Ո՞վ է ամենաշատը բացակայած պատգամավորը, իսկ ով՝ ամենաակտիվը. ԱԺ հերթական մոնիտորինգի արդյունքները

Մեդիա կենտրոնում տեղի է ունեցել «7-րդ գումարման Ազգային ժողովի 4-րդ նստաշրջանի դիտարկման արդյունքները» թեմայով ասուլիս։  Այս նստաշրջանը տարբերվող էր մյուսներից: Խորհրդարանը նստաշրջանի 5 ամիսներից 3-ը աշխատել է բացառիկ պայմաններում, այսպես կոչված ֆորսմաժորային իրավիճակում: Ըստ այդմ տարբերվող են եղել նաև խորհրդարանի աշխատանքների արդյունքները:  Ասուլիսին   «ԱԺ մոնիտորինգ» ծրագրի պատասխանատուներից բացի մասնակցել են նաև խորհրդարանական խմբակցությունների մեկական պատգամավորներ:
Առաջին էական տարբերությունը անցած ու դրա նախորդ նստաշրջանների միջև ընդունված օրենքների թիվն է:  Եթե 3-րդ նստաշրջանում ընդունվել է 169 օրենք, ապա 4-րդ նստաշրջանում ընդունված օրենքների թիվը հասել է 345-ի, այսինքն՝ 2 անգամից նույնիսկ ավելի:  Ըստ մոնիտորինգի ծրագրի ,ղեկավարի այս միտումով ,4-րդ նստաշրջանը նմանվել է նախորդ գումարումների խորհրդարաններին, երբ օրենքների քննարկումները ավելի շատ մեխանիկական գործընթաց են հիշեցրել:  Այս գնահատականի հետ համաձայն չէր  «Իմ քայլը» խմբակցության ներկայացուցիչ Բաբկեն Թունյանը:

«Սա նշանակում է, որ պատգամավորները ավելի նախաձեռնոեղ են դարձել, կառավարության կողմից ավելի մեծ թվով նախագշեր ե գալիս»,- նշել է Թունյանը:

Կառավարության կողմից ներկայացված օրինագծերի թիվը նախորդ նստաշրջանի համեմատ ավելացել է 2,5 անգամ: Մոնիտորինգի ծրագրի ներկայացուցիչները  ևս սա բացատրում են կորոնավիրուսի հետևանքների մեղմացմանն ուղղված նախաձեռնությունների մեծ թվով:  Ինչ վերաբերում է օրենսդրական նախաձեռնությունների ներքին բաշխվածությանը, ապա այստեղ   փոփոխությունը այնքան էլ չի բխել ժողովրդավարության գաղափարներից:  Խորհրդարանական մեծամասնության հեղինակած օրինագծերի թիվը զգալիորեն աճել է,  իսկ խորհրդարանական ընդդիմության պարագայում ճիշտ հակառակը:  Եթե նշենք թվերով ,ապա  «Իմ քայլը» խմբակցության կողմից շրջանառության դրված  օրինագծերը  նախորդ նստաշրջանի համեմատ ավելացել են  16 տոկոսով, գրեթե նույքան պակասել է ընդդիմության օրինագծերի թիվը:  3-րդ նստաշրջանի համեմատ մյուս էական փոփոխությունը վերաբերում էր պատգամավորների բացակայություններին:   Ծրագրի ղեկավար Լուսինե Վասիլյանը հիշեցրել է, որ 8 տարի շարունակ ամենաշատ բացակայած պատգամավորը եղել է Գագիկ Ծառուկյանը, սակայն նախորդ նստաշրջանին նա լքեց ամենաշատ բացակայածների տասնյակը, բայց հիմա նորից առաջին տեղում է: Պարզաբանում նեկայացրեց ԲՀԿ-ական Միքայել Մելքումյանը:

«Էս Քովիդի պայմաններում՝  դա պայմանավորված է տարիքային ռեժիմով, դա միայն պարոն Ծառուկյանին չի վերաբերում: Այսինքն՝ ԱԺ-ում, ովքեր որոշակի տարիքից բարձր են, կարող են դիմումով դիմեն ԱԺ նախագահին և չմասնակցեն նիստերին»,- ասել է Մելքումյանը:

Ինչ վերաբերում է բացակայություններին ընդհանրապես, ապա առաջին 5 տեղերից 4-ում ԲՀԿ-ի պատգամավորներն են, մեկն էլ՝ «Իմ քայլ»-ից է, բայց հարգելի պատճառ ունի՝ ֆիզարձակուրդում է եղել:  Իսկ ահա խորհրդարանի ամենաակտիվ պատգամավորը չի փոխվել՝ դարձյալ Միքայել Մելքումյանն է:  Ընդհանրապես պատգամավորներին    համեմատելիս մոնիտորինգի ծրագիրը նախ կարևորում է վերջիններիս քվեարկություններին մասնակցելու,  ապա հարցեր տալու և ելույթների քանակը:   Այս հաջորդականության հետ Գևորգ Գորգիսյանը համամիտ չէր:

«Եթե պատգամավորը ամենաշատն է կողմ քվեարկել, կամ ամենաշատն է դեմ քվեարկել, բայց ունեցել է զրո ելույթ, ապա դա ի՞նչ է ասում պատգամավորի մասին, նա լա՞վ պատգամավոր է, թե վատ»,- նկատել է Գորգիսյանը:

4-րդ նստաշրջանի աշխատանքների ընդհանուր վերլուծությունը այն է, որ անհանդուրժողականությունն է ավելացել խորհրդարանում: Իշխանական թևի պատգամավորը այս կարծիքը չկիսեց: Ասուլիսն ավարտվեց հենց վերջինիս ուղղված հարցով: Ինչպե՞ս կմեկնաբանեք Գայանե Աբրահամյանի՝ մանդատը վայր դնելու որոշումը: Թունյանը պատասխանեց ,թե առիթ կլինի ավելի մանրամասն կանդրադառնան, գործընկերոջ ունեցած ներքին անհամաձայնութուններին տեղյակ է, բայց համենայնդեպս տեղի ունեցածը նորմալ քաղաքական պրոցես է: Թունյանը խորհուրդ է տվել այս ամենից մեծ թեմա չսարքել:

Մանրամասները ՝տեսանյութում․