17:57 12.06.2020
Ադրբեջանի քաղաքացի, 1994թ․ ծնված Էլշան Ռասուլօղլի Ալիևն այսօր առավոտյան հատել է սահմանը և հայտնվել Հայաստանում։ Նա, դուրս գալով Գեղարքունիքի մարզի Ճամբարակի տարածք, 45 կմ քայլել է և հասել Դարանակ- Արեգունի գյուղերի միջև գտնվող ճամբարի տարածք։
Տեղեկությունը SHANTNEWS.am-ին հայտնեց Արեգունիի գյուղապետ Սոս Հովհաննիսյանը։
«Ճամբարի պահակը վաղ առավոտյան լսել է շների հաչոցը։ Դուրս է եկել և տեսել անծանոթին, որը հայերեն չի հասկացել և փոխանակվել են ռուսերենով։ Անծանոթը հայտնել է, որ Ադրբեջանից է, այնտեղից փախել և եկել է Հայաստան»,- ասաց գյուղապետը։
Այնուհետև ճամբարի պահակը Ադրբեջանի քաղաքացուն ուղեկցել է գյուղապետի՝ Սոս Հովհաննիսյանի մոտ։ Վերջինս էլ այդ մասին անմիջապես տեղեկացրել է ԱԱԾ-ին։
«Իր ասելով՝ ծնվել է Ռուսաստանում՝ Կալմիկիայում։ Հայրը ադրբեջանցի է, մայրը՝ ուկրաինուհի։ Ծնողները բաժանվել են, մոր մասին տեղեկություն չունի, ունի միայն իրենից 2 տարով մեծ եղբայր, իսկ հայրը վերջին տարիներին է մահացել։ Էլշան Ռասուլօղլի Ալիևը մեծացել է Գանձայի մանկատանը։
Մինչև 16 տարեկանն անընդհատ փորձել է փախչել այդ հաստատությունից, բայց միշտ ոստիկանները նրան հայտնաբերել ու կրկին մանկատուն են տարել։ 16 տարեկանում նորից է փախել։ Մի օր այստեղ, մի օր այնտեղ ապրելով և օրվա ապրուստը վաստակելով, տղան մի կերպ գոյատևել է։ Վերջին տարիներին աշխատել է Գետաբեկի շրջանի Նովոսարատովկա գյուղում՝ որպես հովիվ»,- տղայի հետ ունեցած զրույցից մանրամասներ հայտնեց Սոս Հովհաննիսյանը։
Էլշան Ալիևը հայտնել է, որ իր ծանր ապրելակերպի պատճառով է Հայաստան եկել և, եթե իրեն այստեղ ինչ-որ աշխատանք առաջարկեն, պատրաստ է համաձայնել, եթե ոչ, միակ ցանկությունն է Հայաստանի օգնությամբ 3-րդ երկիր տեղափոխվելը։
«Տղայի խոսքերով՝ դեռևս 2 տարի առաջ իր զինվորական ընկերոջից խորհուրդ է հարցրել, թե ինչպես կարող է հատել սահմանը։ Ընկերն ասել է, որ բարդ է լինելու, քանի որ ամբողջությամբ ականապատ է տարածքը, սակայն նա վերջին 10 օրերի ընթացքում մտքում պլանավորել է ամեն գնով Հայաստան հասնելու ծրագիրը և վերջնականապես որոշել է հրաժեշտ տալ Ադրբեջանին, եթե անգամ սահմանին զոհվեր: «Մտածված եմ եկել, որ Ադրբեջանի անունն էլ չլսեմ»,- Էլշան Ալիևի խոսքերը փոխանցեց գյուղապետ Հովհաննիսյանը։
Գյուղապետի փոխանցմամբ՝ կարճահասակ, շիկահեր տղան բոլորովին ադրբեջանցու տեսք չի ունեցել, ավելի շատ նման է եղել ռուսի։ Եղել է կիսապատռված հագուստով ու կոշիկներով: Ընդամենն ունեցել է ալյուրի պարկից պատրաստած մի ուսապարկ՝ որի մեջ միայն հին շորեր են եղել։ Քաղցած ադրբեջանցին չի հրաժարվել գյուղապետի գթառատ հյուրասիրությունից։
«Կերակրեցի, խանութից հաց, երշիկ, կոլա բերեցի, իմ կաբինետում էլ լավ կերավ, երևում էր՝ շատ սոված էր։ Շատ գոհ մնաց, ծխախոտ էլ տվեցի, դե, մարդ էր էլի, մենք էլ քրիստոնյա ենք, չէ՞»,- ասաց Սոս Հովհաննիսյանը։
Ավելի վաղ հայտնել էինք՝ ՀՀ պետական սահմանն ապօրինի հատելու կասկածանքով բերման է ենթարկվել 26-ամյա ադրբեջանցի:
20:18 09.06.2025
Ժամանակավորապես կդադարեցվի Երևանի և մարզերի որոշ հասցեների էլեկտրամատակարարումը«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունիսի 10-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11:00-17:00 Նար-Դոսի փ. 48 75 առանձնատներ, Ռոստոմի փ. 29 շենք և 20-33 առանձնատներ, Եր․ Քոչարի փ. 21/1, 23, 23/7, 25, 27, 28 շենքեր, Կողբացի փ. 1, 1ա, 2, 2ա, 3, […] ...
20:12 09.06.2025
«Կրթվելը նորաձև է». շարժումն այս անգամ Սիսիանում և Գորիսում էրԿրթության մասին խոսելը, կրթությունը` որպես նորաձև երևույթ ընկալելը և այն հանրային օրակարգում պահելն այսօր ավելի քան անհրաժեշտություն է։ Այս համոզմունքով ու առաքելությամբ էլ «Կրթվելը նորաձև է» շարժման հերթական կանգառը Սյունիքի մարզում էր: Սիսիանում և Գորիսում վարչապետի և նրա տիկնոջ բանախոսությունները լսելու համար նախատեսվածից շատ են հայտագրվածները: «Իմ քայլը» հիմնադրում կարծում են պատճառը շարժման նկատմամբ գնալով […] ...
19:54 09.06.2025
Նոր Ամանոս գյուղի 46-ամյա բնակիչը տեղափոխվել է ձերբակալվածների պահման վայրՀամայնքային ոստիկանության Աշտարակի բաժնի ծառայողները օպերատիվ տեղեկություններ էին ստացել, որ Նոր Ամանոս գյուղի 46-ամյա բնակիչը պահում և օգտագործում է թմրամիջոց, նաև տնամերձ հողամասում աճեցնում է կանեփ։ Հունիսի 4-ին նա ձերբակալվել և տեղափոխվել է Աշտարակի բաժին։ Արագածոտնի մարզային քննչական վարչությունում նախաձեռնվել է քրեական վարույթ, որի շրջանակում կատարված քննչական գործողություններով նրա բնակության հասցեում հայտնաբերվել են 10 գրամից […] ...
19:52 09.06.2025
Եթե տանը հրդեհ է բռնկվել. օգտակար խորհուրդներ քաղաքացիներինՏանը բռնկված հրդեհների հիմնական պատճառներն են՝ Էլեկտրալարերից կարճ միացումները Միացված էլեկտրական սարքերն ու գազօջախներն առանց հսկողության թողնելը Չհանգցրած ծխախոտի մնացորդը Եթե տանը հրդեհ է բռնկվել` Հնարավորության դեպքում մարե՛ք բոցավառումը Անջատե՛ք գազը Անջատե՛ք էլեկտրական ապահովիչներից հոսանքը Ստեղծե՛ք հրդեհից խուսափելու անհատական ծրագիր. Պլանավորե՛ք սենյակներից դուրս գալու ելքերը Խուճապի մի՛ մատնվեք Դուրս եկե՛ք վտանգավոր տարածքից Զանգահարե՛ք համապատասխան ծառայություններ […] ...
19:40 09.06.2025
Պռոշյան գյուղի վարչական տարածքում «Lada Priora»-ն բախվել է կայանված «Dodge»-ին. կա տուժածԱյսօր՝ հունիսի 9-ին, ավտովթար է տեղի ունեցել Կոտայքի մարզում: Ժամը 16:50-ի սահմաններում Երևան-Աշտարակ ավտոճանապարհի Պռոշյան բնակավայրի վարչական տարածքում բախվել են «Dodge» և «Lada Priora» մակնիշի ավտոմեքենաները: Ինչպե հայտնում է shamshyan.com-ը, վթարի հետևանքով 1 հոգի տեղափոխվել է «Արմենիա» բժշկական կենտրոն: Վթարի փաստով Նաիրիի քննչական բաժնում նախաձեռնվել է քրեական վարույթ, որտեղ էլ պարզվում է վարորդների և տուժածի […] ...
