03 06 2024

$

387.38
4.30
€

420.31

+22.09 ^oC

ՄԻՊ-ը դեմ է ծխելու մասին օրենքի նախագծի որոշ դրույթներին

ԱՌՈՂՋԱՊԱՀՈՒԹՅՈՒՆ

11:29 07.02.2018

Մարդու իրավունքների պաշտպանը խնդրահարույց է համարում «Ծխախոտային արտադրատեսակների օգտագործման բացասական ազդեցության նվազեցման և կանխարգելման մասին» ՀՀ օրենքի նախագծի որոշ կարգավորումներ: Այս մասին հայտնում են ՄԻՊ աշխատակազմից:

Ըստ նախագծի՝ փակ տարածքներում և հասարակական վայրերում ծխելն արգելվում է։ Այս դրույթը ենթադրում է, որ հասարակական բոլոր վայրերում (բացօթյա կամ փակ), այդ թվում՝ փողոցում, ծխելը կարող է արգելվել: Բացի դրանից, նախագծում հստակ ամրագրված չեն բացառություններ: Օրինագծով բացօթյա տարածքներում ծխելու համար տարածքների հատկացման և կահավորման պահանջները սահմանվելու են լիազոր մարմինների հրամանով, սակայն այդ հրամանի ընդունման ժամկետներ ամրագրված չեն։ Ստացվում է, որ նախագծով առաջարկվում է ներդնել ծխախոտի օգտագործման, այսպես կոչված, «բացարձակ արգելքը»: Միջազգային փորձի ուսումնասիրությունը վկայում է, որ, օրինակ, եվրոպական երկրների մեծ մասը ծխախոտի օգտագործման «բացարձակ արգելքին» հասել է աստիճանական արգելքների միջոցով: Բացի այդ, մի շարք եվրոպական երկրների օրենքներ առ այսօր նախատեսում են ծխողների համար առանձնացված տարածքների ստեղծման հնարավորություն։

ՄԻՊ կարծիքով անթույլատրելի բարձր են նաև ծխախոտի օգտագործման կանոնների խախտման պարագայում առաջարկվող տուգանքների չափերը։ Մարդու իրավունքների պաշտպանի աշխատակազմն առաջարկել է, որ սահմանված տուգանքների շեմն իջեցնելուն զուգահեռ սահմանել նաև «նախազգուշացում» տույժի տեսակի կիրառման հնարավորությունը։

Օրենքի մեկ այլ փոփոխությամբ՝ առաջարկվում է ծխախոտի ներմուծման դեպքում 800․000 դրամի չափով տուգանք կիրառել, եթե ծխախոտի նիկոտինի և խեժի թույլատրելի պարունակությունը գերազանցվել է։ Այս դրույթով նախատեսվող տուգանքի նշանակման չափը ոչ միայն անթույլատրելի բարձր է, այլ նաև նախատեսված չեն անձնական օգտագործման ծխախոտի ներմուծման պարագայում բացառություններ։ Կարող է ստացվել, որ այդպիսի բացառության բացակայության պարագայում տուգանք կարող է նշանակվել նաև, ասենք, անձնական օգտագործման համար Հայաստան ներմուծված, սակայն նիկոտինի և խեժի թույլատրելի պարունակությունը գերազանցող ծխախոտի համար։

Նախագծի վերաբերյալ Մարդու իրավունքների պաշտպանի աշխատակազմի բոլոր նկատառումները ներկայացվել են առողջապահության նախարարություն։

ծխախոտ

ՄԻՊ

Բաժանորդագրվեք SHANTNEWS.am-ին Telegram-ում

Բոլոր լուրերը

08:16 03.06.2024
Ստեփանծմինդա-Լարս ավտոճանապարհը բաց է

Կապակցված լուրեր

22:18 01.06.2024

Մշտական գլխացավը կարող է մահացու հիվանդության ախտանշան լինել

Մշտական գլխացավը կարող է ուղեղի ուռուցքի նշան լինել, զգուշացրել է նյարդաբան Ելենա Լեշկեն։ Նյարդաբանը նշել է, որ գլխացավը գլխուղեղի ուռուցքի հիմնական ախտանշաններից է, բայց միևնույն ժամանակ այն կարող է ունենալ այլ պատճառներ, ինչպիսիք են գրիպը, արյան բարձր ճնշումը, սթրեսը և հոգնածությունը։ Միաժամանակ, ըստ բժշկի, կան ցավի մի շարք բնորոշ գծեր, որոնք վկայում են զարգացող նորագոյացության […] ...

22:07 01.06.2024

Բժիշկը նշել է վատ երազների և հոգեկան լուրջ խանգարման միջև կապը

Վատ երազները կարող են սթրեսի արձագանք լինել, ասել է կլինիկական հոգեբան Եկատերինա Կլիմենկոն։ Բժիշկը նշել է մղձավանջների և հոգեկան լուրջ խանգարման կապը։ Հոգեբանը մղձավանջների պատճառ է համարում մարդու սթրեսային արձագանքը հետտրավմատիկ սթրեսային խանգարմանը: Վատ երազներ կարող են առաջանալ նաև կպչուն մտքերի, չլուծված խնդիրների, վախի և անհանգստության պատճառով: Նաև, Կլիմենկոյի խոսքով, որոշակի դեղամիջոցների ընդունումը և հոգեբանական […] ...

18:06 31.05.2024

Նախագահը ներկա է գտնվել «ՀՀ տնտեսության առաջանցիկ աճի ուրվագծեր. բժշկական ինդուստրիա» խորագիրը կրող քննարկմանը

Հանրապետության նախագահ Վահագն Խաչատուրյանը Հայաստանի պետական տնտեսագիտական համալսարանում (ՀՊՏՀ) ներկա է գտնվել «Հայաստանի տնտեսության առաջանցիկ աճի ուրվագծեր. բժշկական ինդուստրիա» խորագիրը կրող քննարկմանը: Հանդես գալով բացման խոսքով՝ Հայաստանի նախագահ Վահագն Խաչատուրյանը մեծապես կարևորել է նման քննարկումները և ընդգծել է, որ ցանկացած և հատկապես այս դեպքում՝ առողջապահական ապահովագրական համակարգի ներդրումից առաջ անհրաժեշտ է համապարփակ և խորքային վերլուծություն: […] ...

12:44 31.05.2024

ՄԻՖ է, թե էլեկտրոնային ծխախոտը պակաս վնասակար է, քան սովորականը. ԱՆ

ՄԻՖ է, թե էլեկտրոնային ծխախոտը պակաս վնասակար է, քան սովորականը: Մասնագետները պնդում են` էլեկտրոնային ծխախոտն օրգանիզմ նիկոտին է մատակարարում այնքան, որքան` սովորականը: Ինչպես հայտնում են ԱՆ-ից, վեյփը ևս առողջական խնդիրներ է առաջացնում և կախվածություն: Թյուր է կարծել, թե էլեկտրոնային ծխախոտը նպաստում է ծխելը թողնելուն: ...

10:46 31.05.2024

Ծխախոտային արտադրատեսակների օգտագործման հետևանքով յուրաքանչյուր տարի մահանում է ավելի քան 8 միլիոն մարդ. ԱՆ

Ամեն տարի մայիսի 31-ին աշխարհում նշվում է Առանց ծխախոտի համաշխարհային օրը՝ ընդգծելով ծխախոտի օգտագործման առողջական ռիսկերը և ծխախոտի սպառումը նվազեցնելու արդյունավետ քաղաքականությունը: Այդ մասին ասված է ՀՀ ԱՆ Ֆեյսբուքի էջում։ «Ծխախոտի համաճարակը հանրային առողջության ամենամեծ վտանգներից մեկն է, որին երբևէ բախվել է աշխարհը: Ծխախոտային արտադրատեսակների օգտագործման հետևանքով յուրաքանչյուր տարի մահանում է ավելի քան 8 միլիոն մարդ: […] ...

22:51 30.05.2024

Սննդաբանը նշել է առավոտյան ամենաառողջարար ըմպելիքը

Առավոտյան առողջարար ըմպելիքների ցանկը գլխավորում է ջուրը, ասել է սննդաբան, ալերգոլոգ-իմունոլոգ Ելենա Պարեցկայան։ Նա խորհուրդ է տվել երկու ըմպելիք, որոնք կօգնեն առույգանալ։ Պարեցկայան նշել է, որ սուրճը կարելի է փոխարինել ճարճատուկով ըմպելիքով։ «Ճարճատուկով ըմպելիքը շատ ավելի առողջարար է, այն չի պարունակում կոֆեին, ունի միզամուղ ազդեցություն, օրգանիզմին ապահովում է առողջարար վիտամիններով և հանքանյութերով: Այն օգնում է […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.