18:12 10.04.2021
«Մեր մանկության տանգոն» ֆիլմից հայտնի Վարդուշի տունը վերանորոգվել է ու վերածվել թանգարանային ցուցասրահի: Նախաձեռնությունը «Գյումրի 20/25» բարեգործական հիմնադրամինն է, որը Գյումրիի պատմական կենտրոնում 4 թանգարան ու թանգարանային ցուցասրահ ունենալու ծրագիր է ներկայացրել: Դրանցից առաջինը Վարդուշի տունն է, որտեղ այսօր մշտական ցուցադրության է ներկայացվել «Հայուհիներ» խորագիրը կրող հավաքածուն: Այն ներառում է 16-19 դդ․ հազվագյուտ բնօրինակ եվրոպական փորագրանկարներ, գեղանկարներ ու փոստային բացիկներ՝ հայուհիների կերպարների դրվագմամբ։
Տերյան 25 հասցեի տունը մեկն է Գյումրիի հին ու ընդհանուր բակով տներից: Այն հայտնի դարձավ 1984 թվականից հետո, երբ այստեղ նկարահանվեցին «Մեր մանկության տանգոն» ֆիլմի դրվագները: Այցելուները թանգարանային ցուցասրահի առաջին սենյակում դիտում են հայտնի ֆիլմի այս տանը նկարահանված դրվագները:
«Փորձեցինք կոնցեպտուալ երկու կապ գտնել կինոնկարի՝ «Մեր մանկության տանգո»-յի հետ, որտեղ կար երկու կանանց դրամատիկ պայքար՝Վարդանուշի և Սիրանուշի: Որոշեցինք երկու սենյակները բնակելի այս տան նվիրել «Հայուհի» խորագրով ցուցադրությանը»,-SHANTNEWS-ին ասել է «Գյումրի 20/25 » բարեգործական հիմնադրամի տնօրեն Հայկ Դեմոյանը:
Մշտական ցուցադրությանը ներկայացված են հազվագյուտ բնօրինակ եվրոպական փորագրանկարներ, գեղանկարներ ու փոստային բացիկներ, որոնք տարիներ ու նույնիսկ դարեր առաջ հեղինակել են օտարազգի նկարիչներն ու լուսանկարիչները: Ամենահին թվագրության ցուցանմուշը 1500-ական թվականներին է արվել՝ Վենետիկում:
Անգլիական ու ֆրանսիական հայտնի թերթերի առաջին էջերում նույնպես հայուհիներ են: Ինչպես նաև փոստային բացիկների հավաքածու է ներկայացված, որտեղ տարբեր երկրներում ապրած հայուհիներն են: Այդ երկրներն իրենց ազդեցությունն են ունեցել նրանց կերպարների, հագուկապի վրա:
«Օրինակ Պոլսում կամ մահմեդական միջավայրում պարզ է, որ դեմքը պետք է ծածկված լիներ կամ կիսածածկված: Մեկ այլ նկարում հետին պլանը մահմեդական, իրանական միջավայրն է,բայց Սպահանի հայուհին բաց դեմքով է:Հետաքրքիր պատկերագրութուն է հայուհու կերպարով կոնկրետ ազգի տեսակն է ներկայացվում: Բոլոր տներում եղել է Մայր Հայաստանի խորհրդանիշը: Դա ունիվերսալ սիմվոլ էր Արևմտյան և Արևելյան Հայաստանում, սփյուռքում:Բոլորը մեկ խորհրդանիշով միավորված էին»,- նշել է Հայկ Դեմոյանը:
Տարբեր տարազներում ընդգծվում է հայ կանանց ինքնատիպությունը: Անգամ մահմեդական երկրներում ապրելիս, նրանք տարազներում պահպանել են հայկական տարրերը: Սա օտարների հետ չձուլվելու խորհուրդն ունի:Հայուհիները բոլոր ժամանակներում հայկական ինքնության պահապաններն են: Նաև այս շեշտադրումն են ընդգծել օտարազգի հեղինակները:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
15:21 11.05.2025
Արտակարգ դեպք՝ Երևանում. Թբիլիսյան խճուղում կայանված Volkswagen-ում հրդեհ է բռնկվելՄայիսի 10-ին, արտակարգ դեպք է տեղի ունեցել Երևանում։ Ժամը 18։50-ի սահմանում պարեկները Թբիլիսյան խճուղում ծառայություն կատարելիս նկատել են, որ ճանապարհի թույլատրելի հատվածում կայանված Volkswagen ավտոմեքենայից կրակ և ծուխ է նկատվում։ Ինչպես հայտնում է shamshyan.com-ը, պարեկները շտապ մոտեցել են նշված վայր և քաղաքացիների ու վարորդի՝ Երևանի բնակիչ 20-ամյա Ռազմիկ Պ.-ի օգնությամբ պայքարել են կրակի տարածման դեմ՝ […] ...
15:12 11.05.2025
Ռոբերտ Թամարյանը նշանակվել է «Դատապարտյալների հիվանդանոց» ՔԿՀ-ի պետՀՀ արդարադատության նախարար Սրբուհի Գալյանի մայիսի 8-ի հրամանով՝ «Դատապարտյալների հիվանդանոց» քրեակատարողական հիմնարկի պետ է նշանակվել Ռոբերտ Թամարյանը։ Հրամանում մասնավորապես ասվում է. «Ռոբերտ Հովակիմի Թամարյանին 2025 թվականի մայիսի 8-ից նշանակել Հայաստանի Հանրապետության արդարադատության նախարարության «Դատապարտյալների հիվանդանոց» քրեակատարողական հիմնարկի պետ՝ ազատելով Հայաստանի Հանրապետության արդարադատության նախարարության «Դատապարտյալների հիվանդանոց» քրեակատարողական հիմնարկի պետի ժամանակավոր պաշտոնակատարի պաշտոնից»: ...
14:32 11.05.2025
Ինչպիսի՞ եղանակ է սպասվում հանրապետությունումՀանրապետության տարածքում` Մայիսի 11-ի ցերեկը, 12-ին շրջանների մեծ մասում, 16-ի ցերեկն առանձին շրջաններում սպասվում է կարճատև անձրև և ամպրոպ։ Մայիսի 13-15-ը, 16-ի գիշերը ժամանակ առ ժամանակ հանրապետության ողջ տարածքում սպասվում է անձրև և ամպրոպ։ Մայիսի 11-15-ն առանձին հատվածներում անձրևները կլինեն հորդառատ։ Հնարավոր է նաև կարկուտ։ Քամին՝ հարավ-արևմտյան՝ 2-5 մ/վ, ամպրոպի ժամանակ՝ քամու ուժգնացում՝ 18-22 մ/վ […] ...
14:14 11.05.2025
Կոչ ենք անում չտարածել կեղծ տեղեկություններ. ՆԳՆ-ն հերքում է Զարուհի Փոստանջյանի հրապարակումը ձերբակալվածի նկատմամբ նվաստացնող վերաբերմունքի մասինՆերքին գործերի նախարարի մամուլի քարտուղար Նարեկ Սարգսյանը Ֆեյսբուքի իր էջում անդրադարձել է փաստաբան Զարուհի Փոստանջյանի հրապարակմանը, թե իբր Գյումրիում «ոստիկանները խոշտանգել և նվաստացնող վերաբերմունք են ցուցաբերել ձերբակալվածի նկատմամբ», հայտնում եմ, որ տեղեկությունը չի համապատասխանում իրականությանը։ «Նշված անձը քննիչի որոշման հիման վրա ձերբակալվել է և տեղափոխվել Համայնքային ոստիկանության Կումայրիի բաժին, որտեղ համայնքային կին ոստիկանները, կին ընթերակաների […] ...
13:59 11.05.2025
Մայիսի 13-ից հետ ենք գնում դեպի մարտ. Գագիկ ՍուրենյանՄայիսի 13-ից հետ ենք գնում դեպի մարտ: Այս մասին Ֆեյսբուքի իր էջում տեղեկացրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի տեղակալ Գագիկ Սուրենյանը: «Մայիսի 13-ից հետ ենք գնում դեպի մարտ, 17-ից վերադառնում մայիս: Տրամադրվեք»,- գրել է Սուրենյանը ...
13:42 11.05.2025
«Ճանապարհային դեպարտամենտ» հիմնադրամը մասնակցել է Եվրոպայի օրվան նվիրված պաշտոնական միջոցառմանը«Ճանապարհային դեպարտամենտ» հիմնադրամը մասնակցել է Ազատության հրապարակում կայացած Եվրոպայի օրվան նվիրված պաշտոնական միջոցառմանը։ Հիմնադրամի աշխատակիցները տեղեկատվական տաղավարում ներկայացրել են եվրոպական դոնոր կազմակերպությունների աջակցությամբ Հայաստանում կյանքի կոչված ճանապարհաշինական ծրագրերը։ Մասնավորապես, Եվրոպական ներդրումային բանկի հատկացրած դրամաշնորհի միջոցով իրականացվել է Հայաստանի ճանապարհային անվտանգության բարելավման ծրագիրը, որի շնորհիվ վերացվել են ՀՀ ճանապարհներին առկա բազմաթիվ վթարավտանգ կետեր։ Եվրոպական ներդրումային բանկի […] ...
