11:08 01.06.2020
ԱՄՆ-ում ոստիկանի կողմից աֆրոամերիկացի Ջորջ Ֆլոյդի սպանության դեմ բողոքի ակցիաները շարունակվում են: ԱՄՆ-ի տարբեր քաղաքներում ոստիկանների և ցուցարարների միջև բախումներ են տեղի ունեցել:
Reuters լրատվական գործակալության փոխանցմամբ՝ երեկ ուշ երեկոյան Նյու Յորքում ոստիկանները ճեղքել են ակցիայի մասնակիցների կանգնեցրած արգելապատնեշները և ձերբակալություններ կատարել:
New York Post-ի փոխանցմամբ՝ Մանհեթենում շաբաթ գիշերը ձերբակալվել է նաև Նյու Յորքի քաղաքապետ Բիլ դե Բլազիոյի դուստրը՝ 25-ամյա Կիարա դե Բլասիոն: Ըստ Նյու Յորքի իրավապահների՝ քաղաքապետի դուստրը Բրոդվեյ փողոցում խոչընդոտել է երթևեկությանը և ձերբակալվել է, քանի որ հրաժարվել է տեղից շարժվել:
Ցույցերի ժամանակ Նյու Յորքում ևս մեկ միջադեպ է տեղի ունեցել: Երկու ոստիկանական ավտոմեքենա մտել է ցուցարարների ամբոխի մեջ: Նյու Յորքի քաղաքապետը հետաքննություն է սկսել, հաղորդում է CNN-ը: Ցուցարարները արգելապատնեշներ էին կառուցել՝ թույլ չտալով ոստիկանական 2 ավտոմեքենաների տեղաշարժը: Դրանցից մեկը շրջանցել է արգելապատնեշը՝ մտնելով ցուցարարների ամբոխի մեջ և վրաերթի ենթարկելով նրանցից մի քանիսին: Երկրորդ ավտոմեքենան հարվածել է արգելապատնեշին՝ գցելով մի քանի ցուցարարների: Զոհեր և վիրավորներ չեն եղել:
CNN-ը նաև հայտնում է, որ Նյու Յորքի նահանգապետը և Նյու Յորքի ոստիկանական բաժանմունքը գովել են այն ոստիկանններին, ովքեր Ֆլոյդի սպանության համար արդարադատություն պահանջող խաղաղ ցուցարարների կողքին ծնկի են իջել:
Ցույցեր են տեղի ունեցել Մինեապոլիսում, Վաշինգտոնում, Մայամիում, Բոստոնում, Ինդիանապոլիսում, Սանտա Մոնիկայում և այլուր:
Reuters-ը հաղորդում է, որ ամերիկյան 16 նահանգների 25 քաղաքներում տեղի իշխանությունները պարետային ժամ են համանել: Հասարակական կարգը պահպանելու համար տարբեր 15 նահանգում և Կոլումբիայի շրջանում տեղակայվել է Ազգային գվարդիայի 5000 ծառայող:
Ի դեպ, բողոքի ակցիաներ են տեղի ունեցել ոչ միայն ամերիկյան քաղաքներում, այլև Լոնդոնում և Բեռլինում:
Հիշեցնենք՝ մայիսի 25-ին Մինեապոլիսում ոստիկանության հետ վիճաբանությունից հետո մահացել էր 46-ամյա աֆրոամերիկացի Ջորջ Ֆլոյդը, որն անզեն էր եղել: Ոստիկաններից մեկը գրեթե 9 րոպե ծնկով սեղմել էր Ֆլոյդի պարանոցը՝ չնայած վերջինս ասել էր, որ չի կարողանում շնչել: Տղամարդը մահացել է հիվանդանոցում միջադեպից կարճ ժամանակ անց:
Միջադեպի մասնակից 4 ոստիկանները ազատվել են աշխատանքից, իսկ Ֆլոյդի մահվան մեջ մեղավոր ոստիկանի դեմ քրեական գործ է հարուցվել մարդասպանության մեղադրանքով:
23:59 15.05.2025
Երևանի հեռուստաաշտարակը նոր լուսավորման համակարգ կունենա. ԲՏԱ նախարարՀՀ ԲՏԱ նախարար Մխիթար Հայրապետյանը Ֆեյսբուքի իր էջում գրել է, որ Երևանի հեռուստաաշտարակը նոր լուսավորման համակարգ կունենա: «Երևանի հեռուստաաշտարակի արդիականացման ծրագրի նպատակն է փոխարինել հեռուստաաշտարակի գեղազարդ լուսավորման համակարգը՝ ներդնելով ժամանակակից, բազմաֆունկցիոնալ և գեղագիտական բարձր արժեք ունեցող նոր լուսային լուծումներ, ինչը ոչ միայն կընդգծի մայրաքաղաքի ճարտարապետական ինքնատիպությունը, այլև զգալիորեն կբարձրացնի տուրիստական գրավչությունը»,- գրել է նա։ ...
23:57 15.05.2025
Մերց. Ռուսաստանի դեմ նոր պատժամիջոցների փաթեթը պատրաստ է և կընդունվի մայիսի 20-ինԳերմանիայի կանցլեր Ֆրիդրիխ Մերցը հայտարարել է, որ Ռուսաստանի դեմ պատժամիջոցների նոր փաթեթը պատրաստ է և կընդունվի Բրյուսելում մայիսի 20-ին։ «Այս (խմբ.պատժամիջոցների) փաթեթը պատրաստ է և կընդունվի հաջորդ երեքշաբթի Բրյուսելում։ Խորհրդակցություններն ավարտվել են», – ասել է Մերցը ZDF հեռուստաընկերության եթերում: Միաժամանակ, Գերմանիայի կառավարության ղեկավարը նշել է, որ պատժամիջոցները ուժի մեջ կմտնեն անմիջապես։ «Դրանք (խմբ.սահմանափակումները) պատրաստ են, […] ...
23:54 15.05.2025
TASS. Թուրքիայի, Ռուսաստանի և Ուկրաինայի եռակողմ հանդիպումը նախատեսված է մայիսի 16-ին ՍտամբուլումԹուրքիայի, Ռուսաստանի և Ուկրաինայի ներկայացուցիչների եռակողմ հանդիպումը նախատեսված է ուրբաթ օրը Ստամբուլում։ Այս մասին TASS-ին հայտնել է Թուրքիայի արտաքին գործերի նախարարության աղբյուրը։ «Վաղը կկայանան հանդիպումների ևս մի շարք՝ տարբեր ձևաչափերով։ Դրանք են՝ ԱՄՆ-ն, Ուկրաինան, Թուրքիան։ Օրակարգում են նաև Ռուսաստանի Դաշնության, Ուկրաինայի և Թուրքիայի միջև եռակողմ բանակցությունները», – ասել է աղբյուրը: Նշվում է, որ «դեռևս հայտնի […] ...
23:49 15.05.2025
Սպիտակ տունը հույս ունի, որ Թրամփ-Պուտին հանդիպումը կկայանա շատ շուտովԱՄՆ վարչակազմը սպասում է, որ շատ շուտով կկայանա ամերիկացի առաջնորդ Դոնալդ Թրամփի և Ռուսաստանի նախագահ Վլադիմիր Պուտինի հանդիպումը։ Այս մասին հայտարարել է Սպիտակ տան Ազգային անվտանգության խորհրդի հակաահաբեկչական հարցերով ավագ տնօրեն Սեբաստիան Գորկան։ «Գործարքները կախված են ժամանակից։ Երբ ժամանակը գա, այդ ժամանակ (խմբ.Միացյալ Նահանգների) նախագահ Դոնալդ Թրամփը կլինի (խմբ.Ռուսաստանի առաջնորդ Վլադիմիր) Պուտինի հետ նույն սենյակում։ […] ...
23:44 15.05.2025
Արագածոտնի մարզում բախվել են «Infiniti»-ն և «Mercedes»-ը․ կա վիրավորՄայիսի 15-ին, ավտովթար է տեղի ունեցել Արագածոտնի մարզում։ Ժամը 16։20-ի սահմաններում Մարգարա-Վանաձոր ավտոճանապարհի 24 կմ հատվածում բախվել են Արագածոտնի մարզի բնակիչ 41-ամյա Դավիթ Ասատրյանի վարած «Mercedes» և Կոտայքի մարզի բնակիչ 20-ամյա Արայիկ Նազարյանի վարած «Infiniti» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 1 հոգի մարմնական վնասվածքներով տեղափոխվել է հիվանդանոց։ Վթարի մասին ՊԾ Արագածոտնի մարզի […] ...
23:37 15.05.2025
Ծիծեռնակաբերդի բարձունքի՝ տարիներ շարունակ անխնամ մնացած տարածքն անտառային գոտու է վերածվելԾիծեռնակաբերդի բարձունքի՝ տարիներ շարունակ անխնամ մնացած ու աղբով պատված, համայնքին պատկանող շուրջ 9 հա տարածքը անտառային գոտու է վերածվել: Այս մասին Ֆեյսբուքի իր էջում գրել Երևանի քաղաքապետ Տիգրան Ավինյանը: «Տարածքում տնկվել է շուրջ 5000 ծառաթփատեսակ: Քաղաքային անտառն ապահովված է ոռոգման համակարգով. նախագծի շրջանակում անցկացվել է 2300 գծմ մայր ոռոգման համակարգ և 1600 մ ոռոգման ցանց»,- […] ...
