Հավաքական անվտանգության պայմանագրի կազմակերպության Հավաքական անվտանգության խորհրդի հռչակագիրը

ՀԱՊԿ հավաքական անվտանգության խորհրդի անդամները խորհրդի նիստի արդյունքում հռչակագիր է ընդունվել, որում ասվում է․

«ՀԱՊԿ-ը գոյության տարիների ընթացքում միջազգային և տարածաշրջանային  հեղինակավոր կառույցների շարքում արժանի տեղ է զբաղեցնում, դարձել է տարածաշրջանում կայունությանը և կայուն զարգացմանն աջակցող գործուն կառույց։ Կազմակերպությունը Հավաքական անվտանգության համալիր ապահովման արդյունավետ բազմաֆունկցիոնալ կառույց է և լիովին համապատասխանում է Խաղաղության, միջազգային և տարածաշրջանային անվտանգության ամրապնդման նպատակներին ՝ միջազգային իրավունքի համընդհանուր ճանաչված նորմերի և սկզբունքների հիման վրա:

ՀԱՊԿ անդամ հանրապետությունները հաստատում են իրենց պատրաստակամությունը՝ կյանքի կոչել հավաքական անվտանգության համաձայնագրի պայմանները, կանոնադրությունը, հիմնարար փաստաթղթերը և հավաքական անվտանգության խորհրդի որոշումները , որոնք որոշում են կազմակերպության զարգացման հիմնարար ուղղությունները, այդ թվում՝ ՀԱՊԿ  հավաքական անվտանգության 2025 թվականի ռազմավարությունը։

Մեծ հայրենականում տարած հաղթանակի 75-ամյակի տարում ՀԱՊԿ անդամ երկրները անհանգստությամբ են նշում աշխարհում անվտանգության ապահովման մեխանիզմների դեգրադացման, այդ թվում՝ եվրասիական տարածքում լարվածության շարունակական էսկալացիայի մասին։

ՀԱՊԿ-ը կմեծացնի իր մասնակցությունը՝ ուղղված  խաղաղության և անվտանգության հաստատման գլոբալ ջանքերին՝ հետևողականորեն հանդես գալով միջազգային և տարածաշրջանային կոնֆլիկտների լուծման օգտին, նախևառաջ` զինված, բացառապես խաղաղ, քաղաքական-դիվանագիտական միջոցներով և միջազգայնորեն ընդունված բանակցային ձևաչափով` ելնելով համընդհանուր սկզբունքներից և միջազգային իրավունքի նորմերից։ Այդ նպատակով ՀԱՊԿ անդամ պետությունները կշարունակեն համատեղ խորհրդակցությունների պրակտիկան։

COVID-19-ի համավարակով պայմանավորված և ի նկատի ունենալով նոր համաճարակի բռնկման ռիսկերը և սանիտարաէպիդեմիոլոգիական բարենպաստ պայմաններ ստեղծելու համար՝  ՀԱՊԿ անդամ երկրները մտադիր են շարունակել փորձի փոխանակումը ինֆեկցիոն հիվանդությունների դեմ պայքարի, մասնագետների պատրաստման, արտակարգ իրավիճակներում արձագանքման և մոնիթորինգային համակարգի կատարելագործման գործում։

ՀԱՊԿ անդամ պետությունները ողջունում եմ փոխադարձ աջակցությունը, միմյանց հումանիտար օգնության ցուցաբերումը և COVID-19-ի դեմ պայքարում համագործակցությունը։

ՀԱՊԿ անդամ պետությունները արձանագրում են ԱՀԿ-ի համակարգող դերը սանիտարաէպիդեմիոլոգիական բնույթի վտանգների կանխարգելման հարցում և հանդես են գալիս նրա պոտենցիալը բարձրացնելու օգտին։
Աջակցում և իրենց համերաշխությունն են հայտնում նոր տիպի կորոնավիրուսի համավարակով պայմանավորված աշխարհի  բոլոր անկյուններում խաղաղության հաստատման և կրակի դադարեցման մասին ՄԱԿ-ի գլխավոր քարտուղարի կոչին։

ՀԱՊԿ-ը շարունակում է խորացնել համագործակցությունը ՄԱԿ-ի և դրա մասնագիտացված կառույցների հետ այն ոլորտներում, որոնք ներկայացնում են ընդհանուր շահեր, այդ թվում՝ ՄԱԿ-ի խաղաղության ամրապնդմանն ուղղված օպերացիաներում ՀԱՊԿ խաղաղապահ ուժերի ներգրավում։
ՀԱՊԿ անդամ պետությունները աջակցում են ՄԱԿ -ի գլխավոր ասամբլեայի 75-րդ գագաթնաժողովում ընդունված բանաձևը, որը վերաբերում է ՄԱԿ-ի և ՀԱՊԿ-ի միջև համագործակցությանը։

ՀԱՊԿ անդամ պետությունները բարձր են գնահատում Նյու Յորքում Ռուսաստանի նախագահությամբ անցկացված ՄԱԿ-ի անվտանգության  խորհրդի, ՀԱՊԿ, ԱՊՀ և Շանհայան համագործակցության կազմակերպության ներդրումը ահաբեկչության դեմ պայքարում թեմայով նիստը, ինչպես նաև Վիեննայում Տաջիկստանի նախագահությամբ անցկացված պլենար ԵԱՀԿ անվտանգության ոլորտի հանդիպումը։

ՀԱՊԿ անդամ պետությունները դատապարտում են ահաբեկչության ցանկացած դրսևորում, մտադիր են մեծացնել ահաբեկչության դեմ պայքարին ուղղղված համատեղ ջանքերը Անվտանգության խորհրդի  և հակաահաբեկչական գլոբալ ռազմավարության ճանապարհով, որը ընդունվել է 2019-ի նոյեմբերի 28-ին Բիշքեկում։

ՀԱՊԿ անդամ պետությունները արձանագրում են խաղաղության հասնելու համար Ղազախստանի կողմից նախաձեռնված օրենսգրքի կարևորությունն ու արդիականությունը, որն ուղղված է ՄԱԿ-ի հակաահաբեկչական  ճարտարապետությաննու միջազգային համագործակցության ամրապնդմանը։ Միևնույն ժամանակ, ՀԱՊԿ անդամ երկրները կմեծացնեն ջանքերը միջազգային ահաբեկչության վտանգն արտահայտելու ուղղությամբ, այդ թվում՝ կապված ֆինանսավորման, ահաբեկիչների, որպես վարձկանների պատրաստման, նրանց հակամարտության գոտիներից վերադարձման հետ։

ՀԱՊԿ անդամ երկրները հայտնում են իրենց պատրաստակամությունը միջազգային ահաբեկչության դեմ համատեղ պայքարին ուղղված քայլեր ձեռնարկելու, նրանց բազաների վնասազերծման հարցում։ Արձանագրում են առաջին անգամ 2019 թվականին ՀԱՊԿ տարածքում անցկացված օպերատիվ միջոցառման արդյունավետությունը։ ՀԱՊԿ անդամ պետությունները Մերձավոր Արևելքում ստեղծված իրավիճակով պայմանավորված՝ նշում են ահաբեկիչ վարձկանների վտանգի մասին։
ՀԱՊԿ անդամ երկրները աշխատանքներ են տանելու նման անձանց, նրանց տեղաշարժի մասին տեղեկությունների փոխանակման ուղղությամբ, համագործակցությունը կշարունակվի համապատասխան գերատեսչությունների մակարդակով։

ՀԱՊԿ անդամ երկրները աջակցում են համատեղ աշխատանքը ուղղված ծայրահեղական գործողությունների դեմ , այդ թվում՝ ՀԱՊԿ անվտանգության խորհրդի քարտուղարների խորհրդի ներքո ստեղծված ծայրահեղականության և ահաբեկչության դեմ պայքարի աշխատանքային խմբի շրջանակներում։

ՀԱՊԿ անդամ երկրները դրական են գնահատում Աղֆանստանի հարցով ՀԱՊԿ արտաքին գործերի նախարարների խորհրդի ներքո ստեղծված աշխատանքային խմբի գործունեությունը և նշում են նրա համագործակցությունը Շանհայի համագործակցության  կազմակերպության  տարածաշրջանային հակաահաբեկչական կառույցի հետ։
Հավաքական անվտանգության երկրներին սպառնացող վտանգների ժամանակին հավաստանշման  և իրավիճակի մոնիթորինգի նպատակով երկրները դիտարկում են  ՀԱՊԿ տեղեկատվական, վերլուծական կենտրոնի ստեղծման հնարավորությունը։

ՀԱՊԿ անդամ պետությունները արձանագրում են 2015-2020թթ․ ՀԱՊԿ հակաթմրամիջոցային ռազմավարության արդյունավետությունը։ Ընդգծում են ՌԴ-ի փորձը Սիրիայի Արաբական Հանրապետությունում ահաբեկչական խմբավորումների դեմ պայքարում։
ՀԱՊԿ անդամ երկրները շարունակում են համատեղ զորավարժությունների անցկացումը։

Մտադիր են, նոր մարտահրավերներին և սպառնալիքներին դիմագրավելու նպատակով շարունակել ՀԱՊԿ օպերատիվ արձագանքման  համատեղ ուժերի համալրումը ժամանակաից զինատեսակներով, ռազմական և հատուկ տեխնիկայով։

ՀԱՊԿ անդամ երկրները հաստատում են, որ ՀԱՊԿ շրջանակներում համագործակցությունն ուղղված չէ երրորդ երկրների դեմ և ծառայում է անդամ հանդիսացող պետությունների, ինչպես նաև եվրասիական տարածքում անվտագնության երաշխավորմանը։

ՀԱՊԿ անդամ երկրները մտադիր են աջակցել կազմակերևպության հետագա զարգացմանը, մեծացնել համագործակցությունը ՀԱՊԿ գործունեության բոլոր ոլորտներում, բարձր են գնահատում կազմակերպությունում 2019-2020թթ․ Ռուսաստանի նախագահությունը, որը  նպաստել է  ՀԱՊԿ անդամ երկրների միջև դաշնակցային հարաբերությունների զարգացմանը»։