21:32 19.05.2020
Վերջին ամիսներին Հայաստանի Հանրապետությունում, ինչպես և ամբողջ աշխարհում, բազմաթիվ ոլորտներում գրանցվող տեղաշարժերը ՀՀ Հանրային խորհրդի համար սահմանեցին նոր պահանջ. արագ արձագանքել փոփոխություններին՝ սահմանադրությամբ և օրենքով իրեն վերապահված լիազորությունների շրջանակներում տալով խորհրդատվություն և նպաստելով տարբեր հանրային օղակների միջև երկխոսությանը:
Հաշվի առնելով վերոգրյալը՝ Հանրային խորհրդի Ֆինանսատնտեսական և բյուջետային հարցերի հանձնաժողովի նախագահ Վազգեն Սաֆարյանը, Գյուղատնտեսական հարցերի հանձնաժողովի նախագահ Վարդան Համբարձումյանը, ՀԽ անդամ Գաբրիել Ջեմբերջյանը՝ Հանրային խորհրդի նախագահ Ստյոպա Սաֆարյանի հետ համատեղ, քննարկել են ՀՀ կառավարությանը և վարչապետին առաջարկվելիք մի քանի ծրագրեր, որոնք վերաբերում են Նոր կորոնավիրուսի համավարակի ու արտակարգ դրության պայմաններում գյուղատնտեսությանը և տնտեսության մի շարք այլ ուղղություններին (ծաղկեգործությամբ զբաղվող ջերմոցային տնտեսություններ, հացահատիկային բույսերի մշակում և իրացում, կաշվի հավաքում և վերամշակում և այլն):
Առաջացած խնդիրների մասին արդեն իսկ Գյուղատնտեսական հարցերի հանձնաժողովի նախագահ Վ․Համբարձումյանին են դիմել մի շարք տնտեսվարողներ, բայց և այնպես առկա դրության վերաբերյալ համակողմանի տեղեկատվություն և փաստական եզրակացություն ունենալու համար Վ.Համբարձումյանն ու Ս. Սաֆարյանն առաջիկայում կայցելեն ջերմոցային տնտեսություններ՝ տեղում խնդիրներին ծանոթանալու նպատակով: Ստացված խորհրդատվական փաստաթուղթն ավարտուն տեսքի բերելուց և ՀՀ կառավարությանը ներկայացնելուց առաջ, այն քննարկման կդրվի համապատասխան հանձնաժողովի առցանց նիստում, որին մասնակցելու համար կհրավիրվի նաև ՀՀ էկոնոմիկայի նախարարը:
Համավարակի պայմաններում տնտեսության տարբեր ճյուղերի զարգացման վերաբերյալ առաջարկությունների մեկ այլ փաթեթ է ներկայացրել նաև ՀԽ Ֆինանսատնտեսական և բյուջետային հարցերի հանձնաժողովի նախագահ Վազգեն Սաֆարյանը: Ներկայացված փաստաթղթի հիմքում փորձագիտական կարծիքներն են, ինչպես նաև գործնական դաշտի մասնագիտական ուսումնասիրություներն ու դիտարկումները: Ինչպես մյուս դեպքերում, այս փաստաթուղթը նույնպես, համաձայն «Հանրային խորհրդի մասին» ՀՀ օրենքի, ավարտուն տեսքով կներկայացվի Հանրային խորհրդի ամբողջական կազմին, կհաստավի նիստում, որից հետո այն կներկայացվի ՀՀ վարչապետին և կառավարությանը:
14:32 11.05.2025
Ինչպիսի՞ եղանակ է սպասվում հանրապետությունումՀանրապետության տարածքում` Մայիսի 11-ի ցերեկը, 12-ին շրջանների մեծ մասում, 16-ի ցերեկն առանձին շրջաններում սպասվում է կարճատև անձրև և ամպրոպ։ Մայիսի 13-15-ը, 16-ի գիշերը ժամանակ առ ժամանակ հանրապետության ողջ տարածքում սպասվում է անձրև և ամպրոպ։ Մայիսի 11-15-ն առանձին հատվածներում անձրևները կլինեն հորդառատ։ Հնարավոր է նաև կարկուտ։ Քամին՝ հարավ-արևմտյան՝ 2-5 մ/վ, ամպրոպի ժամանակ՝ քամու ուժգնացում՝ 18-22 մ/վ […] ...
14:14 11.05.2025
Կոչ ենք անում չտարածել կեղծ տեղեկություններ. ՆԳՆ-ն հերքում է Զարուհի Փոստանջյանի հրապարակումը ձերբակալվածի նկատմամբ նվաստացնող վերաբերմունքի մասինՆերքին գործերի նախարարի մամուլի քարտուղար Նարեկ Սարգսյանը Ֆեյսբուքի իր էջում անդրադարձել է փաստաբան Զարուհի Փոստանջյանի հրապարակմանը, թե իբր Գյումրիում «ոստիկանները խոշտանգել և նվաստացնող վերաբերմունք են ցուցաբերել ձերբակալվածի նկատմամբ», հայտնում եմ, որ տեղեկությունը չի համապատասխանում իրականությանը։ «Նշված անձը քննիչի որոշման հիման վրա ձերբակալվել է և տեղափոխվել Համայնքային ոստիկանության Կումայրիի բաժին, որտեղ համայնքային կին ոստիկանները, կին ընթերակաների […] ...
13:59 11.05.2025
Մայիսի 13-ից հետ ենք գնում դեպի մարտ. Գագիկ ՍուրենյանՄայիսի 13-ից հետ ենք գնում դեպի մարտ: Այս մասին Ֆեյսբուքի իր էջում տեղեկացրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի տեղակալ Գագիկ Սուրենյանը: «Մայիսի 13-ից հետ ենք գնում դեպի մարտ, 17-ից վերադառնում մայիս: Տրամադրվեք»,- գրել է Սուրենյանը ...
13:42 11.05.2025
«Ճանապարհային դեպարտամենտ» հիմնադրամը մասնակցել է Եվրոպայի օրվան նվիրված պաշտոնական միջոցառմանը«Ճանապարհային դեպարտամենտ» հիմնադրամը մասնակցել է Ազատության հրապարակում կայացած Եվրոպայի օրվան նվիրված պաշտոնական միջոցառմանը։ Հիմնադրամի աշխատակիցները տեղեկատվական տաղավարում ներկայացրել են եվրոպական դոնոր կազմակերպությունների աջակցությամբ Հայաստանում կյանքի կոչված ճանապարհաշինական ծրագրերը։ Մասնավորապես, Եվրոպական ներդրումային բանկի հատկացրած դրամաշնորհի միջոցով իրականացվել է Հայաստանի ճանապարհային անվտանգության բարելավման ծրագիրը, որի շնորհիվ վերացվել են ՀՀ ճանապարհներին առկա բազմաթիվ վթարավտանգ կետեր։ Եվրոպական ներդրումային բանկի […] ...
13:25 11.05.2025
Հայաստանը ողջունում է Հնդկաստանի և Պակիստանի միջև հրադադարի համաձայնությունը. ԱԳՆՀՀ ԱԳՆ մամուլի խոսնակ Անի Բադալյանն X-ի իրր միկրոբլոգում գրառում է կատարել, որում ողջունել է Հնդկաստանի և Պակիստանի միջև կրակի դադարեցման մասին ձեռք բերված համաձայնությունը: «Մենք ողջունում ենք Հնդկաստանի և Պակիստանի միջև հրադադարի վերաբերյալ ձեռք բերված փոխըմբռնումը: Երկխոսությունը կարևորություն ունի, և հուսով ենք, որ հրադադարը կպահպանվի, և տարածաշրջանում խաղաղություն կհաստատվի: Այս առումով, խաղաղության հասնելու միջազգային […] ...
13:11 11.05.2025
Իրանի արտգործնախարարը մեկնել է Մասկատ՝ Թեհրանի միջուկային ծրագրի շուրջ բանակցությունների համարԻրանի արտաքին գործերի նախարար Աբբաս Արաղչին մեկնել է Մասկատ՝ Թեհրանի միջուկային ծրագրի շուրջ ստեղծված ճգնաժամը լուծելու նպատակով ԱՄՆ պաշտոնյաների հետ անուղղակի բանակցությունների չորրորդ փուլի համար։ Այս մասին հայտնել է Իսլամական Հանրապետության արտաքին գործերի նախարարության պաշտոնական ներկայացուցիչ Էսմայիլ Բաղաին։ Միացյալ Նահանգները և Իրանը Օմանի միջնորդությամբ անցկացրել են բանակցությունների երեք փուլ։ Դրանցից առաջինը տեղի է ունեցել ապրիլի […] ...
