19:48 01.12.2021
Գյումրիի փողոցների ձմեռային սպասարկման նախապատրաստման աշխատանքները սկսվել են նոյեմբերի կեսերից։ Փողոցների հիմնանորոգման արդյունքում սպասարկման տարածքներն ընդլայնվել են մոտ 10 կմ-ով: Կոմունալ ծառայության ավտոպարկում մեքենամեխանիզմներն ու անհրաժեշտ նյութատեխնիկական բազան ևս նորացվել են:
Նոր տեխնիկայով ավտոպարկը համալրվել է սուբվենցիոն ծրագրով, շահագործում են անցած տարվանից։ Ամառային սեզոնից հետո բազմաֆունկցիոնալ մեքենաները հիմա վերապրոֆիլավորում են ձմեռային սպասարկման համար։
«Ավտոմեքենաները գարնանային և ամառային եղանակներին օգտագործում ենք որպես ջրցաններ՝ քաղաքի փողոցների լվացման և կանաչ տարածքների ոռոգման համար, իսկ ձմեռային սեզոնին ձևափոխվում են, վրան ամրացվում է կոշ, որով մաքրում ենք ձյունը, հետևի հատվածում ավելացվում է աղ-ավազային խառնուրդը շաղ տալու հարմարանքը։ Մեր աշխատանքը հիմա արդեն դարձել է ավտոմատացված, նախկինում աղն ու ավազը փողոցներում շաղ էին տալիս մեր բանվորները»,- նշում է Գյումրիի քաղաքապետարանի կոմունալ ծառայության տնօրենի ժամանակավոր պաշտոնակատար Արման Շաբոյանը։
Մինչ նոր տեխնիկա ունենալը քաղաքի փողոցների ձյունը հեռացնում էին հին տրակտորներով կամ հարմարեցված ավտոմեքենաներով: Այսպես ասած՝ ժամկետանց մեքենամեխանիզմներն արդեն ենթակա են դուրս գրման։ Հնի փոխարինում նորերով կատարել են, բայց փողոցների ամբողջական սպասարկման համար կոմունալ ծառայությանն անհրաժեշտ են ևս մի քանի ձյուն մաքրող մեքենաներ:
«Մենք ունենք չորս բազմաֆունկցիոնալ ավտոմեքենա։ Հաշվի առնելով մեր հիմնանորոգված փողոցների թիվը՝ առաջնահերթություն է առաջացել ևս երկու նմանատիպ մեքենա ձեռք բերելու։ Հիմա կնայենք՝ մեր միջոցները կբավականացնե՞ն 2022 թվականի բյուջեի հաշվին սուբվենցիոն կամ այլ ծրագրով ևս երկու մեքենա ունենալ, նաև փոշեկուլի անհրաժեշտություն կա»,- նշում է Գյումրիի քաղաքապետ Վարդգես Սամսոնյանը։
Կոմունալ ծառայությունը շարունակում է նաև աղ ու ավազ պահեստավորել, իսկ ավազակոպճային մանր խառնուրդը բերում են Արթիկի հանքերից, արդեն 16 տոննա տեխնիկական աղ ու 1200 խմ ավազ են կուտակել։
Ավելացել են ասֆալտապատ փողոցներն ու մայթերը, ըստ այդմ՝ ընդլայնվել են ձմեռային սպասարկման տարածքները: Ձյուն մաքրող տեխնիկայից բացի, անհրաժեշտություն է առաջացել ավելացնել նաև կոմունալ ծառայության բանվորների թիվը։
Կոմունալ ծառայությունում 350 մարդ է աշխատում, միայն 50-ի աշխատանքն է սեզոնային, որոնք կանաչապատման աշխատանքներում են ներգրավված։ 2022 թվականի քաղաքային բյուջեով կոմունալ բաժնի ֆինանսական հատկացումներն ավելանալու դեպքում կկարողանան հավելյալ աշխատուժ պահել։
Կոմունալի համար ձմեռային սպասարկման դժվարություններ նորից առաջ են գալու չվերանորոգված կամ անավարտ մնացած փողոցներում:
17:24 02.05.2025
Ավտոմեքենան ընկել է Դեբեդ գետը. փրկարարները որոնում են ավտոմեքենայում գտնված քաղաքացունՄայիսի 2-ին՝ ժամը 15:50-ին, Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ ավտոմեքենան դուրս է եկել ճանապարհի երթևեկելի հատվածից և ընկել Դեբեդ գետը․ անհրաժեշտ է փրկարարների օգնությունը։ Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ և չորս օպերատիվ խումբ: Ըստ նախնական տվյալների՝ ավտոմեքենայում գտնվել է երկու […] ...
17:18 02.05.2025
Մ3 միջպետական ճանապարհի՝ Սպիտակ-Վանաձորի 11,8 կմ հատվածը հիմնանորոգվել է. վարչապետՄ3 միջպետական ճանապարհի՝ Սպիտակ-Վանաձորի 11,8 կմ հատվածը հիմնանորոգվել է: Ծրագրի իրականացման նպատակով Կառավարությունը հատկացրել է 3 մլրդ 86 մլն դրամ։ Այս մասին ֆեյսբուքյան իր էջում գրել է վարչապետ Նիկոլ Փաշինյանը և կից տեսանյութ հրապարակել: ...
17:10 02.05.2025
Կիպրոսում Հայաստանի դեսպանն իր հավատարմագրերն է հանձնել երկրի նախագահինՄայիսի 2-ին Կիպրոսի Հանրապետությունում Հայաստանի Հանրապետության արտակարգ և լիազոր դեսպան Իննա Թորգոմյանն իր հավատարմագրերն է հանձնել Կիպրոսի նախագահ Նիկոս Խրիստոդուլիդեսին։ Ողջունելով և շնորհավորելով նորանշանակ դեսպանին պաշտոնը ստանձնելու կապակցությամբ` նախագահը հաջողություն և արդյունավետ առաքելություն է մաղթել` ընդգծելով Հայաստանում և Կիպրոսում նստավայր դեսպանների նշանակման կարևորությունը` ի նպաստ երկու երկրների միջև սերտ հարաբերությունների առավել զարգացման: Նախագահ Խրիստոդուլիդեսը գոհունակությամբ […] ...
17:00 02.05.2025
38-ամյա տղամարդու մոտ թմրանյութ և դանակ է հայտնաբերվելՀամայնքային ոստիկանության Կենտրոնական բաժնի ծառայողները մայիսի 1-ին, ապօրինի թմրանյութ պահելու և օգտագործելու կասկածանքով, ձերբակալել և բաժին են տեղափոխել Երևանի բնակիչ 38-ամյա տղամարդու: Նրա անձնական խուզարկությամբ հայտնաբերվել են մենտամֆետամին տեսակի թմրամիջոցի նմանվող բյուրեղանման զանգված և դանակ: 38-ամյա տղամարդը և կազմված փաստաթղթերը ներկայացվել են նախաքննական մարմին: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի […] ...
16:53 02.05.2025
Արդարադատության նախարարության գլխավոր քարտուղարն ու Քրեակատարողական ծառայության պետն այցելել են «Սևան» և «Աբովյան» ՔԿՀ-ներԱրդարադատության նախարարության գլխավոր քարտուղար Էդգար Հովսեփյանը և Քրեակատարողական ծառայության պետ Ծովինար Թադևոսյանն այցելել են «Սևան» և «Աբովյան» քրեակատարողական հիմնարկներ՝ տեղում ուսումնասիրելու ազատազրկված անձանց պահման ընթացիկ պայմանները, գնահատելու նախատեսվող շինվերանորոգման աշխատանքների ծավալն ու հնարավորությունները։ «Սևան» քրեակատարողական հիմնարկում Ծովինար Թադևոսյանը և Էդգար Հովսեփյանը մասնակցել են նաև ծառատունկին, հետևել են նոր վերանորոգված դասասենյակներում իրականացվող դասապրոցեսին, ճաշարանում ազատազրկված անձանցից […] ...
16:45 02.05.2025
ԱԳ նախարարի տեղակալ Ռոբերտ Աբիսողոմոնյանի ելույթը` Հայաստանի զեկույցի դիտարկմանըՀՀ ԱԳ նախարարի տեղակալ Ռոբերտ Աբիսողոմոնյանը ելույթ է ունեցել Համընդհանուր պարբերական դիտարկման աշխատանքային խմբի 49-րդ հանդիպման շրջանակներում Հայաստանի զեկույցի դիտարկմանը: «Պարո՛ն նախագահ, Հարգելի՛ պատվիրակներ, Ինձ համար մեծ պատիվ և պատասխանատվություն է գլխավորել Հայաստանի պատվիրակությունը Համընդհանուր պարբերական դիտարկման չորրորդ շրջանում։ Մենք գնահատում ենք այս հնարավորությունը՝ անդրադառնալու մեր առաջընթացին և ներկայացնելու ապագա առաջնահերթությունները կառուցողական ներգրավվածության ոգով։ Մենք […] ...
