00:19 08.11.2020
The National Interest կայքը հոդված է հրապարակել Լեռնային Ղարաբաղի հակամարտության գոտում տիրող իրավիճակի մասին՝ նշելով, որ հանուն խաղաղության ժամանակն է, որպեսզի ԱՄՆ-ն հյուպատոսություն բացի Ստեփանակերտում:
«Արմենպրես»-ի փոխանցմամբ՝ հոդվածի հեղինակ Մայքլ Ռուբինը գրել է. «Ստեփանակերտը պատմականորեն հայ բնակչություն ունեցող Լեռնային Ղարաբաղի մայրաքաղաքն է, որն այս պահին ենթարկվել է ադրբեջանական զորքերի, Թուրքիայի կողմից տեղափոխված վարձկանների լայնածավալ հարձակմանը՝ թուրքական դրոնների աջակցությամբ: Չնայած մարտերը տեղի են ունեցել ծայրամասային հատվածներում, սակայն Ստեփանակերտը նույնպես կրակի տակ է ընկել: Հաղորդվում է, որ թուրքական F-16-երը ռմբակոծել են քաղաքային ծննդատունը, իսկ հինգշաբթի լրագրողները հայտնեցին, որ քաղաքը ուժեղ կրակի տակ է: Միգուցե, շրջափակված քաղաք ամերիկացի դիվանագետներ ուղարկելը տրամաբանական չէ, սակայն Ստեփանակերտում հյուպատոսություն բացելը կհանգստացնի կոնֆլիկտը և, միգուցե, նպաստի խաղաղությանը»:
Նշվում է, որ ԼՂ-ում ԱՄՆ հյուպատոսություն բացելու առիթները կան: «Մինչ Հայաստանը պաշտպանում է Արցախի նոմինալ անկախությունը, իսկ Ադրբեջանը, հիմնվելով Խորհրդային ժամանակների սահմանային խառնաշփոթի վրա, հայտարարում է, որ պետք է վերահսկի Լեռնային Ղարաբաղը, անվիճելի է, որ այդ ռեգիոնը դարեր շարունակ ինքնուրույն է եղել, ինչն ամրապնդվում է ուժեղ տեղագրությամբ»:
Հոդվածագիրը նշում է, որ Ստեփանակերտում հյուպատոսության կամ դիվանագիտական ներկայացուցչության բացումն ԱՄՆ-ին թույլ կտա ոչ միայն հետևել իրադարձությունների զարգացմանը, այլ նաև կարող է զսպել ադրբեջանական, թուրքական ուժերի, արաբ վարձկանների կողմից խաղաղ բնակչության վրա հարձակումները:
Մայքլ Ռուբինը գրել է, որ Լեռնային Ղարաբաղում հյուպատոսություն բացելու համար Պետդեպարտամենտը տեխնիկական հարցեր պետք է լուծի: Նշվում է, որ դժվար է հակամարտության գոտի հանդիսացող տարածքում հյուպատոսություն բացելը, քանի որ սովորաբար հյուպատոսությունները ենթարկվում են այս կամ այն երկրի մայրաքաղաքում երկրի դեսպանությանը: Հոդվածագրի խոսքով՝ ԱՄՆ-ն չի կարող հյուպատոսությունը կցել Բաքվում ԱՄՆ դեսպանատանը, քանի որ Ադրբեջանը չի վերահսկել այդ տարածքները դեռ Խորհրդային ժամանակների ավարտից ի վեր (Խորհրդային ժամանակներում էլ այն ինքնավար մարզի կարգավիճակ է ունեցել), չի կարող նաև հյուպատոսությունը կցել Երևանում ԱՄՆ դեսպանատանը՝ ԵԱՀԿ Մինսկի խմբի համանախագահության շրջանակներում բանակցային գործընթացը չխափանելու համար: «Սակայն այս դեպքում էլ նախադեպ կա: Տասնամյակներ շարունակ, քանի դեռ ԱՄՆ-ն չէր ճանաչում Երուսաղեմի նկատմամբ Իսրայելի հավակնությունները, Երուսաղեմում ԱՄՆ հյուպատոսությունը որևէ մայրաքաղաքում երկրի դեսպանության կցված չէր»,- նշում է հոդվածագիրը՝ հավելելով, որ ԱՄՆ-ն նույն կերպ կարող է վարվել նաև Լեռնային Ղարաբաղի դեպքում, որպեսզի շրջանցի թե՛ Հայաստանի, թե՛ Ադրբեջանի դիմադրությունը:
23:59 27.07.2025
Մեծ Բրիտանիան սկսել է անօդաչու օդապարիկների մշակումը հետախուզության համարՄեծ Բրիտանիայի պաշտպանության նախարարությունը մշակում է անօդաչու աերոստատներ հետախուզական առաքելություններ իրականացնելու համար, ասվում է երկրի պաշտպանության նախարարության կայքում տեղադրված հրապարակման մեջ։ «Մեծ Բրիտանիայի պաշտպանության նախարարությունը մշակում է անօդաչու բարձր բարձրության օդապարիկների հնարավորությունները՝ հետախուզական, հսկողության և հետախուզական առաքելություններ իրականացնելու համար՝ ամրապնդելով ազգային անվտանգությունը և իրականացնելով կառավարության «Փոփոխությունների ծրագիրը», – ասվում է Պաշտպանության նախարարության կայքում տեղադրված հայտարարության […] ...
23:52 27.07.2025
Սլովակիայում ինքնաթիռ է կործանվելՍլովակիայի հարավ-արևմուտքում ինքնաթիռ է կործանվել։ Այս մասին հայտնել է Սլովակիայի ոստիկանությունը Facebook սոցիալական ցանցում։ Դեպքը տեղի է ունեցել հուլիսի 27-ին Նովե Զամկի շրջանի Տվրդոշովցե գյուղում: Դեպքի վայր ժամանած փրկարարական ծառայությունները հայտնաբերել են 81-ամյա օդաչուի մարմինը՝ առանց կյանքի նշանների: Մասնագետները պարզում են ինքնաթիռի կործանման պատճառները։ ...
23:43 27.07.2025
Փրկարարներն օգնության են հասել ոտքը վնասած քաղաքացունՀուլիսի 27-ին, ժամը 18:45-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մելիքգյուղ գյուղի մոտակայքում՝ Ծաղկունյաց լեռնաշղթայի Շողակաթ լեռնագագաթից իջնելիս, քաղաքացին վնասել է ոտքը․ վերջինիս իջեցնելու համար անհրաժեշտ է փրկարարների օգնությունը։ ...
23:28 27.07.2025
Մեծ Բրիտանիայի արտգործնախարարը Գազայի հարցում դադարը անբավարար է համարելՄեծ Բրիտանիայի արտաքին գործերի նախարար Դեյվիդ Լամմին Իսրայելի կողմից Գազայում ռազմական գործողությունների դադարեցումը անվանել է անբավարար, քանի որ այն չի կարողանում «մեղմացնել տառապողների կարիքները»։ Համապատասխան հայտարարություն է հրապարակվել Արտաքին գործերի նախարարության կայքում։ «Մարդասիրական օգնության մատակարարումը թույլատրելու համար Իսրայելի պաշտպանության բանակի կողմից ժամանակավոր դադարեցման մասին հայտարարությունը կարևոր է, բայց վաղուց էր սպասվում։ Միայն այս հայտարարությունը չի […] ...
23:08 27.07.2025
ՄԱԿ-ը պնդել է, որ Գազայի հատվածում սնունդը բավարար է երեք ամիս բնակչությանը կերակրելու համարՄԱԿ-ի Համաշխարհային պարենի ծրագիրը (WFP) ողջունել է ԳՂազայում մարդասիրական դադարը՝ նշելով, որ կա բավարար սնունդ անկլավի բնակչությանը երեք ամիս կերակրելու համար։ Իսրայելի պաշտպանության ուժերը (IDF) կիրակի օրը հայտարարեցին, որ Մոսկվայի ժամանակով 10:00-20:00-ն ամեն օր «մարտավարական դադար» կսահմանեն Գազայի հատվածի մի քանի շրջաններում։ «WFP-ն ողջունում է Իսրայելի կողմից մարդասիրական դադարներ իրականացնելու պատրաստակամության մասին լուրը։ WFP-ն տարածաշրջանում […] ...
22:50 27.07.2025
ԱՄՆ-ը առաջատարն է արհեստական ինտելեկտի ոլորտումՉինաստանի գիտատեխնոլոգիական տեղեկատվության ինստիտուտի և Պեկինի համալսարանի կողմից կազմված «Արհեստական բանականության գլոբալ նորարարության ինդեքս» զեկույցի համաձայն՝ Միացյալ Նահանգները աշխարհում առաջատարն է արհեստական բանականության (ԱԲ) ոլորտում՝ երկրորդ տեղում Չինաստանը, իսկ երրորդում՝ Մեծ Բրիտանիան։ Զեկույցը ներկայացվել է Շանհայում կայացած Արհեստական բանականության համաշխարհային համաժողովում։ Դրա հեղինակները ուսումնասիրել են 46 երկիր՝ հիմնվելով հինգ չափանիշների վրա. հիմնական աջակցություն, ռեսուրսներ և […] ...
