Մի շարք հետախուզվողներ են հայտնաբերվել

Փետրվարի 28-ին Բագրատաշենի սահմանապահ վերահսկողության բաժնից ոստիկանության Բագրատաշենի բաժանմունք բերման է ենթարկվել 41-ամյա Հայկ Խ.-ն, որը 2021 թ. դեկտեմբերի 3-ից ոստիկանության Կենտրոնական բաժնի կողմից հետախուզվում էր ՀՀ Քրեական օրենսգրքի 178-րդ հոդվածի (Խարդախությունը) 3-րդ մասի մեղադրանքով:
Խափանման միջոցը՝ ստորագրություն:
Հայտնաբերման մասին տեղյակ է պահվել հետախուզումը նախաձեռնողին:

Ոստիկանության Կումայրիի բաժնի ՔՀԲ ծառայողները փետրվարի 28-ին Մուշ-2 թաղամասից բերման են ենթարկել 49-ամյա Արայիկ Յ.-ին, որը փետրվարի 14-ից հետախուզվում էր ՀՀ Քրեական օրենսգրքի 118-րդ հոդվածի (Ծեծը) մեղադրանքով:
Արայիկ Յ.-ն ներկայացվել է պրոբացիայի ծառայություն:

Ոստիկանության Սիսիանի բաժնի ՔՀԲ ծառայողների ձեռնարկած միջոցառումների արդյունքում փետրվարի 28-ին Սիսիան քաղաքի Գարեգին Նժդեհի փողոցից բերման է ենթարկվել 29-ամյա Գևորգ Խ.-ն, որը փետրվարի 25-ից հետախուզվում էր ՀՀ Քրեական օրենսգրքի 178-րդ հոդվածի (Խարդախությունը) մեղադրանքով:
Գևորգ Խ.-ն ներկայացվել է նախաքննական մարմնին:

Ոստիկանության Արարատի բաժնի քրեական հետախույզները փետրվարի 28-ին Երևան քաղաքի Սուրբ Գրիգոր Լուսավորչի եկեղեցու բակում հայտնաբերել և Արարատի բաժին բերման են ենթարկել 26-ամյա Ծովիկ Բ.-ին, որը փետրվարի 24-ից հետախուզվում էր ՀՀ Քրեական օրենսգրքի 147-րդ (Բնակարանի անձեռնմխելիությունը խախտելը), 177-րդ (Գողությունը) և 324-րդ (Փաստաթղթեր, դրոշմներ, կնիքներ հափշտակելը կամ վնասելը) հոդվածների մեղադրանքով պատժի կրումից խուսափելու համար:
Ծովիկ Բ.-ն ներկայացվել է դատարան:

Ոստիկանության «Զվարթնոց» օդանավակայանի գծային բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ փետրվարի 28-ին Երևան-Ստամբուլ չվերթի հաշվառումից հետո գծային բաժին բերման է ենթարկվել 66-ամյա Լյուդմիլա Մ.-ն, որը փետրվարի 18-ից ՌԴ Ուլյանովսկի մարզի իրավապահների կողմից հետախուզվում էր ՌԴ Քրեական օրենսգրքի 145.1-րդ հոդվածի մեղադրանքով:
Խափանման միջոցը՝ ստորագրություն:
Հայտնաբերման մասին հայտնվել է հետախուզումը նախաձեռնողին և դատախազությանը:

Ոստիկանության ՔՈ գլխավոր վարչության օպերատիվ խմբի կողմից փետրվարի 28-ին Մոսկվա-Երևան չվերթի ինքնաթիռով ՀՀ է տեղափոխվել 31-ամյա Արսեն Ս.-ն, որը 2021 թ. փետրվարի 2-ից ոստիկանության Մաշտոցի բաժնի կողմից հետախուզվում էր ՀՀ Քրեական օրենսգրքի 178-րդ հոդվածի (Խարդախությունը) 3-րդ մասի մեղադրանքով:
Խափանման միջոցը՝ կալանք:
Արսեն Ս.-ն փոխանցվել է ոստիկանության Մաշտոցի բաժնի ծառայողներին:

Ոստիկանության Էրեբունու բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ փետրվարի 28-ին Սասունցի Դավթի և Մուրացանի փողոցների խաչմերուկից բերման է ենթարկվել 42-ամյա Հայկ Հ.-ն, որը 2021 թ. սեպտեմբերի 30-ից ոստիկանության Նաիրիի բաժնի կողմից հետախուզվում էր ՀՀ Քրեական օրենսգրքի 178-րդ հոդվածի (Խարդախությունը) մեղադրանքով:
Խափանման միջոցը՝ ստորագրություն:
Հայկ Հ.-ն ներկայացվել է ոստիկանության Նաիրիի բաժին:

Ոստիկանության ՔՈԳՎ և Շենգավիթի բաժնի քրեական հետախույզների համատեղ ձեռնարկած օպերատիվ-հետախուզական միջոցառումների շնորհիվ փետրվարի 28-ին Շիրակի փողոցից Շենգավիթի բաժին բերման է ենթարկվել 22-ամյա Վահե Ա.-ն, որը փետրվարի 24-ից հետախուզվում էր ՀՀ Քրեական օրենսգրքի 177-րդ հոդվածի (Գողությունը) մեղադրանքով:
Խափանման միջոցը՝ ստորագրություն:
Վահե Ա.-ն ներկայացվել է նախաքննական մարմնին: