ՖԻԴԵ-ն հրապարակել է փետրվար ամսվա վարկանիշները

ՖԻԴԵ-ն  հրապարակել է փետրվար ամսվա վարկանիշները: Աշխարհի  ուժեղագույն շախմատիստների ցանկը գլխավորում է աշխարհի չեմպիոն Մագնուս Կարլսենը (2843): Երկրորդ հորիզոնականում  է ընթանում  Շահրիյար Մամեդյարովը (2814), իսկ Վլադիմիր Կրամնիկը (2800) եզրափակում  է լավագույն եռյակը: Լևոն Արոնյանը (2797) գտնվում է 5-րդ հորիզոնականում:

Աշխարհի 100 ուժեղագույն շախմատիստների ցանկում են գտնվում նաև Հայաստանի 3 այլ ներկայացուցիչ. մասնավորապես Գաբրիել Սարգսյանը (2677) գտնվում է 67-րդ հորիզոնականում,  Վլադիմիր Հակոբյանը   (2667)` 76-րդ, իսկ Հրանտ Մելքումյանը(2664)՝ 82-րդ:

 Լավագույն տասնյակ.

1.Մագնուս Կարլսեն – 2843
2. Շահրիյար Մամեդյարով– 2814
3.  Վլադիմիր Կրամնիկ – 2800
4.   Ուեսլի Սո – 2799
5.Լևոն Արոնյան – 2797
6.   Մաքսիմ Վաշիե-Լագրավ  – 2793
7. Ֆաբիանո Կարուանա- 2784
8. Հիկարու Նակամուրա- 2781
9.  Վիշվանաթան Անանդ – 2779
10.  Անիշ Գիրի – 2777

Կանանց ցանկի առաջին հորիզոնականում է  Հոու Յիֆանը (2654): Երկրորդ հորիզոնականում է Ցզյու Վենցզյունը  (2572): Լավագույն եռյակը եզրափակում է Աննա Մուզիչուկը (2571): Աշխարհի չեմպիոնուհի Տան Չժունչին (2523) գտնվում է 9-րդ հորիզոնականում: Մեր շախմատիստուհիներից Էլինա Դանիելյանը (2413) գտնվում է 52-րդ հորիզոնականում, իսկ Լիլիթ Մկրտչյանը (2392)` 70-րդ:

Լավագույն տասնյակ.

1.Հոու Յիֆան – 2654
2. Ցզյու Վենցզյուն – 2572
3. Աննա Մուզիչուկ – 2571
4. Ալեքսանդրա Կոստենյուկ – 2561
5.   Կատերինա Լահնո- 2556
6. Վիկտորիա Չմիլիտե – 2542
7.   Լեյ Տինժի– 2541
8. Մարիա Մուզիչուկ – 2540
9. Տան Չժունչի – 2523
10. Նանա Ձագնիձե – 2522

Մինչև 20 տարեկան պատանիների վարկանիշային աղյուսակը գլխավորում է  Վեյ Յին (2734), Դուդա Յան-Քշիշտոֆը (2724) գտնվում է 2-րդ հորիզոնականում, իսկ Վլադիսլավ Արտեմևը (2697) եզրափակում է լավագույն եռյակը: ԱՄՆ-ը ներկայացնող մեր հայրենակից Սամուել Սևյանը (2617) գտնվում է 8-րդ հորիզոնականում, իսկ Ռուսաստանը ներկայացնող մեր հայրենակից Դավիթ Պառավյանը (2603)` 9-րդ:
Հայաստանի ներկայացուցիչներից  Հայկ Մարտիրոսյանը (2586) գտնվում է 12-րդ հորիզոնականում , Մանուէլ Պետրոսյանը(2569)  ՝ 23-րդ, Արամ Հակոբյանը (2497)` 65-րդ, Շանթ Սարգսյանը (2481)` 77-րդ:

 Լավագույն տասնյակ

1.Վեյ Յի – 2734
2.Դուդա Յան-Քշիշտոֆը -2724
3.Վլադիսլավ Արտեմև – 2697
4. Սյուն Ջեֆֆրի– 2640
5.Յորդեն Վան Ֆորեստ -2636
6. Բենջամին Գլեդուրա- 2619
7.  Արավինդ Չիթամբարամ – 2617
8. Սեվյան Սամուել – 2617
9. Դավիթ Պառավյանը – 2603
10. Թարի Արյան– 2597

Հրապարակվել են նաև արագ և կայծակնային շախմատի գործակիցները:

Արագ շախմատի վարկանիշային աղյուսակը գլխավորում է Մագնուս Կարլսենը (2880): Երկրորդ հորիզոնականում է Դոմինգես Պերես-Լենիերը (2826), իսկ Հիկարու Նակամուրան (2823) եզրափակում է լավագույն եռյակը: Լևոն Արոնյանը (2779) գտնվում է 11-րդ հորիզոնականում:

Արագ շախմատի աշխարհի 100 ուժեղագույն շախմատիստների ցանկում են գտնվում նաև Հայաստանի 5 այլ ներկայացուցիչ. մասնավորապես Վլադիմիր Հակոբյանը (2707) գտնվում է 46-րդ հորիզոնականում, Գաբրիել Սարգսյանը (2681)՝ 76-րդ, Տիգրան Լ. Պետրոսյանը (2676)՝ 78-րդ, Հրանտ Մելքումյանը (2672)` 84-րդ և Սերգեյ Մովսեսյանը (2670)` 88-րդ:

Կայծակնային շախմատի վարկանիշային աղյուսակը նույնպես գլխավորում է Մագնուս Կարլսենը (2965),  Սերգեյ Կարյակինը (2868) գտնվում է 2-րդ հորիզոնականում, իսկ Հիկարու Նակամուրան (2853) եզրափակում է լավագույն եռյակը: Լևոն Արոնյանը (2833) գտնվում է 7-րդ հորիզոնականում:

Կայծակնային շախմատի դասակարգման 100 լավագույն շախմատիստների ցանկում են Հայաստանի 4 այլ ներկայացուցիչ.  Տիգրան Լ. Պետրոսյանը (2762) գտնվում է 22-րդ հորիզոնականում, Զավեն Անդրիասյանը (2715)` 34-րդ,  Հրանտ Մելքումյանը`(2699)  46-րդ,  և Կարեն Գրիգորյանը (2665) `83-րդ: