20:17 23.10.2020
Երբ հայրենիքի նմատմամբ սերը վեր է ամեն ինչից, իսկ սահմանների պաշտպանությունը՝ առաքելություն ու պարտք․․․
Սա այսօր մեկ ընդհանուր սկզբունք ու ընկալում է բոլորի համար՝ անկախ տարիքից ու մասնագիտությունից: Պատերազմի առաջին օրերից մինչև հիմա կամավորագրումները շարունակվում են: Առաջին գիծ մեկնելու և հայրենիքը պաշտպանելու համար զինվորագրվում են՝ քաջ գիտակցելով, որ այդ պաշտպանությունը կյանքի գնով է լինելու: Շիրակի մարզի Անուշավան գյուղի բնակիչ Արշակ Տոնոյանը առաջին իսկ օրվանից մեկնել է ռազմաճակատ, ամենաթեժ կետերում կռվել ու հերոսաբար զոհվել: Արշակի զոհվելուց ընդամենը մեկ շաբաթ անց Գյումրիի ծննդատանը ծնվել է նրա անդրանիկ զավակը:
Գյումրիի ծննդատան աշխատակիցները լուռ միջանցքներով մեզ ուղեկցում են հիվանդասենյակներից մեկը: Անգամ բժիշկներն այստեղ մտնում են մի տեսակ շփոթված՝ ուրախության ու միևնույն ժամանակ տխրության զգացումով: Բայց մեզ ու բժիշկներին Լիլիթը ժպիտով է դիմավորում: Նորից ժպտալ, հերոս ամուսնու մասին երբեք անցյալով չխոսել պարտադրում է փոքրիկ աղջնակը։Նա ծնվել է երկու օր առաջ, հոր՝ Արշակ Տոնոյանի զոհվելուց ընդամենը մեկ շաբաթ անց:
«Ես գիտեի, որ հաստատ գնալու էր, բայց ինձ չէր ասում, որ չանհանգստանամ: Մի քանի օր անհասանելի էր, չէի կարողանում կապնվել ու արդեն կասկածեցի , գիտեի, որ հաստատ գնացել է:Ինքը բարձրահասակ էր ու խոշոր: Մականունը արջ էր: Արջ էին իրան ասում: Իմ աղջիկն էլ ծնվել է 3 կգ 400 գ և 51 սմ հասակով:Մի անգամ զանգահարեց ամուսինս ասաց, որ ուզում եմ աղջկաս անունը լինի Աննա, կարդացել էր, որ Աստվածաշնչում կա Աննա անունը ու ցանկանում էր, որ լինի Աննա: Իրա պապան գնաց, որ ինքը հաղթանակած երկրում ապրի, մեծանա»,-shantnews-ի հետ զրույցում պատմեց Լիլիթ Գևորգյանը։
Արշակն ընտանիքից վերջին ամիսներին հեռու էր ապրում։Շինարար էր, Մեղրիում էր աշխատանք գտել: Խոստացել էր, գործն ավարտել և հարազատ գյուղ՝ Շիրակի մարզի Անուշավան վերադառնալ հոկտեմբերին՝ երբ աղջկա ծնվելու ժամանակը գար: Արշակը զոհվել է Հադրութում իր ծննդյան օրը ՝հոկտեմբերի 13-ին։
Փոքրիկ Աննան հորն է նման: Լիլիթը սա ապացուցելու համար ցույց է տալիս հերոս ամուսնու լուսանկարները:
Փոքրիկ Աննան իր ընտանիքի համար հաղթանակի խորհրդանիշն է դարձել: Այն հաղթանակի, որը կերտվում է մեր հայորդիների կյանքի գնով:Մի քանի օրից փոքրիկ Աննան մայրիկի հետ կվերադառնա Անուշավան գյուղ, որտեղ նրան սպասում են Արշակի ծնողներն ու հարազատները: Իսկ երբ պատերազմն ավարտվի, Լիլիթը խոստացել է դստեր հետ գնալ Արցախ՝ Հադրութ, որն իր համար հայրենիքի հարազատ դարձած տարածք է հիմա:
15:27 02.05.2025
Բարեվարքությունը հանրային ծառայողի կարևոր արժանիք․ երկօրյա վերապատրաստման դասընթաց ՆԳՆ-ումԻ՞նչ սկզբունքներով պետք է առաջնորդվեն հանրային ծառայողները, ի՞նչ հետևանք կարող է ունենալ վարքագծի կանոնների խախտումը և ինչպե՞ս է սահմանվում շահերի բախման հասկացությունը․ այս և այլ առանցքային թեմաներն էին ապրիլի 28-ից 29-ը ՆԳ նախարարությունում տեղի ունեցած Բարեվարքության հարցերով վերապատրաստման օրակարգում: Երկօրյա վերապատրաստման նպատակն էր զարգացնել բարեվարքության համակարգի վերաբերյալ ՆԳՆ հանրային ծառայողների գիտելիքները։ Դասընթացին մասնակցում էր Ոստիկանության, […] ...
15:20 02.05.2025
Նախագահ Վահագն Խաչատուրյանին իր հավատարմագրերն է հանձնել Հայաստանում Չինաստանի նորանշանակ դեսպանըՀանրապետության նախագահ Վահագն Խաչատուրյանին իր հավատարմագրերն է հանձնել Հայաստանում Չինաստանի Ժողովրդական Հանրապետության արտակարգ և լիազոր դեսպան Լի Սինվեյը: Նախագահը շնորհավորել է նորանշանակ դեսպանին և հույս հայտնել, որ վերջինիս աշխատանքի շնորհիվ երկու երկրների միջև համագործակցությունն ավելի կընդլայնվի՝ ընդգրկելով նոր ոլորտներ: «Հայաստան-Չինաստան հարաբերությունները մեր արտաքին քաղաքականության առաջնահերթություններից են: Մեր բարեկամական և ավանդական հարաբերությունները նաև պարտավորեցնող են, որպեսզի […] ...
15:14 02.05.2025
Մեկնարկում է մայիս ամսվա լավագույն ուսուցչի հայտերի ընդունումը. ԿԳՄՍՆՀՀ կրթության, գիտության, մշակույթի և սպորտի նախարարությունը մեկնարկում է «Տարվա լավագույնները» մրցույթի շրջանակում իրականացվող 2024-2025 ուստարվա «Ամսվա լավագույններ» (մայիս) մրցութային հայտերի ընդունումը: Մրցույթը կազմակերպվում և իրականացվում է ՀՀ կրթության, գիտության, մշակույթի և սպորտի նախարարի 2024 թ. սեպտեմբերի 5-ի N 67-Ն հրամանով հաստատված՝ «Տարվա լավագույնները» մրցույթի անվանակարգերի, դրանց ներկայացվող պահանջների սահմանման և մրցույթի անցկացման կարգի համաձայն: […] ...
15:07 02.05.2025
Կփոխվի նախադպրոցական հաստատությունների լիցենզավորման կարգը. նախագիծՀՀ կրթության, գիտության, մշակույթի և սպորտի նախարարությունը հանրային քննարկման է ներկայացրել լիցենզիայի տրամադրման կարգերում փոփոխություն և լրացում կատարելու նախագիծը։ Առաջարկվում է ՀՀ կառավարության 2009 թվականի հուլիսի 9-ի N 808-Ն որոշման մեջ կատարել խմբագրումներ՝ փոփոխելով նախադպրոցական ուսումնական հաստատությունների համար ուսումնական տարածքի հասարակական նպատակային նշանակության պահանջը, ինչպես նաև նշված հաստատություններում իջեցնելով հիմնական աշխատողների տոկոսային շեմը։ Ըստ հիմնավորման՝ […] ...
14:57 02.05.2025
Մայրաքաղաքում շարունակվում է փոսային նորոգումըԵրևանի բոլոր վարչական շրջաններում շարունակվում են փոսային նորոգումները: Արդեն իսկ կատարվել են շուրջ 15000 քմ աշխատանքներ։ Աշխատանքներն իրականացվելու են ամբողջ տարվա ընթացքում: Այս մասին հայտնել են Երևանի քաղաքապետարանից: Աշխատանքների սկզբնական փուլում ֆրեզով կտրվում են ասֆալտբետոնե ծածկի վնասված հատվածները, որից հետո մաքրվում են փոշուց, բիտումապատվում, այնուհետև տեղադրվում է ասֆալտբետոնե նոր ծածկ: Մանրամասները՝ տեսանյութում: ...
