Շիրակի մարզում ճանապարհաշինական աշխատանքները կավարտվեն ըստ ժամանակացույցի – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
29 03 2024
  • $
    394.46
  • RUBLE
    4.27
  • 425.62
WEATHER
+13.09 oC

Շիրակի մարզում ճանապարհաշինական աշխատանքները կավարտվեն ըստ ժամանակացույցի

19:15 24.11.2020

Շիրակի մարզում ճանապարհաշինական աշխատանքները ժամանակին կավարտվեն: Պայմանագրային ժամկետների խախտումներ տեղի չեն ունեցել՝ հաշվի առնելով նաև երկրում հաստատված ռազմական դրությունը։ Շիրակի մարզում ճանապարհաշինական ծրագրեր են իրականացվել պետբյուջեի, Համաշխարհային բանկի և սուբվենցիոն միջոցներով: Վերանորոգվել են հանրապետական ու տեղական նշանակության ճանապարհների առանձին հատվածներ:

Արթիկի տարածաշրջանում տները, ցանկապատները, բակի բարեկարգումները տասնյակ տարիներ է անում են Արթիկի տուֆով։ Փողոցները տուֆով սալապատելու փորձն էլ առաջինն այստեղ են կիրառել: Քարն էժան է ու երկարակյաց: Նոր Կյանքում ու Արթիկում ճանապարհները բարեկարգվում են սալապատման տարբերակով: Գյումրի-Արթիկ-Ալագյազ մայրուղուց մինչև Նոր Կյանքի գերեզմանոց տանող ճանապարհն է՝ երթևեկությունը շատ է, սալապատումը ասֆալտին փոխարինող ու ավելի քիչ ծախսեր պահանջող տարբերակ է:

Գլխավոր փողոցը ասֆալտապատվում է նաև Երազգավորսում: Ամեն տարի կատարվող փոսալցումներից, հարթեցումներից հրաժարվել են: Հաշվարկները ցույց են տվել, որ ավելի քիչ ծախսեր է պահանջում ասֆալտապատումը, քան ամենամյա մասնակի նորոգումը:

Ընդհանուր Շիրակի մարզում այս տարի ճանապարհաշինական աշխատանքների ծավալը փոքր չէր: Միջպետական ու հանրապետական նշանակության ճանապարհների առանձին հատվածներ նորոգվեցին: Ընդմիջումից, նախագծային փոփոխություններից հետո Գյումրի-Արմավիր ճանապարհի Ջրափի-Հայկաձոր հատվածը հիմնանորոգվեց: Նաև Գյումրի-Բավրա ճանապարհի Քեթիի հատվածը ասֆալտապատվեց: Մարզի ճանապարհաշինության ֆինանսավորման աղբյուրները տարբեր են՝ պետբյուջե, Համաշխարհային բանկ ու համայնքների համաֆինանսավորում:

«Հիմնանորոգվել է Քեթի գյուղի տարածքից դեպի նախորդ տարի արված հատվածը, հանրապետական նշանակության ճանապարհի Ջրափի գյուղից մինչև Սարատակ հատվածը 7-8 կմ, Գուսանագյուղի հատվածը 4,5 կմ երկարության: Սա պետական բյուջեով իրականացված ծրագիր էր: Հաջորդ տարվա ճանապարհաշինական ծրագրերի նախագծերը 90%-ով պատրաստ են: Մյուս տարի Շիրակի մարզում 74-75 կմ երկարության միջպետական, հանրապետական և մարզային նշանակության ճանապարհներ կհիմնանորոգվեն»,- Shantnews-ին ասել է Շիրակի մարզպետարանի տրանսպորտի և ճանապարհաշինության բաժնի պետ Խաչատուր Խնձրցյանը:

Կենսական նշանակության՝ մի քանի գյուղերը և Գյումրի-Վանաձոր մայրուղին կապող ճանապարհի նորոգումը Համաշխարհային բանկի ծրագրով նոր է մեկնարկել: Այս տարի հողային աշխատանքները կավարտեն, մնացածը կփոխանցվի հաջորդ տարի:

Նոյեմբերի 16-ից Շիրակի մարզում անցել են ճանապարհների ձմեռային սպասարկման: 4 կազմակերպություններ են ստանձնել 5 տարածաշրջանների ճանապարհների սպասարկումը, ինչը դժվարացնում է տեխնիկայի պակասը: Ընկերությունները բեռնատարները պատերազմի օրերին ուղարկել են Արցախ։

«Ռազմական դրության ժամանակ ունեցած տեխնիկան տրամադրվել է գործողությունների, հիմա փորձում ենք շատ խիստ ռեժիմով կուտակել աղավազային խառնուրդ ձմռանը սպասարկման աշխատանքներ կատարելու համար»,- ասել է Խաչատուր Խնձրցյանը:

Հիմա սպասարկող ընկերությունները, քիչ տեխնիկայով, զբաղված են աղ ու ավազի պահեստավորմամբ: Աշոցքի ճանապարհներին մերկասառույց է և սպասարկման անհրաժեշտություն արդեն կա:

Բոլոր լուրերը

Կապակցված լուրեր

Իրավիճակը՝ ՀՀ ավտոճանապարհներին

12:51 29.03.2024

Իրավիճակը՝ ՀՀ ավտոճանապարհներին

Մարտի 29-ին՝ ժամը 12։30-ի դրությամբ, միջպետական և հանրապետական նշանակության բոլոր ավտոճանապարհները բաց են: Այս մասին հայտնում է «Ճանապարհային դեպարտամենտը»։ ...

Հայաստանն առաջին անգամ կմասնակցի ԵՄ երկրների խորհրդարանների նախագահների հավաքին

11:34 29.03.2024

Հայաստանն առաջին անգամ կմասնակցի ԵՄ երկրների խորհրդարանների նախագահների հավաքին

Հայաստանն ապրիլին առաջին անգամ կմասնակցի Եվրամիության երկրների խորհրդարանների նախագահների՝ Իսպանիայում կայանալիք հավաքին: «Արմենպրես»-ի փոխանցմամբ՝ այս մասին ասել է Ազգային ժողովի նախագահ Ալեն Սիմոնյանը Հանրային հեռուստաընկերությանը տված հարցազրույցում: «Առաջին անգամ Հայաստանը մասնակցելու է ԵՄ երկրների ԱԺ նախագահների հավաքին, որը տեղի է ունենալու Իսպանիայում գալիք ամսվա կեսերին: Հայաստանն առաջին անգամ է հրավիրված»,–ասել է Սիմոնյանը: ԱԺ նախագահի տեղեկությամբ՝ […] ...

Օդային ճանապարհով փորձ է արվել ՀՀ ներմուծել առանց հայտարարագրման բջջային հեռախոսներ

11:13 29.03.2024

Օդային ճանապարհով փորձ է արվել ՀՀ ներմուծել առանց հայտարարագրման բջջային հեռախոսներ

ՀՀ ՊԵԿ էլեկտրոնային առևտրի և օդային տրանսպորտով իրականացվող փոխադրումների վարչությունում օրերս հայտնաբերվել է մաքսային կանոնների խախտման նոր դեպք։ Աբու-Դաբի-Երևան չվերթով ՀՀ ժամանած քաղաքացին ՊԵԿ Էլեկտրոնային առևտրի և օդային տրանսպորտով իրականացվող փոխադրումների վարչության ուղևորների մաքսային հսկողության բաժնում հատել է «Կանաչ ուղի» մուտքի գիծը, որը համարվում է մաքսային հայտարարագրման ենթակա ապրանքների բացակայության մասին ֆիզիկական անձի կողմից արված […] ...

Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն

10:51 29.03.2024

Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն

Հայաստանի Ազգային ժողովի նախագահ Ալեն Սիմոնյանը մանրամասներ է ներկայացրել Ադրբեջանի Միլի Մեջլիսի նախագահ Սահիբա Գաֆարովայի հետ Ժնևում կայացած հանդիպումից։ «Արմենպրես»-ի փոխանցմամբ՝ Հանրային հեռուստաընկերության տված հարցազրույցում Ալեն Սիմոնյանը նշել է, որ դա առաջին հանդիպումն էր Հայաստանի և Ադրբեջանի խորհրդարանների ղեկավարների միջև։ «Աննախադեպ բան տեղի ունեցավ։ Առաջարկը Միջխորհրդանական միության կողմից էր, որի շրջանակներում էլ այդ հանդիպումը տեղի […] ...

Քննարկվել են Հայաստանի և Կորեայի միջև համագործակցության հնարավորությունները շրջակա միջավայրի պահպանության և վերականգնվող էներգետիկայի ոլորտներում

10:41 29.03.2024

Քննարկվել են Հայաստանի և Կորեայի միջև համագործակցության հնարավորությունները շրջակա միջավայրի պահպանության և վերականգնվող էներգետիկայի ոլորտներում

Էկոնոմիկայի նախարար Գևորգ Պապոյանը մարտի 28-ին ընդունել է Կորեայի Հանրապետության ԱԳ նախարարի քաղաքական հարցերով տեղակալ Չուն Բյունվոնի գլխավորած պատվիրակությանը՝ հայ-կորեական տնտեսական համագործակցության հեռանկարները քննարկելու նպատակով: Հանդիպմանը ներկա է եղել նաև նախարարի տեղակալ Ռաֆայել Գևորգյանը։ Քննարկվել են համագործակցության հնարավորությունները շրջակա միջավայրի պահպանության և վերականգնվող էներգետիկայի, մասնավորապես՝ թափոնների կառավարման, պլաստիկի վերամշակման, քամու, արևային էներգիայի արտադրության և կանաչ […] ...

Երիտասարդական մայրաքաղաք Գավառում տրվել է միջոցառումների պաշտոնական մեկնարկը

10:33 29.03.2024

Երիտասարդական մայրաքաղաք Գավառում տրվել է միջոցառումների պաշտոնական մեկնարկը

ՀՀ 2024 թ. երիտասարդական մայրաքաղաք Գավառում տրվել է միջոցառումների պաշտոնական մեկնարկը։ Միջոցառմանը ներկա են եղել ՀՀ ԿԳՄՍ նախարար Ժաննա Անդրեասյանը, ՀՀ-ում ԵՄ պատվիրակության ղեկավար Վասիլիս Մարագոսը, նախարարի տեղակալ Արթուր Մարտիրոսյանը, Գեղարքունիքի մարզպետ Կարեն Սարգսյանը, Գավառ համայնքի ղեկավար Գուրգեն Մարտիրոսյանը, պաշտոնատար այլ անձինք։ Ծրագրի մեկնարկը տրվել է Գավառի Լևոն Քալանթարի անվան պետական դրամատիկական թատրոնում։ Մինչ միջոցառումը՝ […] ...

BACK_TO_TOP