Գյումրիի «Բարեկամության այգու» կառուցման ճարտարապետական նախագծերի մրցույթի հաղթողներն հայտնի են

Գյումրիի «Բարեկամության այգու» վերականգման ծրագիրը ֆինանսավորող «Հայաստանի զարգացման նախաձեռնություններ» (IDeA) բարեգործական հիմնադրամը նախագծերի մրցույթ հայտարարել էր  հուլիսին,ներկայացվել էր 84 հայտ  աշխարհի 16 երկրների 34 քաղաքներից:

Միջազգային մասնագիտական  ժյուրին ընտրությունը կատարել է առցանց քվեարկությամբ: Գնահատման մի քանի պարտադիր  չափորոշիչներ են հաշվի առել ՝ ֆունկցիոնալությունը, էկոլոգիականությունը։ Ճարտարապետական ինչ  լուծումներ են առաջարկել , ինչպիսի ենթակառուցվաքծներ է ունենալու այգին ․․․ նախագծողները բազմաթիվ  մտահղացումներ են ներկայացրել , որոնցից ընտրվել են 3 լավագույն նախագծերը։Հեղինակները երկու կազմակերպություններ են ,որոնցից մեկը հայաստանյան է, մյուսը՝ռուսաստանյան։

«Բարեկամության այգին» քաղաքի ամենամարդաշատ, ժամանցային սիրված անկյուններից է եղել, որն ինչպես Գյումրիի այլ  տարածքներ 88-ից հետո վերածվեցին տնակային ավանների։ Հիմա և առայժմ՝ «ուրվական» տարածք է հիշեցնում։Տնակներից նախկին այգին մաքրվել է անցած տարի, այն նորից հանգստի գոտու վերածելու նպատակով ։

7 հեկտարից ավելի տարածքում հիմնվելու է նոր , արդի լուծումներով ժամանցի վայր և զբոսայգի: Զբոսայգում հատուկ ու կարևոր  հատված են զբաղեցնելու  վերնիսաժային տաղավարները ,որոնց դիզայնը մշակելիս նախագծողներն օգտագործել են հայկական ճարտարապետությանը բնորոշ  տարրերը,որոնք իրենց նախշերով հիշեցնում են հայկական նրբաճաշակ գորգ:

Տաղավարները լինելու են բազմաֆունկցիոնալ` նախատեսված   ցուցահանդեսների,տոնավաճառների և արհեստավորների  վարպետության դասեր անցկացնելու համար: Ըստ Գյումրիի զարգացման ծրագրի ղեկավար Ելենա Մուրադյանի, այստեղ  ամեն բան  պատմելու է Գյումրիի մասին ու  ներկայացվելու են մշակութային քաղաքի առանձնահատկությունները:

«Գյումրին կարիք ունի  արվեստների ու արհեստների  մեծ պոտենցիալ և կարողությունների ներկայացման  անհրաժեշտություն, այդ իմաստով  վերնիսաժի զոնան դա պարտադիր մի կոմպոնենտ  է, որը այգում տեղ է գտել»– նշում է  IDeA բարեգործական հիմնադրամի Գյումրիի զարգացման ծրագրի ղեկավարը։

Այգին նաև հայտնի կդառնա խաղահրապարակներով ու  ժամանցային  կենտրոններով , որոնցում լինելու են  եզակի ատրակցիոններ ու կառուսելներ:Դրանք արդեն ներկրվել են , պահեստավորված են Գյումրիում:Նոր կոնցեպտում հաշվի են առնվել նաև  սպորտային  քաղաքի համբավն ու ներուժը ։

«Գաղտնիք կարող եմ բացահայտել,որ օրինակ՝ սպորտային ամբողջ զոնան իր գույներով կրկնօրինակում է Գյումրիի   յուրահատուկ դռների ու պատուհանների գույները,այսինքն յուրաքանչյուր   կոմպոնենտ, այգում տեղադրվող, կկրի ինչ- որ մի արժեք քաղաքային »,- նշում է ծրագրի ղեկավարը։

Անխնամ դարձած այգում, պարզվում է, կան նաև եզակի ծառատեսակներ, որոնք կատարված մասնագիտական  ուսումնասիրություններով ենթակա են պահպանման ։Այդ ծառատեսակները  հատել կամ տեղափոխել չի  թույլատրվում:

Ծրագրի ղեկավարը  այգու կառուցապատման մեկնարկի ժամկետ նշում է 2021 թվականի գարունը՝ շեշտելով ,որ նախագծային աշխատանքներից , մրցույթներից անցկացումից  մինչև կառուցապատում դեռ ժամկետների խախտումներ չեն եղել, գործընթացին  չեն խանգարել նաև համավարակն ու ռազնական դրությունը, չի  փոխվելու նաև անունը ՝«Բարեկամության այգի» :Զբոսայգին կդառնա հնի ու նորի համադրման խորհրդանիշ, որի շահագործման տարին  2022 թվականն է ։