18 05 2024

$

387.60
4.26
€

420.12

+19.09 ^oC

Սուրբ մասունքների հանդեպ նման հանդգնութունը և կասկածների սերմանումը սրբապղծություն է. տեր Ասողիկ քահանա

ՀԱՅԱՍՏԱՆ

14:32 09.07.2018

«12-րդ դարի պատրիարք Միքայելը մի վկայություն է տալիս, համաձայն որի, երբ Անտիոքում հայտնվում է մի գեղարդ և այդ օրերին այդտեղ եղած է լինում Հռոմի պապը և նրան գեղարդը ներկայացնելուց հետո Հռոմի պապն ասում է, որ ինքը գիտի, որ իսկական գեղարդը Թադեոս առաքեալի կողմից տարվել է Հայոց աշխարհ, և հարցնում է, թե սա ի՞նչ գեղարդ է»,- հուլիսի 9-ին կայացած ասուլիսի ժամանակ այս պատմությունը վերհիշեց տեր Ասողիկ քահանա Կարապետյանը՝ ի պատասխան հարցի, թե արդյո՞ք Հայաստանում պահվող գեղարդը բնօրինակն է:

Տեր Ասողիկը նաև հիշատակեց մի շարք փաստեր ու վկայություններ՝ այդ թվում օտարերկրացիների կողմից, որոնք ևս վկայում են Մայր Տաճարում պահվող գեղարդի բնօրինակը լինելու մասին: Այս օրերին շահարկվող մեղադրանքները նա զավեշտալի է համարել:

«Նույնիսկ չէի ուզում անդրադառնալ այդ կասկածներին, դրանք զավեշտալի և անհիմն են, իսկ կրոնական առումով՝ դատապարտելի: Սրբությունների, սուրբ մասունքների հանդեպ նման հանդգնութունը և կասկածների սերմանումը սրբապղծություն է, հատկապես նրանց կողմից, որ գեղարդի հետ եբեք չեն առնչվել, չեն տեսել, դրանով չեն զբաղվել և անտեղյակ են այն պատմական փաստարկներին, վկայություններին, որ կան և նման մարդիկ իրենց անձնական նվաստ շահերի համար այդպիսի հայտարարություններ են տարածում»,- ասել է տեր Ասողիկը:

Նրա խոսքերով՝ այդ սուտը մոլորության մեջ է գցում հավատացյալներին, ովքեր սուրբ մասունքների հանդեպ երկյուղած վերաբերմունք ունեն: Մասունքի խորհուրդը ծածկված է սրբության շղարշով և երբ պատռում ես այդ շղարշը, սուրբ մասունքը դադարում է սրբություն լինելուց, իսկ այն ներգործում է բացառապես հավատքի ճանապարհով: Եթե չլինի հավատը, թե´ գեղարդը, թե´ որևէ այլ սուրբ մասունք կդառնա լոկ երկաթի կտոր և ընդամենը մի ոսկոր:

Ինչ վերաբերում է Ռուս ուղղափառ եկեղեցուն արված նվիրատվությանը, ապա այն կատարվել է 2004-ին, և եթե իրոք պատճառը դա է, ըստ Ասողիկ քահանայի, կարող էին այս 14 տարիների ընթացքում աղմուկ բարձրացնել:

«Եկեղեցում ընդունված կարգ է և հայրապետերի բացառիկ իրավասությունն է միմյանց մասունքներ փոխանցելը: Նվրատվություններ եղել են նաև նախորդ հայրապետերի օրոք: Մենք նույնպես ստացել ենք նման նվերներ: Օրինակ՝ Վազգեն Առաջինի Վատիկան կատարած այցի ժամանակ Պողոս 6-րդը, ի սեր Հայաստանի, նվիրաբերեց Սուրբ Բարդուղիմեոս առաքյալի մասունքը: Մեր եկեղեցին երբեք չի ընկել մասունքների կռապաշտության մեջ»,- նշեց տեր հայրը:

Ինչ վերաբերում է կաթողիկոսի շուրջ բարձրացված աղմուկին և մեղադրանքներին, տեր Ասողիկը ամբողջությամբ «չար բամբասանք» որակեց:

Գեղարդ

կաթողիկոս

Տեր Ասողիկ քահանա Կարապետյան

Բաժանորդագրվեք SHANTNEWS.am-ին Telegram-ում

Բոլոր լուրերը

16:10 18.05.2024
Սլովակիայի վարչապետի դեմ մահափորձի մեջ մեղադրվողն ընդունել է մեղքը. ԶԼՄ

Կապակցված լուրեր

15:58 18.05.2024

Հայ Առաքելական Եկեղեցին այս կիրակի կնշի Հոգեգալստյան տոնը

Հայ Առաքելական Եկեղեցին մայիսի 19-ին կնշի Հոգեգալստյան (Պենտեկոստե) տոնը: Այն առաքյալների վրա Ս. Հոգու իջման հիշատակության Տոնն է, որ տեղի է ունեցել Ս. Հարության հիսուներորդ օրը: Դրա համար էլ Հոգեգալուստը միշտ տոնում են Զատիկից հիսուն օր հետո: Սուրբ Հոգին Սուրբ Երրորդության երեք անձերից մեկն է, հավասար Հորը և Որդուն: ...

15:47 18.05.2024

Դեսպան Տիգրան Գալստյանը հանդիպել է Ռումինիայի ԱԳՆ Ֆրանկոֆոնիայի հարցերով ազգային համակարգող Ամիրա Միհայլեսկուի հետ

Մայիսի 16-ին Ռումինիայում ՀՀ դեսպան Տիգրան Գալստյանը հանդիպել է Ռումինիայի ԱԳՆ Ֆրանկոֆոնիայի հարցերով ազգային համակարգող Ամիրա Միհայլեսկուի հետ։ Ինչպես տեղեկացնում են Ռումինիայում ՀՀ դեսպանությունից, հանդիպմանը քննարկվել են Ֆրանկոֆոնիայի բնագավառում երկկողմ հարաբերությունների զարգացման հեռանկարները՝ կարևորելով Ֆրանկոֆոնիայի միջազգային կազմակերպության և Ֆրանկոֆոնիայի համալսարանական գործակալության՝ Բուխարեստում տեղակայված տարածաշրջանային ներկայացուցչությունների կողմից իրականացվող ծրագրերի շրջանակներում համագործակցության ամրապնդումը և ընդլայնումը։ Գոհունակությամբ նշվել […] ...

15:08 18.05.2024

ՀՀ ԱԳ նախարարը հանդիպել է ԵԽ կոնգրեսի նախագահի հետ

Մայիսի 17-ին ՀՀ ԱԳ նախարար Արարատ Միրզոյանը հանդիպում է ունեցել Եվրոպայի խորհրդի տեղական և տարածքային իշխանությունների կոնգրեսի նախագահ Քուլս Մարկի հետ: Հանդիպումը կայացել է նախարարի՝ Ստրասբուրգ աշխատանքային այցի շրջանականերում: Զրուցակիցներն անդրադարձել են կատարել Հայաստան-Եվրոպայի խորհուրդ 2023-2026 թվականների Գործողությունների ծրագրի իրականացման ընթացքին և մարդու իրավունքների պաշտպանության ոլորտում ձեռքբերումներին: Նախարար Միրզոյանը շեշտել է, որ Հայաստանի կառավարության համար […] ...

14:54 18.05.2024

2800 ԱՄՆ դոլարով գնել էր հրազեններ. ՀՀ ՊՆ ռազմական ոստիկանության ծառայողների իրականացրած օպերատիվ-հետախուզական միջոցառումների արդյունքը

ՀՀ ՊՆ ռազմական ոստիկանության ծառայողների իրականացրած օպերատիվ-հետախուզական լայնածավալ միջոցառումների արդյունքում պարզվել է, որ Ս.Թ.-ն, հրազեն գնելու նպատակով նախնական համաձայնության գալով Մ.Ս.-ի հետ, 2024 թվականի մայիսի 15-ին Գյումրի քաղաքում հանդիպել է վերջինիս հետ և 2800 ԱՄՆ դոլարով գնել հրազեններ։ Գումարը նրան փոխանցելու համար Գյումրիից Երևան մեկնելու ճանապարհին Ս.Թ.-ն և Մ.Ս.-ն ՌՈ ծառայողների կողմից հայտնաբերվել և ձերբակալվել […] ...

14:47 18.05.2024

Քանաքեռ-Զեյթուն վարչական շրջանի տարբեր բակերում նորոգվում և կառուցվում են ֆուտբոլի դաշտեր

Երևանի Քանաքեռ-Զեյթուն վարչական շրջանի տարբեր բակերում նորոգվում և կառուցվում են ֆուտբոլի դաշտեր։ Աշխատանքներն իրականացնելու նպատակով որոշ բակերում քանդվել են ավտոտնակները, բացազատվել են զավթված տարածքները։ Դաշտերը լինելու են լուսավորված, կահավորվելու են նստարաններով, աղբամաններով: Մանրամասները՝ քաղաքապետարանի տեսանյութում: ...

14:25 18.05.2024

Մամուլում հրապարակվել են կեղծ տեղեկություններ․ ՆԳՆ ոստիկանությունը հստակ կատարում է և շարունակելու է կատարել բացառապես օրենքով իր առջև դրված խնդիրները

ՀՀ ոստիկանությունը հայտարարություն է տարածել, որում ասվում է. «Այսօր մամուլում համակարգված, րոպեների տարբերությամբ հոդվածներ են հրապարակվել, թե իբր «ոստիկանական համակարգում կան դժգոհություններ, և հնարավոր է աշխատանքից ազատման դիմումների շարք սկսվի», ինչպես նաև նշվել է Ոստիկանության «ագրեսիվ վարքագծի, ցուցարարներին ցրելու, ծեծելու» մասին։ Տեղեկացնում ենք, որ այս լուրն իրականության հետ որևէ աղերս չունեցող, կեղծ տեղեկություն է։ ՆԳՆ […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.