19:30 07.12.2020
Դեկտեմբերի 7-ին հաջորդած օրերին ավերակ քաղաքում կազմակերպվեցին անհետ կորած մարդկանց փնտրելու, գտնելու աշխատանքներ, բացվեցին որոնումների շտաբներ, որոնք փորձում էին կանոնակարգել հազարավոր զոհերի հուղարկավորության ու ողջ մնացածներին օգնելու հարցերը։
Այդ օրերին էր, որ նաև Լենինականի միակ թերթի խմբագրությունը դարձավ ընտանիք, երեխա ու ծնող կորցրած գյումրեցիների համար օգնության օղակ։ «Հիշողություն» թերթը տեղեկություն ստանալու և փոխանցելու հուսալի միջոց էր։ «Հիշողության» էջերում լույս էին տեսնում մարդկային ճակատագրերի մասին պատմությունները։
Քաղաքային գրադարանում պահվող «Հիշողություն» հավելվածի հավաքածուն 32 տարի անց դարձել է աղետի թողած ծանր ժառանգության պատմագիրը: Թերթն այդ օրերին ամեն մի ընտանիքի համար օդ ու ջրի պես պահանջված էր։ Օր օրի տպաքանակն ավելանում էր, մարդկային պատմությունները՝ ևս։
«Մարդիկ գալիս էին խմբագրություն իրենց հարազատների լուսանկարներով, պատմում նրանց խեղված ճակատագրերի, խորտակված երազանքների մասին։ Լրագրողների հետ հոգեհարազատ զրույցները, իրենց ապրածն ու տեսածը թերթի էջերին հանձնելը մի փոքրիկ սփոփանք ու մխիթարություն էր շատ-շատերի համար»,- հիշում է «Կումայրի» թերթի նախկին լրագրող Անահիտ Նորիկյանը:
Հիշողությունները լրագրողին թերթի ստեղծման օրեր տարան։ Մարդկային ամենատարբեր պատմություններն ընդհատված կյանքերի ու ճակատագրերի մասին էին: Անահիտ Նորիկյանը մինչև հիմա չի մոռացել փլատակների տակ մնացած 14 տարեկան տղայի կյանքի ու մահվան պայքարի պատմությունը։
«14 տարեկան տղան մնալով փլատակների տակ 12 օր, կյանքի ու մահու պայքար էր մղել և 12 օրից հետո ողջ ու առողջ կարողացել էին հանել այդ փլատակներից: Դա իսկական հրաշք էր, և այդ հրաշքը երբեք չեմ մոռանա»,- ասում է Անահիտ Նորիկյանը:
12 օր փլատակների տակ մնացած 14 տարեկան պատանին Արթուր Հարությունյանն է, որի պատմությունը 32 տարի առաջ հուզել էր բոլորին։ Նա ապրում է Գյումրիում։ 32 տարի անց հիշում է, թե ինչպես ցնցումներից հետո մի քանի վայրկյանում հայտնվեց բետոնե սալերի արանքում:
«Ամեն անգամ էդ պահերը կհիշեմ, էդ ապրումները նորից կունենամ, կինոյի պես աչքիս դեմը կուգան ու կերթան»,- այդ օրերի ծանր հիշողություններն անջնջելի են հրաշքով փրկված Արթուրի համար:
Օր օրի փլատակների տակ շարժումները սահմանափակվել են, պատմում է՝ երբեմն կորցրել է գիտակցությունը, գիշերն ու ցերեկը տարբերել փլատակների վրա աշխատող տեխնիկայից ու մարդկանց ձայներից։ Իսկ ծարավն ու քաղցը Արթուրն հագեցրել է պարանոցին եղած կախազարդով։
«Փոշուց արդեն բերանս չորացել էր, մեդալիոնը գցած էր պարանոցիցս, ներժից մեդալիոն էր, պաղ էր ինքը: Էդ մեդալիոնը կդնեի բերանս, որ սառնությունը զգայի, ծարավս հագենար: Հետո մոտս ծամոն կար, էդ ծամոնը կծամեի»։
Տեխնիկան, երբ դադարել է աշխատել, հավաքել է ուժերն ու ձայն տվել․
«Իմ կարծիքով՝ բարձր կգոռայի հոպարիս տղայի անունը, բայց իրականում ձայնս շատ ցածր է եղել ու անլսելի: Հոպարիս տղան լսեց ձայնս ու սկսեցին ձեռքերով ու փոքր բահերով քանդել փլատակներն ու ինձ հանեցին: Էսօրվա պես կհիշեմ՝ շատ մեծ փաթիլներով ձյուն էր, բերանս բացեցի, որ մի հատ փաթիլ ընկներ, որ ծարավս հագենար»։
12 օր փլատակների տակ ողջ մնացած Արթուրի ոտքերը փրկելու համար տեղացի բժիշկների հետ պայքարել են այդ օրերին Հայաստան ժամանած ամերիկացի մասնագետները։ Արթուրն իր ոտքերի վրա ամուր կանգնած է, ամեն մի դժվար ու ծանր աշխատանք կատարում է։ 88-ի օրերի պատմությունն անջնջելի հիշողություն է, որը երբեք չի լքում իրեն։ Հենց «Հիշողություն» թերթում իր մասին տպագրված հոդվածի միջոցով տարիներ անց Արթուրին փնտրում ու գտնում է այն բժիշկը, որը քայլելու կարողությունը վերադարձրեց նրան։
14:12 04.08.2025
2 ոսկե և 2 բրոնզե մեդալ՝ Մաթեմատիկական միջազգային ուսանողական օլիմպիադայումՄաթեմատիկական միջազգային ուսանողական օլիմպիադայում Հայաստանի մասնակիցները նվաճել են 2 ոսկե և 2 բրոնզե մեդալներ: Մաթեմատիկական միջազգային ուսանողական 32-րդ օլիմպիադան (International Mathematics Competition) տեղի է ունեցել հուլիսի 28-ից օգոստոսի 3-ը, որին մասնակցել են աշխարհի 73 համալսարանի թիմեր (434 ուսանողներ): Ռուբեն Համբարձումյանը և Վահրամ Ասատրյանն արժանացել են ոսկե, իսկ Ստեփան Գևորգյանն ու Նարեկ Հովեյանը՝ բրոնզե մեդալների: Ուսանողական […] ...
14:02 04.08.2025
ՃՏՊ՝ հրդեհի բռնկմամբ. կա տուժածՕգոստոսի 4-ին, ժամը 07։09-ին Վայոց ձորի մարզային փրկարարական վարչության ճգնաժամային կառավարման կենտրոն ահազանգ է ստացվել, որ «Զանգեր» կոչվող հատվածում տեղի է ունեցել ՃՏՊ՝ ավտոմեքենաներից մեկում հրդեհ է բռնկվել․ կա տուժած։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Երևան-Մեղրի ավտոճանապարհի 168-րդ կմ-ին բախվել են «Kia» և […] ...
13:53 04.08.2025
Խաչանովը հաղթել է Ռուդին և դուրս եկել Տորոնտոյի մրցաշարի քառորդ եզրափակիչՌուսաստանը ներկայացնող հայազգի թենիսիստ, աշխարհի 16-րդ ռակետ Կարեն Խաչանովը Տորոնտոյի «Մասթերսում» դուրս է եկել քառորդ եզրափակիչ: 1/8 եզրափակչում նա 6-4, 7-5 հաշվով հաղթել է 13-րդ ռակետ Կասպեր Ռուդին: Հայ թենիսիստի հաջորդ մրցակիցը կլինի ԱՄՆ-ի ներկայացուցիչ, աշխարհի 34-րդ ռակետ Ալեքս Միխելսենը: ...
13:45 04.08.2025
Վերականգնման աշխատանքներ՝ Շատիվանք վանական համալիրում և Գնդեվազի Սբ Աստվածածին եկեղեցումՀՀ կրթության, գիտության, մշակույթի և սպորտի նախարարության և «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի մասնագետներն այցելել են Վայոց ձորի մարզի Շատիվանք վանական համալիր և Գնդեվազի Սբ Աստվածածին եկեղեցի, որտեղ ԿԳՄՍՆ ֆինանսավորմամբ իրականացվում են վերականգնման աշխատանքներ։ Շատիվանքում մասնագետները ծանոթացել են «Հնագիտության և ազգագրության ինստիտուտ» ՊՈԱԿ-ի կողմից ԿԳՄՍ նախարարության ֆինանսավորմամբ իրականացվող պեղումների արդյունքներին։ Մասնավորապես, պեղումների […] ...
13:32 04.08.2025
Հանրապետության որոշ հատվածներում սպասվում է նաև բարձր կարգի հրդեհավտանգ իրավիճակՀարավից արևադարձային տաք օդի ալիքի ներթափանցմամբ պայմանավորված՝ օգոստոսի 4-9-ին Արարատյան դաշտում, Վայոց ձորի նախալեռներում, Սյունիքի հովիտներում և Երևանում սպասվում է բարձր ջերմային ֆոն․ ցերեկը ժամը 16։00-17-00- ն ընկած ժամանակահատվածում՝ +39․․․+41 աստիճան տաքություն։ Նշված հատվածներում, ինչպես նաև Արագածոտնի և Կոտայքի նախալեռներում առաջիկա 5 օրերին սպասվում է նաև բարձր կարգի հրդեհավտանգ իրավիճակ։ ...
13:20 04.08.2025
Բարսեղյանի գոլն ու գոլային փոխանցումը նպաստել են «Սլովանի» հաղթանակինՀայաստանի ազգային հավաքականի հարձակվող Տիգրան Բարսեղյանը Սլովակիայի առաջնության երկրորդ տուրի խաղում գոլ և գոլային փոխանցում է գրանցել «Պոդբրեզովայի» դեմ տնային խաղի 10-րդ րոպեին, Բարսեղյանի ասիստից հետո Դավիդ Ստրելեցը առաջ է մղել Բրատիսլավայի «Սլովանին», իսկ առաջին խաղակեսին ավելացված առաջին րոպեին 31-ամյա հայ ֆուտբոլիստը 11-մետրանոցից գոլ է խփել: Վլադիմիր Վայսի թիմը հաղթել է 4-1 հաշվով: Գործող չեմպիոնը […] ...
