12:30 02.12.2020
ՊՊԾ գնդի գրավման գործով 10 ամբաստանյալների՝ Պավել Մանուկյանի, Վարուժան Ավետիսյանի, Արմեն Բիլյանի և մյուսների դատաքնությունն այսօր վերսկսվեց: Ամբաստանյալներ Արմեն Բիլյանի և Պավել Մանուկյանի շահերի պաշտպան, հանրային պաշտպան Դիանա Բարսեղյանի փոխարեն դատարանը ներգրավվեց այլ հանրային պաշտպանի՝ Աննա Ծառուկյանին:
Պաշտպան Տիգրան Եգորյանը միջնորդություն էր ուղարկել դատարան նիստը հետաձգելու մասին՝ այն հիմնավորմամբ, որ կնոջ հայրը կորոնավիրուսով է վարակված, և ինքը կոնտակտավոր անձ է, չի կարող ներկայանալ: Դատավոր Մեսրոպ Մակյանը մերժեց միջնորդությունը, քանի որ դատական վիճաբանությունների փուլում են, չկա վկաների հարցաքննություն, և պետք է հնչեն մեղադրական ճառեր, պաշտպան Եգորյանը կարող է դրանց ծանոթանալ ձայնագրության միջոցով:
Բացի այդ, ամբաստանյալներն ապահովված են հանրային պաշտպաններով: Պաշտպան Զարուհի Փոստանջյանը միջնորդեց թույլատրել Պավել Մանուկյանին մասնակցել դատական նիստին, թեև նրա սանկցիայի ժամկետն ավարտված չէ:
Հիշեցնենք՝ դատարանը նրա նկատմամբ սանկցիա էր կիրառել և հեռացրել էր՝ դիմակ չկրելու համար: Դատավոր Մեսրոպ Մակյանը նշեց, որ Պավել Մանուկյանը սուր ինֆարկտ է տարել, որը նրան այժմ ազատում է դիմակ կրելու պարտադրանքից: Դատարանը վերանայեց իր որոշումը և թույլատրեց Պավել Մանուկյանին մասնակցել նիստերին: Նիստին ներկա էր ոստիկանության ներկայացուցիչ Արթուր Առուստամյանը:
Նա հայցադիմում ներկայացրեց ավելի քան 69 մլն դրամի բռնագանձման պահանջով, որը պետք է տարածվի բոլոր ամբաստանյալների վրա։ Այդ գումարը, ըստ ոստիկանության ներկայացուցչի, ձևավորվել է ՊՊԾ գնդի տարածքում մեքենաների հրկիզման և շենք-շինությունների վնասման հետևանքով: Դատարանն ընդունեց հայցադիմումը, ոստիկանությանը ճանաչեց որպես տուժող, իսկ ամբաստանյաներին՝ որպես քաղաքացիական պատասխանող: Դատարանում այսօր պետք է հնչեին պաշտպանական ճառեր, սակայն Պավել Մանուկյանն ասաց, որ ինքը հիմա պաշտպանական ճառով հանդես չի գա, քանի որ «հայրենազրկման վտանգի առջև ենք կանգնած»: Արմեն Բիլյանն էլ ասաց․ «Ի՞նչ ճառի մասին է խոսքը, երկիրը խայտառակ վիճակում է»:
00:00 07.05.2025
Ստեփանծմինդա-Լարս ավտոճանապարհը բաց է
00:00 07.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:59 06.05.2025
Ասթմայի և օդի աղտոտվածության փոխադարձ կապի մասինԱմեն տարի՝ մայիսի առաջին երեքշաբթին (այս տարի՝ մայիսի 6-ին), համաշխարհային օրացույցում Ասթմայի միջազգային օրն է։ Ասթմայի համաշխարհային օրը մեզ հիշեցնում է, որ օդի աղտոտվածության և ասթմայի միջև կապը փոխադարձ է։ Օդի աղտոտվածությունը նպաստում է ասթմայի զարգացմանը, հատկապես երեխաների մոտ։ Իսկ նրանց համար, ովքեր արդեն ապրում են ասթմայով, վատ օդի որակը խորացնում է ախտանիշերը և սահմանափակում […] ...
23:57 06.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:51 06.05.2025
Տեղի է ունեցել «Քաղաքացիական պայմանագիր» կուսակցության Վարչության նիստՄայիսի 6-ին տեղի է ունեցել «Քաղաքացիական պայմանագիր» կուսակցության Վարչության նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։ Վանաձորի Տարածքային կազմակերպության խորհրդի նախագահի պաշտոնում հաստատվել է Արամ Ղազարյանի թեկնածությունը։ Քննարկվել են Երևան և Վաղարշապատ համայնքների ավագանիների «Քաղաքացիական պայմանագիր» խմբակցությունների աշխատանքին առնչվող, ինչպես նաև այլ կուսակցական հարցեր։ ...
23:49 06.05.2025
Ուրախ եմ, որ ձեր օրակարգում Շիրակը պակաս առանցքային տեղ չունի․ մարզպետը՝ ԵՄ դեսպանինԱմեն տարի մայիսին Եվրոպան նշում է Եվրոպայի օրը։ Խաղաղություն ու միասնություն խորհրդանշող տոնական միջոցառումների մեկնարկն այսօր տրվել է Գյումրուց։ Միջոցառմանը ներկա է գտնվել Շիրակի մարզպետ Դավիթ Առուշանյանը կնոջ հետ։ Այս մասին հայտնել են Շիրակի մարզպետի աշխատակազմից: Ողջունելով միջոցառման մասնակիցներին՝ Շիրակի մարզպետը կարևորել է նմանօրինակ միջոցառումների անցկացումը՝ ընդգծելով դիվանագիտական ճակատում կանգնած մարդկանց աշխատանքի կարևորությունն ու դրական, […] ...
23:44 06.05.2025
ԲՏԱ նախարարն այցելել է Իջևան՝ տեղում ծանոթանալու տեխնոլոգիական առաջընթացին ու զարգացման հնարավորություններինՀՀ ԲՏԱ նախարար Մխիթար Հայրապետյանը Ֆեյսբուքի իր էջում տեղեկացրել է, որ այսօր ԱՏՁՄ հրավերով այցելել է Իջևան՝ տեղում ծանոթանալու տեխնոլոգիական առաջընթացին ու զարգացման հնարավորություններին։ ««ԻննոԻջևան»-ի «Իրական դպրոցում» ծանոթացա, թե ինչպես է կրթական ծրագիրը կապում դպրոցական ուսուցումը գործնական հմտություններին՝ ձևավորելով ոլորտի պահանջներին համապատասխան երիտասարդ մասնագետներ։ Կարևոր կանգառ էր նաև Իջևանի թիվ 1 դպրոցի «Արմաթ» աշխատանոցը, որտեղ […] ...
