Մի շարք հետախուզվողներ են հայտնաբերվել

Ոստիկանության Արարատի բաժանմունքի ծառայողները, օպերատիվ տվյալներն իրացնելով, հունվարի 31-ին Արարատ քաղաքի Խանջյան փողոցի շենքերից մեկի բակում հայտնաբերել և բերման են ենթարկել 29-ամյա Ռոբերտ Բ.-ին, որը 2021 թ. դեկտեմբերի 28-ից ոստիկանության Մալաթիայի բաժնի կողմից հետախուզվում էր ՀՀ Քրեական օրենսգրքի 268-րդ հոդվածի (Թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց իրացնելու նպատակի) մեղադրանքով:
Խափանման միջոցը՝ ստորագրություն:
Ռոբերտ Բ.-ն ներկայացվել է ոստիկանության Մալաթիայի բաժնի ծառայողներին:

Ոստիկանության Արտաշատի բաժնի ՔՀԲ ծառայողների ձեռնարկած օպերատիվ-հետախուզական միջոցառումների արդյունքում հունվարի 31-ին Արտաշատ քաղաքի Իսակովի փողոցից բերման է ենթարկվել 34-ամյա Գեղամ Հ.-ն, որը հետախուզվում էր ՀՀ Քրեական օրենսգրքի 177-րդ հոդվածի (Գողությունը) մեղադրանքով:
Գեղամ Հ.-ն ներկայացվել է նախաքննական մարմնին:

Ոստիկանության «Զվարթնոց» օդանավակայանի գծային բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ հունվարի 31-ին Աթենք-Երևան չվերթի ինքնաթիռի ժամանումից հետո գծային բաժին բերման է ենթարկվել 58-ամյա Հարություն Զ.-ն, որը 2020 թ. մայիսի 6-ից ՌԴ Կեմերովոյի մարզի ՆԳՎ կողմից հետախուզվում էր ՌԴ Քրեական օրենսգրքի 159-րդ հոդվածի (Խարդախությունը) մեղադրանքով:
Խափանման միջոցը՝ ստորագրություն:
Հայտնաբերման մասին հայտնվել է հետախուզումը նախաձեռնողին և դատախազությանը:

Ոստիկանության Մաշտոցի բաժնի ՔՀԲ ծառայողների բացատրական աշխատանքի շնորհիվ հունվարի 31-ին բաժին է ներկայացել 41-ամյա Սերգեյ Գ.-ն, որը 2021 թ. փետրվարի 17-ից հետախուզվում էր ՀՀ Քրեական օրենսգրքի 131-րդ հոդվածի (Մարդուն առևանգելը) մեղադրանքով:
Խափանման միջոցը՝ կալանք:

***
Ոստիկանության Վաղարշապատի բաժնի ՔՀԲ ծառայողների ձեռնարկած օպերատիվ-հետախուզական միջոցառումների և բացատրական աշխատանքի շնորհիվ հունվարի 31-ին բաժին է ներկայացել 37-ամյա Արմեն Ե.-ն, որը 2021 թ. դեկտեմբերի 24-ից հետախուզվում էր ՀՀ Քրեական օրենսգրքի 112-րդ հոդվածի (Դիտավորությամբ առողջությանը ծանր վնաս պատճառելը) մեղադրանքով:
Խափանման միջոցը՝ կալանք:

Ոստիկանության Էրեբունու բաժնի ՔՀԲ ծառայողները և վետերանները համատեղ միջոցառումներով հունվարի 31-ին Նոր Արեշի 35-րդ փողոցից բերման են ենթարկել 62-ամյա Մարիամ Մ.-ին, որը հունվարի 27-ից հետախուզվում էր ՀՀ Քրեական օրենսգրքի 205-րդ հոդվածի (Հարկը, տուրքը կամ պարտադիր այլ վճարը չվճարելը) մեղադրանքով:
Խափանման միջոցը՝ ստորագրություն:
Մարիամ Մ.-ն ներկայացվել է նախաքննական մարմնին:

Ոստիկանության ՊԾ Երևանի գնդի 1-ին գումարտակի 2-րդ վաշտի պարեկների և Արաբկիրի բաժնի ՔՀԲ ծառայողների համատեղ ձեռնարկած միջոցառումների շնորհիվ հունվարի 31-ին Կոմիտասի պողոտայից Արաբկիրի բաժին բերման է ենթարկվել 27-ամյա Տիգրան Հ.-ն, որը 2021 թ. հոկտեմբերի 7-ից ոստիկանության Նոր Նորքի բաժնի կողմից հետախուզվում էր ՀՀ Քրեական օրենսգրքի 178-րդ հոդվածի (Խարդախությունը) մեղադրանքով:
Խափանման միջոցը՝ ստորագրություն:

Ոստիկանության Շենգավիթի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ հունվարի 31-ին Շիրակի փողոցից բերման է ենթարկվել 25-ամյա Աշոտ Ս.-ն, որը հունվարի 27-ից հետախուզվում էր ՀՀ Քրեական օրենսգրքի 177-րդ հոդվածի (Գողությունը) մեղադրանքով:
Խափանման միջոցը՝ ստորագրություն:

Ոստիկանության ՔՈԳՎ ստացած օպերատիվ տվյալներն իրացնելով՝ ոստիկանության Դավիթաշենի բաժանմունքի քրեական հետախույզները հունվարի 31-ին անձնագրային և վիզաների վարչությունից բերման են ենթարկել 42-ամյա Վարդգես Ղ.-ին, որը 2018 թ. մարտի 2-ից ՌԴ Տուապսե քաղաքի ոստիկանների կողմից հետախուզվում էր ՌԴ Քրեական օրենսգրքի 158-րդ հոդվածի (Գողությունը) մեղադրանքով:
Խափանման միջոցը՝ ստորագրություն:
Հայտնաբերման մասին հայտնվել է հետախուզումը նախաձեռնողին: