Լրացված իրականությունն ու խեցիների լրացված ցուցանմուշները Գյումրիի Ասլամազյան քույրերի պատկերասրահում 

Մարիամ և Երանուհի Ասլամազյան քույրերի պատկերասրահում առաջին անգամ կիրառվել է  լրացված իրականության ձևաչափը, որի միջոցով նկարչուհիների կտավները խոսում են այցելուների հետ։Ժամանակակից տեխնոլոգիական  լուծումները հավակնում են լրացուցիչ գրավչություն դառնալ զբոսաշրջության տեսանկյունից։Պատկերասրահում նաև  առաջին անգամ ցուցադրության են հանվել  ժողովրդական  նկարչուհի Երանուհի Ասլամազյանի 80-ականներից «Կումայրի» արգելոցի ֆոնդերում պահվող  խեցեգործական ժառանգությունը։

ԽՍՀՄ և ՀԽՍՀ ժողովրդական և վաստակավոր նկարչուհի Մարիամ Ասլամազյանը ինքնադիմանկարից՝ լրացված իրականության տեխնոլոգիայի կիրառման շնորհիվ «խոսեց» ներկաների հետ, նույն տեխնոլոգիայի շնորհիվ «պատրաստ» է իր «Տարբեր տարիների դիմանկարի» ստեղծման  պատմությունը ներկայացնել պատկերասրահի  յուրաքանչյուր այցելուի   հայերենով, ռուսերենով, անգլերենով։ 

 Մարիամ և Երանուհի Ասլամազյան քույրերի պատկերասրահի և Արլուպա կազմակերպության  համագործակցության արդյունքում ստեղծված եռալեզու հավելվածը հնարավորություն է տալիս Ասլամազյան քույրերի  երկու կտավների անիմացիոն տարբերակներով լսել նկարի ստեղծման, թաքնված իմաստների և նախապատմությունների մասին։

«Լրացված իրականության հավելվածն ավելի հետաքրքրությունը  և ճանաչելիությունը կմեծացնի,հատկապես, Ասլամազյան քույրերի աշխատանքների հանդեպ: Մարիամ և Երանուհի Ասլամազյան քույրերը ոչ միայն իրենց նկարչությամբ՝ զուտ էսթետիկական առումով, այլև նկարչության հետևում գտնվող իրենց ապրած կյանքով օրինակ են, և կարելի է ասել իրական դեմքեր են հասարակության մեջ»,- նշում է Մարիամ և Երանուհի Ասլամազյան քույրերի պատկերասրահի գիտաշխատող Գոհար Սմոյանը:

Ասլմազյան քույրերի պատկերասրահը զբոսաշրջիկների նախընտրելի ուղղություններից է։ Գեղանկարչական կտավները, գույները, թեմաները , իսկ ժամանակակից տեխնոլոգիաների տված հնարավորություններն իր հերթին ևս զբոսաշրջային գրավչություն կարող  է դառնալ: Պատկերասրահի տնօրենի ժ/Պ Միքայել Վարդպարոնյանը, SHANTNEWS-ի հետ զրույցում նշեց, որ  կարևոր է  այս ժամանակաշրջանում թվային տեխնոլոգիաների մուտքը պատկերասրահ:

«Քովիդյան ժամանակահատվածում շատ կարևոր է ներկայանալ նաև թվային հավելվածներում՝ այդ թվում նաև լրացված իրականության հավելվածների միջոցով, որոնք թույլ են տալիս ոչ միայն պատկերասրահում, այլև տանից  կարողանալ փոքր էքսկուրսիա ունենալ»։ 

Այս ամիս լրանում է Երանուհի Ասլամազյանի ծննդյան 111-ամյակը։ Պատկերասրահում այս առիթով  առաջին անգամ ցուցադրության են հանվել նկարչուհու  խեցեգործական աշխատանքները, որոնք պահվում էին «Կումայրի» արգելոցի ֆոնդերում։

«1987 թվականի իրենց կտակով Ասլամազյան քույրերն ամբողջ ժառանգությունը կտակել են Կումայրի արգելոցին, և հետագայում արդեն ստեղծվում է այս պատկերասրահը, որտեղ ցուցադրվում են քույրերի աշխատանքները և երկրաշարժի շրջանում շատ իրեր վերադարձվում են «Կումայրի»-ի ֆոնդեր: Բոլորովին վերջերս այդ ֆոնդերը նորից բացվել են և բոլոր նմուշները՝ շուրջ 60-ից ավելի, հետ է վերադարձվել և պահվում է պատկերասրահի ֆոնդերում»,-նշում է «Կումայրի» պատմամշակութային արգելոց թանգարանի տնօրեն Ինգա Ավագյանը:

Երանուհի Ասլամազյանը համարվում է աշխարհում  ամենահայտնի խեցեգործը։ Նրա թողած ժառանգությունը  հասնում է շուրջ 110-ի, որի մեծը ցուցադրվում է Ասլամազյան քույրերի պատկերասրահում։Այցելուներին նկարչուհի քույրերի կտավներն ու  խեցեգործական աշխատանքների հավաքածուն այժմ նաև լրացված ցուցանմուշներով կներկայացվի։

 «Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև  Shant Digital Tv հավելվածով՝ ամբողջ աշխարհում։