19:50 14.12.2021
Սուբվենցիոն ծրագրով Գյումրիի համար ձեռք բերված նոր միկրոավտոբուսների շահագործումն այս տարի չի լինի։ Ամռանը ներկրված 63 միկրոավտոբուսները, որոնք նախատեսված էին երթուղի դուրս բերել նոյեմբեր-դեկտեմբեր ամիսներին, տարբեր պատճառներով ձգձգվեցին: Նոր երթուղիների ցանցի շահագործման հստակ մեխանիզմ դեռ մշակված չկա, սպասարկող կազմակերպության ընտրությունն ու իրավակազմակերպչական ձևը ևս հստակեցված չէ։
Հուլիս ամսից բաց տարածքում կայանած 63 նոր միկրոավտոբուսներն ամիսը երկու-երեք անգամ մասնագետներն ընդամենը շարժիչներն են գործի դնում՝ մարտկոցների անսարքություններից խուսափելու համար։ Չշահագործվող տրանսպորտային միջոցների համար հատկապես ձմռան ամիսներին այս պրոցեսը պարտադիր է։
«Եթե երկար կանգնած են մեքենաները, որպեսզի մարտկոցները չփչանան, չվնասվեն, անպայման պետք է որոշ ժամանակով շարժիչները աշխատեն»,- նշում է Գյումրիի քաղաքապետարանի տրանսպորտի բաժնի գլխավոր մասնագետ Գագիկ Ավետիսյանը։
Սուբվենցիոն ծրագրով ձեռք բերված 63 նոր միկրոավտոբուսների ընդհանուր արժեքը 900 միլիոն դրամ է, որի 50 տոկոսը համայնքի ներդրումն է, մնացած 50-ը՝ պետբյուջեի համաֆինանսավորումը: Ամռան կեսին տեղ հասած ուղևորատար, քաղաքային երթուղու համար նախատեսված տրանսպորտային միջոցները տարեվերջին չեն շահագործվի, պարզել են, որ ամբողջ քաղաքի համար 63-ը քիչ է, հարկավոր է առնվազն 83 միկրոավտոբուս։
Մինչև գարուն դեռ պետք է հստակեցնեն, թե համայնքի սեփականություն համարվող միկրոավտոբուսների սպասարկումն ինչպես է տնօրինվելու։ Քննարկվում է ստեղծել քաղաքապետարանի ենթակայության գործող փակ բաժնետիրական ընկերություն, ըստ այդմ՝ երթուղիների շահագործումն էլ կդառնա առանց մրցույթի։
«Գծատերեր հասկացողությունը դուրս է գալիս, լինելու է ՓԲԸ, որի 100 տոկոս բաժնեմասը լինելու է համայնքինը, կառավարում է այդ ամբողջը ՓԲԸ-ի տնօրենը, բայց ինքը լինում է համայնքապատկան։ Գիծ, գծատեր ու գծի վարորդ հասկացությունը չի լինելու, վարորդը չի լինելու իր ցանկությամբ աշխատող, իր ժամային գրաֆիկով աշխատող անձնավորություն, վարորդը լինելու է ՓԲԸ-ի աշխատող ՝ աշխատավարձով»,- նշում է Գյումրիի քաղաքապետի տեղակալ Դավիթ Առուշանյանը։
Քաղաքի նոր երթուղային ցանցում, որը դեռ վերջնական չէ, ներառված են հիմնանորոգված այն փողոցներն ու թաղամասերը, որոնք քաղաքային ուղևորատար տրանսպորտի երթուղի չեն եղել, հետևաբար, կընդլայնվեն սպասարկման տարածքները, երթուղիները կերկարեն։
Վարորդների և երթուղայինների աշխատանքի հսկողություն սահմանելու համար մեքենաներում կտեղադրվեն GPS համակարգեր, որոնք թույլ կտան կանգառներում սպասող քաղաքացիներին ևս հետևել տրանսպորտի տեղաշարժին:
Նոր միկրոավտոբուսների սպասելիս մինչ հաջորդ տարվա գարուն քաղաքի կանգառներն էլ կավելանան։ Դրանք լինելու են 73-ը։ Բայց դեռ չեն կողմնորոշվել, թե վճարման ինչ տարբերակ է գործելու: Ամեն դեպքում նոր միկրոավտոբուսներով սպասարկումը, հավաստիացնում են՝ չի ազդելու ուղեվարձի վրա:
Ուղեվարձի գումարները տնօրինելու է համայնքը։ Քաղաքային բյուջեի միջոցներով վերանորոգվելու է Ղանդիլյան փողոցում գտնվող ավտոպարկը, որը կունենա նաև տեխզննման կայան: Նոր միկրոավտոբուսների համար անպայման են D կարգի վարորդական իրավունքի վկայականը, երկար տարիների աշխատանքային փորձը։ Քաղաքապետարանն արդեն 120 վարորդներից դիմումներ է ստացել։
17:40 02.05.2025
Ռոբերտ Աբիսողոմոնյանը հանդիպել է ՄԱԿ բարձր հանձնակատարի՝ գործողությունների հարցերով փոխտեղակալի հետՄայիսի 2-ին Ժնևում՝ ՄԱԿ Համընդհանուր պարբերական դիտարկման 4-րդ շրջանի ՀՀ ազգային զեկույցի քննարկման շրջանակներում, ՀՀ ԱԳ նախարարի տեղակալ Ռոբերտ Աբիսողոմոնյանը հանդիպում է ունեցել Փախստականների հարցերով ՄԱԿ բարձր հանձնակատարի գրասենյակի` գործողությունների հարցերով փոխտեղակալ Ռաուֆ Մազուի հետ: ՀՀ ԱԳ նախարարի տեղակալը բարձր է գնահատել Հայաստանի և Փախստականների հարցերով ՄԱԿ բարձր հանձնակատարի գրասենյակի միջև ձևավորված արդյունավետ համագործացկությունը, մասնավորապես՝ […] ...
17:24 02.05.2025
Ավտոմեքենան ընկել է Դեբեդ գետը. փրկարարները որոնում են ավտոմեքենայում գտնված քաղաքացունՄայիսի 2-ին՝ ժամը 15:50-ին, Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ ավտոմեքենան դուրս է եկել ճանապարհի երթևեկելի հատվածից և ընկել Դեբեդ գետը․ անհրաժեշտ է փրկարարների օգնությունը։ Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ և չորս օպերատիվ խումբ: Ըստ նախնական տվյալների՝ ավտոմեքենայում գտնվել է երկու […] ...
17:18 02.05.2025
Մ3 միջպետական ճանապարհի՝ Սպիտակ-Վանաձորի 11,8 կմ հատվածը հիմնանորոգվել է. վարչապետՄ3 միջպետական ճանապարհի՝ Սպիտակ-Վանաձորի 11,8 կմ հատվածը հիմնանորոգվել է: Ծրագրի իրականացման նպատակով Կառավարությունը հատկացրել է 3 մլրդ 86 մլն դրամ։ Այս մասին ֆեյսբուքյան իր էջում գրել է վարչապետ Նիկոլ Փաշինյանը և կից տեսանյութ հրապարակել: ...
17:10 02.05.2025
Կիպրոսում Հայաստանի դեսպանն իր հավատարմագրերն է հանձնել երկրի նախագահինՄայիսի 2-ին Կիպրոսի Հանրապետությունում Հայաստանի Հանրապետության արտակարգ և լիազոր դեսպան Իննա Թորգոմյանն իր հավատարմագրերն է հանձնել Կիպրոսի նախագահ Նիկոս Խրիստոդուլիդեսին։ Ողջունելով և շնորհավորելով նորանշանակ դեսպանին պաշտոնը ստանձնելու կապակցությամբ` նախագահը հաջողություն և արդյունավետ առաքելություն է մաղթել` ընդգծելով Հայաստանում և Կիպրոսում նստավայր դեսպանների նշանակման կարևորությունը` ի նպաստ երկու երկրների միջև սերտ հարաբերությունների առավել զարգացման: Նախագահ Խրիստոդուլիդեսը գոհունակությամբ […] ...
17:00 02.05.2025
38-ամյա տղամարդու մոտ թմրանյութ և դանակ է հայտնաբերվելՀամայնքային ոստիկանության Կենտրոնական բաժնի ծառայողները մայիսի 1-ին, ապօրինի թմրանյութ պահելու և օգտագործելու կասկածանքով, ձերբակալել և բաժին են տեղափոխել Երևանի բնակիչ 38-ամյա տղամարդու: Նրա անձնական խուզարկությամբ հայտնաբերվել են մենտամֆետամին տեսակի թմրամիջոցի նմանվող բյուրեղանման զանգված և դանակ: 38-ամյա տղամարդը և կազմված փաստաթղթերը ներկայացվել են նախաքննական մարմին: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի […] ...
16:53 02.05.2025
Արդարադատության նախարարության գլխավոր քարտուղարն ու Քրեակատարողական ծառայության պետն այցելել են «Սևան» և «Աբովյան» ՔԿՀ-ներԱրդարադատության նախարարության գլխավոր քարտուղար Էդգար Հովսեփյանը և Քրեակատարողական ծառայության պետ Ծովինար Թադևոսյանն այցելել են «Սևան» և «Աբովյան» քրեակատարողական հիմնարկներ՝ տեղում ուսումնասիրելու ազատազրկված անձանց պահման ընթացիկ պայմանները, գնահատելու նախատեսվող շինվերանորոգման աշխատանքների ծավալն ու հնարավորությունները։ «Սևան» քրեակատարողական հիմնարկում Ծովինար Թադևոսյանը և Էդգար Հովսեփյանը մասնակցել են նաև ծառատունկին, հետևել են նոր վերանորոգված դասասենյակներում իրականացվող դասապրոցեսին, ճաշարանում ազատազրկված անձանցից […] ...
