20:58 28.06.2021
«Արդար Հայաստան» կուսակցությունը պաշտոնական հայտարարություն է տարածել 2021թ. արտահերթ խորհրդարանական ընտրությունների վերաբերյալ, որը ներկայացնում ենք ստորև․
«Հարգելի՛ բարեկամներ
2021թ․ հունիսի 27-ին ՀՀ Կենտրոնական ընտրական հանձնաժողովը ամփոփել է ԱԺ արտահերթ ընտրությունների արդյունքները և ընդունել որոշում` Ազգային ժողով ընտրվելու և մանդատների բաշխման մասին:
«Արդար Հայաստան» կուսակցությունը հարկ է համարում արձանագրել հետեւյալը.
1․ Ազգային Ժողովի արտահերթ ընտրության արդյունքներն առանցքային ուղերձ է՝ իմաստավորելու քաղաքական գործունեության ընթացքում մարդկային հարաբերությունների էությունը, իսկ քաղաքական դաշտում՝ «խաղի կանոնների» բնույթը: Ստեղծված իրավիճակը հարկադրում է բոլորիս յուրովի գնահատել մեր երկրի առջև ծառացած ներքին ու արտաքին մարտահրավերները՝ ձգտելով դրանց հաղթահարումն իրագործել ողջ ժողովրդի հավաքական ներուժի օգտագործման միջոցով։
2․ «Արդար Հայաստան» կուսակցությունն ընդամենը 4 ամսվա կյանք ունի, սակայն արձանագրված շուրջ 4000 ձայնը վկայում է, որ կուսակցության հանդեպ ձևավորվել է որոշակի դրական վերաբերմունք։ Իհարկե, դեռևս շատ անելիքներ ունենք՝ մեր ժողովրդի վստահությունը ձեռք բերելու համար: Միաժամանակ, պետք է ընդգծել, որ ընտրական գործընթացի ողջ ժամանակահատվածի ընթացքում հասարակությունը բևեռացվեց․ Մի մասը ընտրեց նախկին քաղաքական ռեժիմների ներկայացուցիչներից կազմված դաշինքներին, իսկ մյուս մասը՝ կրկին շանս տվեց գործող իշխանություններին, որի արդյունքում քաղաքական ուժերի գերակշռող մասը չհաղթահարեցին անցողիկ շեմը։
3․ «Արդար Հայաստան» կուսակցությունն իր երախտագիտությունն է հայտնում ինչպես կուսակցությանը ձայն տված, այնպես էլ բոլոր այն քաղաքացիներին, որոնք ընտրական տեղամասերում առաջնորդվել են բացառապես պետականության ու պետության շահերով, քաղաքացիական խորը պատասխանատվության գիտակցմամբ և դրսևորել են օրինականության և իրավունքի վրա հիմնված վարքագիծ։
4․ Կուսակցությունն արձանագրում է, որ մեր ժողովրդի ընտրությունն այսպիսինն է, ուստի մեզանից յուրաքանչյուրը պետք է հաշվի նստի քաղաքական դաշտում ձևավորված նոր իրողության և քաղաքական խճանկարի արմատական փոփոխման հետ։
5․«Արդար Հայաստան» կուսակցությունն իրեն համարում է իր օգտին քվեարկած քաղաքացիների խոսնակը և հանդես է գալու նրանց անունից, ինչպես նաև գործելու է հանուն ՀՀ յուրաքանչյուր քաղաքացու, հայ ժողովրդի և Հայաստանի Հանրապետության անվտանգության ու բարեկեցության:
6․ Խորապես համոզված ենք, որ թե՛ նորընտիր Ազգային Ժողովը, թե՛ առաջիկայում կազմավորվելիք կառավարությունը կանգնած են կարևոր և պատասխանատու առաքելություն իրականացնելու խնդրի առաջ՝ հանրային կյանքի բոլոր ոլորտներում բեկում իրականացնելու հաստատակամությամբ։
7․ Որակապես նոր սահմանադրության ընդունման, կառավարման համակարգի փոփոխության, պետական ինստիտուտների արդյունավետության բարձրացման, ինչպես նաև ժողովրդագրության հիմնախնդրի բարելավման, տնտեսական իրավիճակի կայունացման ու որակապես նոր պետության ձևավորման հարցերը հրատապ լուծում են պահանջում, հետևաբար՝ առաջիկա ժամանակահատվածը պետականաշինության տեսանկյունից պահանջում է գործադրել առավելագույն ջանքեր՝ այլևս չսայթաքելու, չսխալվելու և չձախողելու գիտակցմամբ։
8․«Արդար Հայաստան» կուսակցությունը մեկ անգամ ևս վերահաստատում է, որ դատաիրավական համակարգը մեր պետության և հասարակության «աքիլեսյան գարշապարն» է: Մենք կարևորում ենք դատաիրավական համակարգի ամբողջական վերափոխումը՝ անաչառ, ազնիվ և իրապես անկաշառ դատական համակարգ կառուցելու անշրջելի հաստատակամությամբ։ Ընդորում, հարկ ենք համարում ընդգծել, որ պետական բոլոր ինստիտուտներում արդարության միջավայրի ձևավորումը օրվա հրամայական է ու ժամանակի պահանջ: Եթե մենք այս անգամ էլ ձախողենք և հանրային կյանքի այդ ինստիտուտները չկարողանանք վերափոխել, լրջագույն խնդիրներ կունենանք հետագայում՝ խորը հիասթափության առաջ կանգնեցնելով մեր ժողովրդին։
9․«Արդար Հայաստան» կուսակցությունն առաջիկայում զբաղվելու է կուսակցական շինարարությամբ՝ ձգտելով իր նպաստը բերել քաղաքական միջավայրը փոփոխելու, քաղաքական դաշտին նոր շունչ հաղորդելու, ինստիտուցիոնալ քաղաքական համակարգ ձևավորելու նպատակով՝ քաղաքական դաշտում լրջագույն ազդեցություն ու պատասխանատվություն կրելու և քաղաքական որոշումների վրա ազդեցություն ձեռք բերելու վճռականությամբ։
10․ Կուսակցության գործունեության հիմքում պետականաշինությունն է, որի իրագործման համար մշտապես պատրաստակամ ենք ներդնել մեր ուժերն ամբողջությամբ։ Առաջիկայում կհրապարակվի «Արդար Հայաստան» կուսակցության գործունեության ճանապարհային քարտեզը։
11․ «Արդար Հայաստան» կուսակցությունը մեր ժողովրդին ցանկանում է խաղաղություն, վաղվա օրվա հանդեպ հույս ու վստահություն՝ արժանապատիվ բարեկեցություն, պաշտպանված, անվտանգ ու արդար Հայաստանի կառուցման հեռանկարով»։
17:50 11.07.2025
Քաղաքացին Քարաբերդ գյուղի լճի մոտ զենք-զինամթերք էր թողել17:45 11.07.2025
Արսեն Թորոսյանը մասնակցել է Ուկրաինայի վերականգնման 4-րդ համաժողովին17:50 11.07.2025
Քաղաքացին Քարաբերդ գյուղի լճի մոտ զենք-զինամթերք էր թողելԲնակչության շրջանում տարվող բացատրական աշխատանքի արդյունքում քաղաքացիները պարբերաբար ապօրինի պահվող զենք-զինամթերք են հանձնում ոստիկանություն: Համայնքային ոստիկանության Անիի բաժնի ծառայողների և Շիրակի մարզի պարեկների բացատրական աշխատանքի արդյունքում հուլիսի 9-ին ոստիկանություն զանգած քաղաքացին հայտնել է, որ հայրը 44-օրյա պատերազմի մասնակից է և Քարաբերդ գյուղի լճի մոտ զենք-զինամթերք է թողել։ Բաժնից նշված հասցե մեկնած օպերատիվ խումբը հայտնաբերել է […] ...
17:45 11.07.2025
Արսեն Թորոսյանը մասնակցել է Ուկրաինայի վերականգնման 4-րդ համաժողովինՀՀ ԱԺ առողջապահության հարցերի մշտական հանձնաժողովի նախագահ, «Քաղաքացիական պայմանագիր» խմբակցութան պատգամավոր Արսեն Թորոսյանն Իտալիայի եւ Ուկրաինայի խորհրդարանների հրավերով Հռոմում մասնակցել է Ուկրաինայի վերականգնման 4-րդ համաժողովին: Համաժողովի շրջանակում Արսեն Թորոսյանն առանձնազրույց է ունեցել Ուկրաինայի Գերագույն ռադայի առաջին փոխնախագահ Օլեքսանդր Կորնիյենկոյի հետ: Հանձնաժողովի նախագահը նաեւ ելույթ է ունեցել խորհրդարանականների համար կազմակերպված քննարկման ժամանակ: «Հարգելի՛ գործընկերներ, թույլ տվեք […] ...
17:40 11.07.2025
Ժաննա Անդրեասյանն Ապարանում հանդիպել է Հայ-վրացական երիտասարդական հավաքի մասնակիցների հետՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ՀՀ 2025 թ. երիտասարդական մայրաքաղաք Ապարանում հանդիպել է Հայ-վրացական երիտասարդական հավաքի մասնակիցներին։ Եռօրյա միջոցառման ընթացքում հայ և վրացի երիտասարդների համար կազմակերպվել են քննարկումներ ու աշխատարաններ՝ նպատակ ունենալով զարգացնելու նրանց առաջնորդության հմտությունները, խթանելու ակտիվ քաղաքացիության ձևավորումը և բարձրացնելու երիտասարդների մասնակցությունը համայնքային և հասարակական կյանքում։ Ողջունելով հավաքի […] ...
17:35 11.07.2025
Վարչապետի գլխավորությամբ քննարկվել է քրեակատարողական համակարգի բարեփոխման հայեցակարգըՀՀ վարչապետ Նիկոլ Փաշինյանի գլխավորությամբ տեղի է ունեցել աշխատանքային խորհրդակցություն, որի ընթացքում քննարկվել է Արդարադատության նախարարության քրեակատարողական համակարգի բարեփոխման հայեցակարգը: Քննարկմանը մասնակցել են ՀՀ գործադիր, օրենսդիր և դատաիրավական համակարգի մարմինների ղեկավարներ և ներկայացուցիչները: Արդարադատության նախարար Սրբուհի Գալյանը ներկայացրել է Քրեակատարողական համակարգի զարգացման առաջնահերթություններն ու ուղղությունները: Անդրադարձ է կատարվել, մասնավորապես՝ քրեակատարողական հիմնարկների կարողությունների զարգացմանը, ծառայողների աշխատանքային […] ...
17:00 11.07.2025
Կանեփի 1000 բույս և 1 կիլոգրամից ավելի մարիխուանա. Արարատի քրեական ոստիկանների բացահայտումըՔրեական ոստիկանության Արարատի մարզային վարչությունում ստացվել էր օպերատիվ տեղեկություն, որ Գետափնյա գյուղի բնակիչ 54-ամյա տղամարդը բակում ապօրինի աճեցնում է կանեփ և պահում թմրանյութ։ Տեղեկությունը ստուգվեց ու հաստատվեց։ Մասիսի քննչական բաժնում նախաձեռնվեց քրեական վարույթ, որի շրջանակում կատարված զննությամբ հայտնաբերվեց կանեփի հազար թուփ և մեկ կիլոգրամ 290 գրամից ավելի մանրացված-չորացված դեղնականաչավուն զանգված։ Ըստ տանտիրոջ` կանեփից պատրաստված թմրանյութն […] ...
16:50 11.07.2025
Թրամփը ներկա կլինի ԱԱԱ-ի եզրափակչինԱՄՆ նախագահ Դոնալդ Թրամփը ներկա կլինի ֆուտբոլի ակումբային աշխարհի առաջնության եզրափակիչ հանդիպմանը, որը տեղի կունենա հուլիսի 13-ին: Այս մասին հայտնել է FOX հեռուստաընկերության լրագրող Էդվարդ Լոուրենսը սոցիալական ցանցերում։ Ըստ նրա՝ Թրամփը նաև հայտարարել է, որ անձամբ կհանձնի մրցանակը հաղթող թիմին։ Այս տարվա մարտին Սպիտակ տանը ՖԻՖԱ-ի նախագահ Ջանի Ինֆանտինոն Թրամփին հրավիրել էր ներկա լինելու եզրափակչին։ […] ...