների կարիք կարող է լինել:
«Սահմանված ամեն ինչից»,- ասաց Թորոսյանը:
Վարչապետը խնդրեց որոշակիացնել, ի պատասխան՝ նախարարը մեկ-երկու օրինակ բերեց, թե որ դեպքում պետք է ժամկետային զինծառայողի ծնողն ինչ-որ վճարում անի: Թորոսյանը նշեց՝ եթե կոնքազդրային հոդի պրոթեզավորում է իրականացվելու, պրոթեզի գումարը չի փոխհատուցվում, բայց վիրահատությունը փոխհատուցվում է:
Փաշինյանը նկատեց՝ երբեմն, եթե ամեն ինչ պետպատվեր չէ, տպավորություն է՝ ոչինչ պետպատվեր չէ: Նա կարևորեց տեղեկության ճիշտ փոխանցումը, որ թյուրընկալումների դեպքում տպավորություն չլինի, թե մարդկանց խաբում են:
17:54 30.06.2025
Գևորգ Պապոյանը Հռոմում հանդիպել է Վրաստանի գյուղատնտեսության և շրջակա միջավայրի նախարարի հետՀՀ էկոնոմիկայի նախարար Գևորգ Պապոյանը Հռոմում՝ ՄԱԿ-ի Պարենի և գյուղատնտեսության կազմակերպության (ՊԳԿ) համաժողովի շրջանակում, հանդիպել է Վրաստանի գյուղատնտեսության և շրջակա միջավայրի նախարար Դավիթ Սոնգուլաշվիլիի հետ։ Հանդիպման ընթացքում կողմերը քննարկել են Վրաստանի տարածքով հայկական կոնյակով բեռնված մեքենաների (Armenian Brandy) արագ և անխոչընդոտ անցմանը վերաբերող հարցեր։ Անդրադարձ է կատարվել նաև հայ-վրացական տնտեսական օրակարգի ընդլայնման և փոխգործակցության խորացման […] ...
17:48 30.06.2025
Իրանը հայտարարել է, որ Իսրայելի հետ հակամարտության հետևանքով զոհերի թիվն աճել էԻրան-Իսրայել պատերազմի 12 օրվա ընթացքում Իսրայելի կողմից հասցված հարվածների հետևանքով Իրանում զոհվել է առնվազն 935 մարդ, հայտարարել է Իսլամական Հանրապետության դատական համակարգի խոսնակ Իսհակ Ջահանգիրը։ «Վերջին դատաբժշկական տվյալների համաձայն՝ մեր երկրի դեմ սիոնիստական ռեժիմի (նկատի ունենալով Իսրայելը – ՏԱՍՍ) 12-օրյա պատերազմի ընթացքում հաստատվել է 935 մարդու մահ, այդ թվում՝ 38 երեխայի և 132 կնոջ, որոնցից […] ...
17:42 30.06.2025
Հայ բռնցքամարտիկները 5 ոսկե, 3 արծաթե ու 4 բրոնզե մեդալ են նվաճել Աբաշիձեի անվան մրցաշարումՎրաստանի Բաթումի քաղաքում ավարտված բռնցքամարտի` Իրակլի Աբաշիձեի անվան միջազգային մրցաշարում Հայաստանի մարզիկները նվաճել են 5 ոսկե, 3 արծաթե ու 4 բրոնզե մեդալ։ Մրցաշարի հաղթող են դարձել Ռուսլան Ասլիկյանը (55 կգ), Արթուր Սահակյանը (60 կգ), Նարեկ Հովհաննիսյանը (65 կգ) Ռաֆայել Հովհաննիսյանը (85 կգ) և Նարեկ Մանասյանը (90 կգ)։ Ժիրայր Սարգսյանը, Արթուր Շախպազյանը, Դավիթ Սիմոնյանը, նվաճելով արծաթե […] ...
17:36 30.06.2025
Բժիշկ-ռադիոլոգի պատրաստած կեղծ փաստաթղթով զորակոչիկը ճանաչվել է զինվորական ծառայության համար ոչ պիտանի. քրեական վարույթի նախաքննությունն ավարտվել էՀՀ քննչական կոմիտեի զինվորական քննչական գլխավոր վարչությունում ավարտվել է բժիշկ֊ռադիոլոգի կողմից իրավունք վերապահող բժշկական փաստաթուղթ կեղծելու դեպքի առթիվ նախաձեռնված քրեական վարույթի նախաքննությունը: Քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ զորակոչիկը 2023 թվականի նոյեմբերի 10-ին հետազոտվել է բժշկական կենտրոնում, որի ժամանակ վերջինիս մոտ իբր ախտորոշվել է այնպիսի հիվանդություն, ինչը հիմք […] ...
17:30 30.06.2025
ԵՄ-ն վեց ամսով երկարաձգել է Ռուսաստանի դեմ պատժամիջոցներըԵվրամիությունը պաշտոնապես երկարաձգել է հակառուսական պատժամիջոցների ամբողջ փաթեթը ևս վեց ամսով, որոշումն ընդունվել է հունիսի 26-ին՝ Բրյուսելում կայացած գագաթնաժողովում։ Այս մասին հայտարարել է ԵՄ Խորհուրդը։ «ԵՄ Խորհուրդը երկարաձգել է Ռուսաստանի դեմ պատժամիջոցները ևս վեց ամսով՝ մինչև 2026 թվականի հունվարի 31-ը», – ասվում է հայտարարության մեջ։ Ռուսաստանի Դաշնության դեմ առաջին տնտեսական սահմանափակումները մտցվել են 2014 թվականի […] ...
